Click it and Unblock the Notifications
Just In
Don't Miss
-
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
ബാലാക്കോട്ട് ആക്രമണം ആസൂത്രണം ചെയ്ത ഗോയല്‍ പുതിയ റോ മേധാവി
ദില്ലി: ഇന്ത്യന്‍ രഹസ്യാന്വേഷണ വിഭാഗങ്ങള്‍ക്ക് പുതിയ മേധാവികളെ നിയമിച്ചു. വിദേശ രഹസ്യാന്വേഷണ വിഭാഗമായ റോയുടെയും ആഭ്യന്തര രഹസ്യാന്വേഷണ വിഭാഗമായ ഐബിയുടെയും അമരക്കാരെയാണ് മാറ്റിയത്. സാമന്ത് ഗോയലാണ് റോയുടെ പുതിയ മേധാവി. വിദേശത്ത് ഒട്ടേറെ രഹസ്യനീക്കങ്ങള്‍ക്ക് ചുക്കാന്‍ പിടിച്ച ഉദ്യോഗസ്ഥനാണ് ഗോയല്‍. നിലവിലെ റോ മേധാവി അനില്‍ ധംസനയെ മാറ്റിയാണ് പുതിയ നിയമനം.
കശ്മീരില്‍ ഐബിയുടെ പ്രവര്‍ത്തനങ്ങള്‍ക്ക് നേതൃത്വം നല്‍കിയിരുന്ന അരവിന്ദ് കുമാറാണ് ഐബിയുടെ പുതിയ മേധാവിയായി നിയമിതനായിരിക്കുന്നത്. നേരത്തെ രാജീവ് ജെയ്ന്‍ ആയിരുന്നു മേധാവി. ആഭ്യന്തര മന്ത്രി അമിത് ഷാ ഇരുവരുടെയും നിയമനങ്ങളുമായി ബന്ധപ്പെട്ട ഫയലുകളിലും ഒപ്പുവച്ച ശേഷം പ്രധാനമന്ത്രിയുടെ ഓഫീസിന് അയച്ചു. രണ്ടു ഉദ്യോഗസ്ഥരും ജൂണ്‍ 30ന് ചുമതലയേല്‍ക്കും.
1984 ബാച്ചിലെ ഐപിഎസ് ഓഫീസര്‍മാരാണ് ഗോയലും കുമാറും. ദുബായിലും ലണ്ടിനിലും സേവനം അനുഷ്ടിച്ചിട്ടുള്ള റോ ഉദ്യോഗസ്ഥനാണ് ഗോയല്‍. 1990കളില്‍ പഞ്ചാബില്‍ തീവ്രവാദം ശക്തിപ്പെട്ട വേളയില്‍ ഇവിടെ തന്ത്രപരമായ ഇടപെട്ടിരുന്നു ഇദ്ദേഹം. പുല്‍വാമ ആക്രമണത്തിന് തിരിച്ചടിയായി ഇന്ത്യന്‍ സൈന്യം പാകിസ്താനിലെ ബാലാക്കോട്ടില്‍ നടത്തിയ ആക്രമണത്തിന്റെ ആസൂത്രണത്തില്‍ മുഖ്യ പങ്ക് വഹിച്ച ഉദ്യോഗസ്ഥന്‍ കൂടിയാണ് ഗോയല്‍. ദുബായിലെയും ലണ്ടിനിലെയും കോണ്‍സുലര്‍ ഇന്‍ചാര്‍ജ് ആയി ഇദ്ദേഹം നിയമിക്കപ്പെട്ടിരുന്നുവെന്ന് ഉന്നത ഉദ്യോഗസ്ഥര്‍ എന്‍ഡിടിവിയോട് പറഞ്ഞു.
അസം-മേഘാലയ കേഡറിലുള്ള ഐപിഎസ് ഓഫീസറാണ് അരവിന്ദ് കുമാര്‍. ബിഹാറില്‍ ഐബിക്ക് നേതൃത്വം നല്‍കിയിരുന്നു ഇദ്ദേഹം. ഐബിയുടെ ഭരണവിഭാഗത്തിലും അന്വേഷണ വിഭാഗത്തിലും പ്രവര്‍ത്തിച്ചിട്ടുണ്ട് അരവിന്ദ് കുമാര്‍.
