ശമ്പളം കൂടാന് പോകുന്നു; 5 ശതമാനം വര്ധനവിന് സാധ്യത, സര്ക്കാര് ഉദ്യോഗസ്ഥര്ക്ക് പ്രതീക്ഷ
ന്യൂഡല്ഹി: കേന്ദ്ര സര്ക്കാര് ജീവനക്കാരുടെ ക്ഷാമബത്തയില് വലിയ മാറ്റം വരാന് പോകുന്നു. പ്രതീക്ഷിച്ച പോലെ രണ്ട് ശതമാനം ആകില്ല വര്ധനവ് എന്നാണ് കരുതുന്നത്. നവംബറിലെ അഖിലേന്ത്യാ വ്യവസായ തൊഴിലാളി ഉപഭോക്തൃവില സൂചിക (എഐസിപിഐ-ഐഡബ്ല്യു) തൊഴില് മ്ര്രന്താലയം പരസ്യപ്പെടുത്തി. 148.2 ആണ് നവംബറിലെ കണക്ക്. ഇനി ഡിസംബറിലെ സൂചിക കൂടി പുറത്തുവരേണ്ടതുണ്ട്. അത് കണക്കാക്കിയാണ് ക്ഷാമബത്ത (ഡിഎ) വര്ധിപ്പിക്കുക.
തൊഴില് മന്ത്രാലയത്തിന് കീഴിലുള്ള ലേബര് ബ്യൂറോ ആണ് എഐസിപിഐ-ഐഡബ്ല്യു പരിശോധിച്ച് പരസ്യമാക്കുന്നത്. പ്രധാന വ്യാവസായ മേഖലകളില് അവശ്യ വസ്തുക്കളുടെ ചെലവ് പരിശോധിച്ചാണ് ഇത് തീരുമാനിക്കുന്നത്. ലേബര് ബ്യൂറോ തയ്യാറാക്കുന്ന സൂചിക അടിസ്ഥാനമാക്കിയാണ് ജീവനക്കാര്ക്ക് ഓരോ ആറ് മാസത്തിലും ഡിഎയും പെന്ഷന്കാര്ക്ക് ഡിആറും സര്ക്കാര് വര്ധിപ്പിക്കുന്നത്.
2025 ജൂലൈയില് ആണ് ഏറ്റവും ഒടുവില് ഡിഎ വര്ധിപ്പിച്ചത്. അടുത്തത് ഈ വര്ഷം ജനുവരിയില് വര്ധിപ്പിക്കേണ്ടതാണ്. ഡിസംബറിലെ എഐസിപിഐ-ഐഡബ്ല്യു കണക്ക് കൂടി പരിശോധിച്ചാണ് എത്ര ശതമാനം ഡിഎ വര്ധിപ്പിക്കണം എന്ന് തീരുമാനിക്കുക. ഏഴാം ശമ്പള കമ്മീഷന്റെ കണക്കുകള് അടിസ്ഥാനമാക്കിയാകും വര്ധനവ് വരുത്തുക. എട്ടാം ശമ്പള കമ്മീഷന് പഠനം ആരംഭിച്ചിട്ടുണ്ടെങ്കിലും റിപ്പോര്ട്ട് സമര്പ്പിച്ചിട്ടില്ല.
കഴിഞ്ഞ ജുലൈ വരെ 54 ശതമാനമായിരുന്നു കേന്ദ്ര ജീവനക്കാരുടെ ഡിഎ. ജൂലൈയില് ഇത് 58 ശതമാനമാക്കി ഉയര്ത്തി. നവംബറിലെ എഐസിപിഐ-ഐഡബ്ല്യു പ്രകാരം 59 ശതമാനത്തിന് മുകളില് ഉയര്ത്തേണ്ടതാണ്. ഡിസംബറിലെ കണക്കുകള് കൂടി വരുമ്പോള് 60 ശതമാനമാണ് കൂട്ടേണ്ടത്. എന്നാല് എഐസിപിഐ-ഐഡബ്ല്യു വലിയ മാറ്റം കാണുന്നതിനാല് 63 ശതമാനം വരെ വര്ധിപ്പിച്ചേക്കുമെന്നാണ് വിപണി നിരീക്ഷകര് പറയുന്നത്.
