അസം ഖാന് വീണ്ടും തിരിച്ചടി, എംഎല്എ സ്ഥാനത്ത് നിന്ന് അയോഗ്യനാക്കി ഉത്തരവ്
ലഖ്നൗ: സമാജ് വാദി പാര്ട്ടിയിലെ ശക്തനായ നേതാവും എം എല് എയുമായ അസം ഖാനെ ഉത്തര്പ്രദേശ് നിയമസഭാ അംഗത്വത്തില് നിന്ന് അയോഗ്യനാക്കി. യു പി നിയമസഭാ സ്പീക്കറുടെ ഓഫീസ് ആണ് ഇക്കാര്യം അറിയിച്ചത്. 2019 ലെ വിദ്വേഷ പ്രസംഗ കേസില് ശിക്ഷിക്കപ്പെട്ടതിന് പിന്നാലെയാണ് അസം ഖാനെ അയോഗ്യനാക്കിയത്.
വിദ്വേഷ പ്രസംഗ കേസില് റാംപൂര് കോടതി അസം ഖാനെ മൂന്ന് വര്ഷം തടവിനും 20000 രൂപ പിഴയ്ക്കും ശിക്ഷിച്ചിരുന്നു. ഇതിന് പിന്നാലെയാണ് നടപടി. രാംപൂര് എം എല് എയായിരുന്നു അസം ഖാന്. 2019 ലെ ലോക്സഭാ തെരഞ്ഞെടുപ്പില് ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനെതിരെ പ്രകോപനപരമായ പരാമര്ശങ്ങള് നടത്തി എന്നതില് അസം ഖാന് കുറ്റക്കാരനാണെന്ന് രാംപൂര് കോടതി കണ്ടെത്തിയിരുന്നു.
ഇന്ത്യന് ശിക്ഷാ നിയമത്തിലെ സെക്ഷന് 153 എ (രണ്ട് ഗ്രൂപ്പുകള്ക്കിടയില് ശത്രുത വളര്ത്തല്), 505 (പൊതു ദ്രോഹത്തിന് കാരണമാകുന്ന പ്രസ്താവന), 1951 ലെ ജനപ്രാതിനിധ്യ നിയമം സെക്ഷന് 125 എന്നിവ പ്രകാരമാണ് അസം ഖാനെ ശിക്ഷിച്ചത്. അതേസമയം കേസില് അസം ഖാന് കോടതി ജാമ്യം അനുവദിക്കുകയും ചെയ്തിരുന്നു.
ജനപ്രാതിനിധ്യ നിയമം പ്രകാരം രണ്ടോ അതിലധികമോ വര്ഷം തടവിന് ശിക്ഷിക്കപ്പെട്ടവരെ അയോഗ്യനാക്കാമെന്നും ജയിലില് കഴിഞ്ഞതിന് ശേഷവും ആറ് വര്ഷത്തേക്ക് അയോഗ്യനായി തുടരുമെന്നും പറയുന്നുണ്ട്. ഇത് പ്രകാരം അസം ഖാന്റെ അപ്പീല് കോടതി അനുവദിക്കാതെ വന്നാല് അദ്ദേഹത്തിന് എം എല് എയോ എം പിയോ ആകുന്നതിന് ദീര്ഘനാള് കാത്തിരിക്കേണ്ടി വരും.
സ്പീക്കര്ക്ക് സ്വന്തമായോ അല്ലെങ്കില് ഇത് സംബന്ധിച്ച അപേക്ഷ ലഭിച്ചതിന് ശേഷമോ അയോഗ്യതാ നടപടികള് ആരംഭിക്കാം. അതേസമയം കേസില് അപ്പീല് പോകാന് അസം ഖാന് കോടതി സമയം അനുവദിച്ചിട്ടുണ്ട്. തട്ടിപ്പ് കേസില് രണ്ട് വര്ഷത്തോളം ജയിലിലായിരുന്ന അസം ഖാന് അടുത്തിടെ ആണ് സുപ്രീം കോടതി ജാമ്യം അനുവദിച്ചത്.
നിലവില് അഴിമതിയും മോഷണവും അടക്കം 90 ല് അധികം കേസുകള് അസം ഖാനെതിരെ രജിസ്റ്റര് ചെയ്തിട്ടുണ്ട്. യോഗി ആദിത്യനാഥിനെയും ജില്ലാ മജിസ്ട്രേറ്റായിരുന്ന ആഞ്ജനേയ കുമാര് സിംഗ് ഐ എ എസിനെയും ആണ് അസം ഖാന് പ്രസംഗത്തില് വിമര്ശിച്ചിരുന്നത്. പിന്നാലെ പ്രസംഗം പ്രകോപനപരമായിരുന്നുവെന്ന് കേസ് രജിസ്റ്റര് ചെയ്യുകായിരുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google