'സനാതന ധര്മ്മം ഉറപ്പിച്ച് അവതരിപ്പിക്കാനുള്ള ഉചിതമായ സമയം'; ഉദയനിധിക്ക് രചന നാരായണന്കുട്ടിയുടെ മറുപടി
കൊച്ചി: തമിഴ്നാട് മന്ത്രിയും ഡി എം കെ നേതാവുമായ ഉദയനിധി സ്റ്റാലിന്റെ സനാതന ധര്മ്മ വിരുദ്ധ പരാമര്ശം വലിയ വിവാദമായിരിക്കുകയാണ്. ഡെങ്കിയും മലേറിയയും പോലെ സനാതന ധര്മ്മത്തേയും ഇല്ലാതാക്കണം എന്നായിരുന്നു ഉദയനിധി സ്റ്റാലിന്റെ പരാമര്ശം. ഇതിനെതിരെ ബി ജെ പിയും ഹിന്ദുത്വ സംഘടനകളും ഒന്നടങ്കം രംഗത്തെത്തിയിരിക്കുകയാണ്. ഉദയനിധി സ്റ്റാലിനെതിരെ രണ്ടിടങ്ങളില് കേസും ഫയല് ചെയ്തിട്ടുണ്ട്.
ഇപ്പോഴിതാ നടിയും നര്ത്തകിയുമായ രചന നാരായണന്കുട്ടിയും ഉദയനിധി സ്റ്റാലിന്റെ പരാമര്ശത്തിനെതിരെ രംഗത്തെത്തിയിരിക്കുകയാണ്. സനാതന ധര്മ്മം പാടെ ഉന്മൂലനം ചെയ്യാന് പറ്റുന്ന ഒന്നാണോ എന്നാണ് രചന നാരായണന്കുട്ടി ചോദിക്കുന്നത്. സനാതന ധര്മ്മം ഒന്നുകൂടെ ഉറപ്പിച്ച് അവതരിപ്പിക്കാനുള്ള ഉചിതമായ സമയമാണിതെന്നും രചന പറയുന്നു. ഫേസ്ബുക്ക് പോസ്റ്റിലാണ് അവരുടെ പ്രതികരണം.
രചന നാരായണന്കുട്ടിയുടെ പ്രതികരണം ഇങ്ങനെയാണ്...
സനാതന ധര്മ്മം!
പാടെ ഉന്മൂലനം ചെയ്യാന് പറ്റുന്ന ഒന്നാണോ ഇത് ?
മനുഷ്യരാശിയുടെ ചരിത്രത്തില് ആദ്യമായി, മനുഷ്യബുദ്ധി മുമ്പെങ്ങുമില്ലാത്തവിധം പൂവണിഞ്ഞുകൊണ്ടിരിക്കുകയാണ്. കാലങ്ങളായി നിലനിന്നിരുന്ന, മറ്റെല്ലാവര്ക്കും വേണ്ടി ചിന്തിക്കുന്ന 'ഒരു ഗ്രാമത്തിലെ ആ ഒരു മനുഷ്യന്' എന്നത് എപ്പോഴേ മാറി (ചില കൂപമണ്ഡൂകങ്ങള് ഒഴികെ). എല്ലാവരും അവരവരുടെ വഴികളില് ചിന്തിക്കാന് പ്രാപ്തരായി.
സ്വര്ഗ്ഗത്തില് പരിഹാരങ്ങള് വാഗ്ദാനം ചെയ്യുന്ന തത്ത്വചിന്തകള് ഇനി ഇവിടെ പ്രവര്ത്തിക്കാന് പോകുന്നില്ല. യുക്തിക്ക് നിരക്കാത്ത വിപുലമായ തത്ത്വചിന്തകള് ഇനി ഇവിടെ പ്രവര്ത്തിക്കാന് പോകുന്നില്ല. എല്ലാത്തിനും പ്രായോഗികമായ പരിഹാരങ്ങള് ജനം ആഗ്രഹിക്കുന്നു. നമ്മള് കണ്ടിട്ടില്ലാത്ത മറ്റൊരിടത്ത്, ഒരു പരിഹാരം ഉണ്ട് എന്നത് മനുഷ്യന് താല്പര്യമില്ലാത്ത കാലമെത്തി.
അതുകൊണ്ടു തന്നെ, 'ഞാന്-എന്ത്-പറയുന്നു-അത് -നിങ്ങള്-വിശ്വസിക്കണം-അല്ലെങ്കില്-നിങ്ങള്-മരിക്കും' എന്ന പഴയ നയം ഇവിടെ പ്രവര്ത്തിക്കാന് പോകുന്നില്ല. അതിനാല്, സനാതന ധര്മ്മം ഉന്മൂലനം ചെയ്യാന് അല്ല , ഒന്നുകൂടെ ഉറപ്പിച്ചും തറപ്പിച്ചും അവതരിപ്പിക്കാനുള്ള ഉചിതമായ സമയം ആണ് ഇത് ! കാരണം, സനാതന ധര്മ്മത്തിന്റെ സ്വഭാവം എന്നത് തന്നെ 'നിങ്ങളില് ചോദ്യങ്ങള് ഉന്നയിപ്പിക്കുക' എന്നതാണ്, നിങ്ങള്ക്ക് മുന്കൂട്ടി തയ്യാറാക്കിയ ഉത്തരങ്ങള് നല്കാനല്ല - മറിച്ചു, ചോദ്യങ്ങള് ഉന്നയിക്കാനാണ് അത് ശീലിപ്പിക്കുന്നത്.
എല്ലാ ഉറവിടവും കണ്ടെത്തുന്ന തരത്തില് ചോദ്യം ചെയ്യലിനെ ആഴത്തിലാക്കുവാനാണ് അത് കാണിച്ചു തരുന്നത്! സനാതന ധര്മ്മം വളരെ subjective ആയ ഒന്നാണ്. അവിടെ, ഇതാണ് 'നമ്മുടെ' വഴി എന്നൊന്നില്ല. 'നമ്മുക്ക്' അങ്ങനെ പ്രത്യേകിച്ചൊരു വഴിയൊന്നും ഇല്ലന്നെ! 'എന്താണോ ഉള്ളത് അത്' - അതാണ് സനാതനം! നമ്മള് ചെയ്തത് ഇത്ര മാത്രമാണ് - ജീവിതത്തെ ഇതുപോലെ ക്രമീകരിക്കുകയാണെങ്കില്, അത് ഒരു വ്യക്തിക്കും ഒരു വലിയ സമൂഹത്തിനും ഏറ്റവും മികച്ചതായി ഭവിക്കും എന്നു കണ്ടെത്തി.
അത്രയേ ഉള്ളൂ. എന്നാല് 'this is it' എന്നു നമ്മള് പറയുന്നേയില്ല. കാരണം ചോദ്യങ്ങള് ദിനംപ്രതി കൂടിക്കൊണ്ടിരിക്കും, കൂടിക്കൊണ്ടേയിരിക്കണം! ചോദ്യങ്ങള് ചോദിക്കുമ്പോഴാണ് ഉള്ളിലുള്ള........... (പൂരിപ്പിക്കുന്നില്ല)
NB : ഒരു ചോദ്യവും തെറ്റല്ല, ചില ഉത്തരങ്ങള് മാത്രമേ തെറ്റാകൂ!
-
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത്
Click it and Unblock the Notifications
Sign in with Google