ഡിഎ വര്ധനവ് എപ്പോള്?
നവംബറിലെ എഐസിപിഐ-ഐഡബ്ല്യു 148.2 ആണ്. ഡിസംബറിലെ കണക്ക് 148 ആണെങ്കില് ഡിഎ 63 ശതമാനം വരെ ഉയരും എന്നാണ് പ്രതീക്ഷിക്കുന്നത്. അതായത്, ഡിഎയില് നിലവിലുള്ളതില് നിന്ന് അഞ്ച് ശമതാനം വര്ധനവ് ഉണ്ടായേക്കാം. വരുന്ന മാര്ച്ചിലോ ഏപ്രിലിലോ ഡിഎ വര്ധനവ് കേന്ദ്ര സര്ക്കാര് പ്രഖ്യാപിക്കും. 2026 ജനുവരി മുതല് മുന്കാല പ്രാബല്യത്തോടെ ലഭിക്കുകയും ചെയ്യും.
ഏഴാം ശമ്പള കമ്മീഷന്റെ കാലാവധി കഴിഞ്ഞ മാസം അവസാനിച്ചു. എട്ടാം ശമ്പള കമ്മീഷനെ കേന്ദ്ര സര്ക്കാര് നിയോഗിച്ചിട്ടുണ്ട്. ഒന്നര വര്ഷത്തിനകം റിപ്പോര്ട്ട് സമര്പ്പിക്കും. രണ്ട് വര്ഷത്തിനകം എല്ലാ നടപടികളും പൂര്ത്തിയാകുമെന്ന് കരുതുന്നു. അതുവരെ ശമ്പള വര്ധനവ് പ്രതീക്ഷിക്കേണ്ടതില്ല. എന്നാല് ആറു മാസത്തില് ലഭിക്കുന്ന ഡിഎ വര്ധനവുണ്ടാകും. അതായത്, 2026, 2027 വര്ഷങ്ങളായി നാല് തവണ ഡിഎ വര്ധിപ്പിക്കും.
ഓരോ തണവയും അഞ്ച് ശതമാനം വീതം ഡിഎ വര്ധിച്ചാല് എട്ടാം ശമ്പള കമ്മീഷന് നടപ്പാക്കുന്നതിന് മുമ്പ് ഡിഎയില് 20 ശതമാനം വര്ധനവ് വന്നേക്കാം. അടിസ്ഥാന ശമ്പളത്തിന്റെ 58 ശതമാനം ആണ് നിലവിലെ ഡിഎ. എന്നാല് എട്ടാം ശമ്പള കമ്മീഷന് നടപ്പാക്കുമ്പോള് പുതിയ ശമ്പള സ്കെയില് ആയിരിക്കും. അതിന് ഫിറ്റ്മെന്റ് ഫാക്ടര് ആണ് അടിസ്ഥാനമാകുക. ഫിറ്റ്മെന്റ് ഫാക്ടര് എത്രയാണ് എന്ന് അറിഞ്ഞാല് ശമ്പളം കണക്കാക്കാന് ജീവനക്കാര്ക്ക് സാധിക്കും.
-
സര്ക്കാര്-സ്വകാര്യ മേഖലയിലെ ശമ്പളം തുല്യമാകുമോ? ശമ്പള കമ്മീഷന് പറയുന്നത് -
മിനിമം ശമ്പളം 51,480 രൂപയാകും, പെൻഷനും 25,740; എട്ടാം ശമ്പള കമ്മീഷൻ നടപ്പായാൽ... -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം
Click it and Unblock the Notifications
Sign in with Google