പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ?
എട്ടാം ശമ്പള കമ്മീഷന്റെ ശമ്പള പരിഷ്കരണ പ്രഖ്യാപനത്തിനുള്ള കാത്തിരിപ്പിലാണ് സര്ക്കാര് ജീവനക്കാരും പെന്ഷന്കാരും. കേന്ദ്ര മന്ത്രിസഭ എട്ടാം കേന്ദ്ര ശമ്പള കമ്മീഷന്റെ (സിപിസി) ടേംസ് ഓഫ് റഫറന്സ് അംഗീകരിക്കുകയും വിജ്ഞാപനം ചെയ്യുകയും ചെയ്തിട്ടുണ്ട്. കമ്മീഷന് സമര്പ്പിച്ച ശുപാര്ശകള് ഏകദേശം 1.2 കോടി കേന്ദ്ര സര്ക്കാര് ജീവനക്കാരെയും പെന്ഷന്കാരെയും ഉള്പ്പെടുത്തും.
സുപ്രീം കോടതിയിലെ മുന് ജഡ്ജി ജസ്റ്റിസ് രഞ്ജന പ്രകാശ് ദേശായിയെ എട്ടാം സിപിസിയുടെ ചെയര്പേഴ്സണായി നിയമിച്ചു. അതേസമയം, ഐഐഎം ബാംഗ്ലൂരിലെ പ്രൊഫസര് പുലക് ഘോഷിനെ പുതിയ ശമ്പള കമ്മീഷന്റെ പാര്ട്ട് ടൈം അംഗമായി നിയമിച്ചു. പെട്രോളിയം & പ്രകൃതി വാതക മന്ത്രാലയം സെക്രട്ടറി പങ്കജ് ജെയിനിനെ ശമ്പള കമ്മീഷന്റെ മെമ്പര്-സെക്രട്ടറിയായി സര്ക്കാര് നിയമിച്ചു.
കേന്ദ്ര സര്ക്കാര് ജീവനക്കാരുടെ ശമ്പളത്തിലും മറ്റ് ആനുകൂല്യങ്ങളിലും മാറ്റങ്ങള് പരിശോധിക്കുന്നതിനും ശുപാര്ശ ചെയ്യുന്നതിനുമാണ് ശമ്പള കമ്മീഷന് രൂപീകരിച്ചത്. 2016 ജനുവരി 1 മുതല് പ്രാബല്യത്തില് വന്ന 6 മാസത്തിനുള്ളില് ഏഴാം ശമ്പള കമ്മീഷന്റെ ശുപാര്ശകള് അംഗീകരിച്ചു. അതേ സമയപരിധി പരിഗണിക്കുകയാണെങ്കില്, ഇപ്പോള് മുതല് ഏകദേശം 20 മാസത്തിനുള്ളില് എട്ടാം ശമ്പള കമ്മീഷന് നടപ്പിലാക്കാന് സാധ്യതയുണ്ട്.
7-ാം ശമ്പള കമ്മീഷന്റെ കാലാവധി അവസാനിച്ചതിനെത്തുടര്ന്ന് 2026 ജനുവരി 1 മുതല് എട്ടാം ശമ്പള കമ്മീഷന്റെ വ്യവസ്ഥകള് പ്രാബല്യത്തില് വരുമെന്ന് പ്രതീക്ഷിക്കുന്നു. 'സാധാരണയായി, ശമ്പള കമ്മീഷന്റെ ശുപാര്ശകള് ഓരോ പത്ത് വര്ഷത്തെ ഇടവേളയ്ക്കുശേഷമാണ് നടപ്പിലാക്കുന്നത്. ഈ പ്രവണത അനുസരിച്ച്, 8-ാം കേന്ദ്ര ശമ്പള കമ്മീഷന് ശുപാര്ശകളുടെ ഫലം സാധാരണയായി 01.01.2026 മുതല് പ്രതീക്ഷിക്കാം,' സര്ക്കാര് വൃത്തങ്ങള് പറഞ്ഞു.
കേന്ദ്ര സര്ക്കാര് ജീവനക്കാരുടെ നിലവിലെ ശമ്പളം
നിലവില്, കേന്ദ്ര സര്ക്കാര് ജീവനക്കാര്ക്കും പെന്ഷന്കാര്ക്കും ഏഴാം ശമ്പള കമ്മീഷന് പ്രകാരമാണ് ശമ്പളം നല്കുന്നത്. ഇത് പ്രകാരം കേന്ദ്ര സര്ക്കാര് ജീവനക്കാരുടെ ഏറ്റവും കുറഞ്ഞ അടിസ്ഥാന ശമ്പളം 18,000 രൂപയാണ്, അതേസമയം പെന്ഷന്കാര്ക്ക് ഏറ്റവും കുറഞ്ഞ അടിസ്ഥാന പെന്ഷന് 9,000 രൂപയുമാണ്. പരമാവധി അടിസ്ഥാന ശമ്പളം 2,25,000 രൂപയും, കാബിനറ്റ് സെക്രട്ടറി തുടങ്ങിയ ഉന്നത തസ്തികകള്ക്ക് പ്രതിമാസം 2,50,000 രൂപയുമാണ് ലഭിക്കുന്നത്.
7 സിപിസി പ്രകാരം ഫിറ്റ്മെന്റ് ഘടകം 2.57 ആയി നിശ്ചയിച്ചു. മാത്രമല്ല, ഡിഎ/ഡിആര് നിലവില് 58 ശതമാനമാണ്. വിദഗ്ധരുടെ പ്രവചനം കണക്കിലെടുക്കുമ്പോള്, എട്ടാം ശമ്പള കമ്മീഷന്റെ കീഴിലുള്ള അംഗീകൃത ഫിറ്റ്മെന്റ് ഘടകം 2.86 ആയിരിക്കാം എന്നാണ് കണക്കുകൂട്ടല്.
2.86 എന്ന ഫിറ്റ്മെന്റ് ഘടകത്തില് ജീവനക്കാര്ക്കുള്ള പുതിയ മിനിമം അടിസ്ഥാന ശമ്പളം 51,480 രൂപയായും പെന്ഷന്കാര്ക്കുള്ള പുതിയ മിനിമം അടിസ്ഥാന പെന്ഷന് 25,740 രൂപയായും വര്ധിക്കും. ഏഴാം ശമ്പള കമ്മീഷന്റെ കീഴിലുള്ള അടിസ്ഥാന ശമ്പളത്തില് നിന്നുള്ള ശമ്പളത്തിലും പെന്ഷനിലും 186 ശതമാനം വര്ധനവാണ് ഇത്.
Click it and Unblock the Notifications
Sign in with Google