Click it and Unblock the Notifications
Just In
Don't Miss
-
'ഞാൻ ആ പെൺകുട്ടിയെ ചതിച്ചിട്ടില്ല, വിവാഹം വേണ്ടെന്ന് വെച്ചത് അവരാണ്, രഹ്നയ്ക്ക് അപ്പോഴും സമ്മതമായിരുന്നു' -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം -
പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള് -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പാക് ചാരക്കേസില്‍ കൂടുതല്‍ ഇന്ത്യക്കാര്‍; സമാജ് വാദ് പാര്‍ട്ടി നേതാവിന്റെ സഹായി അറസ്റ്റില്‍
സമാജ് വാദ് പാര്‍ട്ടി എംപി ചൗധരി മുനവ്വറിന്റെ അടുത്ത സഹായി ഫര്‍ഹാത്ത് ക്രൈം ബ്രാഞ്ചിന്റെ പിടിയിലായി
ദില്ലി: പാക് ചാരന് പ്രതിരോധ രേഖകള്‍ ചോര്‍ത്തി നല്‍കിയ സംഭവത്തില്‍ സമാജ് വാദ് പാര്‍ട്ടി എംപിയുടെ അടുത്ത സഹായി അറസ്റ്റില്‍. പാക് ഹൈക്കമ്മീഷണര്‍ ഓഫീസര്‍ക്ക് വിവരങ്ങള്‍ കൈമാറിയ കേസില്‍ ഇദില്ലി പൊലീസ് മൂന്ന് പേരെ അറസ്റ്റ് ചെയ്തതിന് പിന്നാലെയാണ് സമാജ് വാദ് പാര്‍ട്ടി എംപി ചൗധരി മുനവ്വറിന്റെ അടുത്ത സഹായി ഫര്‍ഹാത്ത് ക്രൈം ബ്രാഞ്ചിന്റെ പിടിയിലാവുന്നത്.
പാക് ഹൈക്കമ്മീഷനിലെ വിസ ഓഫീസര്‍ മെഹ്മൂദ് അക്തര്‍ അറസ്റ്റിലായതിന് പിന്നാലെയാണ് എംപിയുടെ സഹായിയുടെ അറസ്റ്റ്. ഇന്ത്യ അറസ്റ്റ് ചെയ്ത മഹ്മൂദ് അക്തറിനെ ഉടന്‍ ഇന്ത്യ വിട്ടുപോകണം എന്ന നിര്‍ദ്ദേശത്തോടെയായിരുന്നു വ്യാഴാഴ്ച ദില്ലി പൊലീസ് വിട്ടയച്ചത്.
മെഹ്മൂദ് അക്തറിന്റെ വെളിപ്പെടുത്തല്‍
വ്യാഴാഴ്ച ദില്ലി പൊലീസാണ് പാക് ഹൈക്കമ്മീഷന്‍ ഉദ്യോഗസ്ഥന്‍ മെഹ്മൂദ് അക്തറിനെ പിടികൂടിയത്. ദില്ലി പൊലീസിന് നല്‍കിയ മൊഴിയിലാണ് മെഹ്മൂദ് അക്തര്‍ ഫര്‍ഹാത്തിന്റെ പേര് വെളിപ്പെടുത്തിയത്. ഇന്ത്യന്‍ വിദേശകാര്യ മന്ത്രാലയത്തിന്റെ സുപ്രധാന രേഖകള്‍ ഫറാഹത്ത് പാക് ചാരന് കൈമാറിയതായും റിപ്പോര്‍ട്ടില്‍ പറയുന്നു.
വിശദീകരണം തേടി
സമാജ് വാദി പാര്‍ടി എംപിയുടെ സഹായി അറസ്റ്റിലായതോടെ പാര്‍ടി എംപിയില്‍ നിന്ന് വിശദീകരണം തേടിയിട്ടുണ്ട്.
ഐഎസ്എസയ്ക്ക് ചാരന്മാര്‍ ഇന്ത്യയില്‍ നിന്ന്
രണ്ട് വര്‍ഷത്തോളമായി പാക് ചാരസംഘടനയായ ഐഎസ്‌ഐയ്ക്ക് വേണ്ടി അക്തര്‍ ഇന്ത്യക്കാരെ റിക്രൂട്ട് ചെയ്തിരുന്നതായും അറസ്റ്റിലായ മെഹ്ബൂബില്‍ നിന്ന് ദില്ലി പൊലീസിന് വിവരം ലഭിച്ചിരുന്നു. ദില്ലി പൊലീസ് ജോയിന്റ് കമ്മീഷണര്‍ രവീന്ദ്ര യാദവാണ് ഇക്കാര്യം വ്യാഴാഴ്ച വെളിപ്പെടുത്തിയത്.
അറസ്റ്റ് ദില്ലി മൃഗശാലയില്‍ നിന്ന്
ഇന്ത്യന്‍ പൗരന്മാരായ മൗലാനാ റംസാന്‍, സുഭാഷ് ജംഗീര്‍ എന്നിവരില്‍ പ്രതിരോധ രേഖകള്‍ ശേഖരിക്കുന്നതിനിടെ ദില്ലി മൃഗശാലയില്‍ വച്ചാണ് അക്തര്‍ പൊലീസ് പിടിയിലാവുന്നത്. ഇരുവരും പാക് ഐഎസ്‌ഐയ്ക്ക് വേണ്ടി പ്രവര്‍ത്തിച്ചുവരികയായിരുന്നു. ഇവര്‍ക്കൊപ്പമുള്ള ഷോയിബ് നാഗ്വര്‍ ജോധ്പൂരില്‍ നിന്ന് അറസ്റ്റിലായിരുന്നു.
