സല്മാന് ഖാന്റെ ബോഡി ഗാര്ഡ് ശിവസേനയില് ചേര്ന്നു; വോട്ടെടുപ്പിന് മണിക്കൂറുകള് മുമ്പ്
മുംബൈ: മഹാരാഷ്ട്ര നിയമസഭാ തിരഞ്ഞെടുപ്പ് പ്രചാരണം കൊട്ടികലാശത്തിലേക്ക് അടുക്കവെ, ബോളിവുഡ് നടന് സല്മാന് ഖാന്റെ അംഗരക്ഷകന് ശിവസേനയില് ചേര്ന്നു. വോട്ടെടുപ്പിന് മണിക്കൂറുകള് മാത്രം ബാക്കി നില്ക്കെയാണ് ഷേറ എന്നറിയപ്പെടുന്ന ഗുര്മീത് സിങ് ശിവസേനയില് അംഗത്വം എടുത്തത്.
ശിവസേന നേതാവ് ഉദ്ധവ് താക്കറെ, യുവസേന അധ്യക്ഷന് ആദിത്യ താക്കറെ എന്നിവരുമായി സംസാരിച്ച ശേഷമാണ് താക്കറെയുടെ വീട്ടില് വച്ച് ഷേറ ശിവസേനയില് ചേര്ന്നത്. ശിവസേന പാര്ട്ടി ട്വിറ്ററിലൂടെയാണ് ഇക്കാര്യം അറിയിച്ചത്. ഒട്ടേറെ പ്രമുഖരാണ് മഹാരാഷ്ട്രയില് ശിവസേനയിലും ബിജെപിയിലും ചേരുന്നത്.
നിയമസഭാ തിരഞ്ഞെടുപ്പില് ശിവസേന-ബിജെപി സഖ്യം വന് വിജയം നേടുമെന്നാണ് അഭിപ്രായ സര്വ്വെ. ഇത് മുന്കൂട്ടി കണ്ടാണ് നേതാക്കളുടെ കളംമാറ്റമെന്ന് പല കോണുകളില് നിന്നും അഭിപ്രായമുയര്ന്നിട്ടുണ്ട്. കോണ്ഗ്രസിന്റെ ദേശീയ വക്താക്കൡ ഒരാളായിരുന്ന പ്രിയങ്ക ചതുര്വേദി അടുത്തിടെ ശിവസേനയില് ചേര്ന്നിരുന്നു. കൂടാതെ എന്സിപി നേതാക്കളും ശിവസേനയില് ചേര്ന്നിട്ടുണ്ട്.
തിരഞ്ഞെടുപ്പ് പ്രചാരണത്തിനിടെ ഒവൈസിയുടെ തകര്പ്പന് ഡാന്സ്; വീഡിയോ വൈറല്
അടുത്തിടെ പാര്ട്ടിയില് ചേര്ന്നവര്ക്ക് മല്സരിക്കാന് ടിക്കറ്റ് നല്കിയതില് പ്രതിഷേധിച്ച് ഒട്ടേറെ പേര് ശിവസേനയില് നിന്ന് രാജിവച്ച സംഭവവും കഴിഞ്ഞദിവസം റിപ്പോര്ട്ട് ചെയ്തിരുന്നു. വരുന്ന തിങ്കളാഴ്ചയാണ് മഹാരാഷ്ട്രയിലും ഹരിയാണയിലും നിയമസഭയിലേക്കുള്ള വോട്ടെടുപ്പ്. 24ന് ഫലം അറിയാം. ബിജെപിക്ക് രണ്ടിടത്തും വന് വിജയമുണ്ടാകുമെന്നാണ് സര്വ്വെകള്.