Click it and Unblock the Notifications
Just In
Don't Miss
-
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
ഹുമൈമ നല്ല സുഹൃത്ത്, സാനിയയുമായി പിരിയില്ല
കറാച്ചി: ടെന്നീസ് സുന്ദരി സാനിയ മിര്‍സയുമായുള്ള വിവാഹ ബന്ധം പിരിയുന്നതായുള്ള വാര്‍ത്തകള്‍ പാകിസ്താന്‍ ക്രിക്കറ്റ് താരം ഷോയിബ് മാലിക് നിഷേധിച്ചു. തങ്ങളുടെ ബന്ധം ശക്തമാണ്. മറിച്ചുള്ള വാര്‍ത്തകള്‍ വാസ്തവ വിരുദ്ധമാണ്. കഴിയുന്നത്ര സമയം തങ്ങള്‍ ഇരുവരും ഒരുമിച്ച് ചെലവഴിക്കാറുണ്ട് എന്നും ഷോയിബ് മാലിക്ക് പറഞ്ഞു.
ഇപ്പോഴും ഞങ്ങള്‍ രണ്ടുപേരും ഒരുമിച്ച് ദുബായില്‍ ഉണ്ട്. കൂടുതല്‍ സമയം ഒരുമിച്ച് കഴിയണമെന്ന് ഞങ്ങള്‍ക്ക് ആഗ്രഹമുണ്ട്. എന്നാല്‍ പ്രൊഫഷണല്‍ കായികതാരങ്ങളായ തങ്ങള്‍ക്ക് പലപ്പോഴും അതിന് കഴിയാറില്ല. എന്ന് കരുതി ഞങ്ങള്‍ വിവാഹബന്ധം പിരിയുന്നു എന്നല്ല അതിനര്‍ഥം - മാലിക് പറഞ്ഞതായി ജാങ് ദിനപ്പത്രം റിപ്പോര്‍ട്ട് ചെയ്യുന്നു.
സാനിയ മിര്‍സയും ഷോയിബ് മാലിക്കും വിവാഹ മോചനത്തിന്റെ വക്കിലാണ് എന്ന് ഇന്ത്യയിലെയും പാകിസ്താനിലെയും വിവിധ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. ഇരുവരും തമ്മില്‍ കാണാറില്ലെന്നും വിവാഹമോചനത്തിന് ഒരുങ്ങുകയാണ് എന്നുമായിരുന്നു റിപ്പോര്‍ട്ട്. മാലിക്കിന് പാക്ക് നടി ഹുമൈമ മാലിക്കുമായുള്ള പ്രണയത്തെ തുടര്‍ന്നാണ് ഇരുവരും അകലുന്നതെന്നാണ് പരക്കെ പ്രചരിച്ചിരുന്നത്.
എന്നാല്‍ ഈ ആരോപണവും ഷോയിബ് മാലിക്ക് തള്ളിക്കളഞ്ഞു. ഹുമൈമ തന്റെ നല്ലൊരു സുഹൃത്ത് മാത്രമാണ്. സാനിയയുമായി പിരിയുന്ന കാര്യം ആലോചിച്ചിട്ട് പോലുമില്ല. ലോകകപ്പില്‍ കളിക്കണം എന്ന് തന്നെയാണ് ആഗ്രഹം. രാജ്യത്തിന് വേണ്ടി കളിക്കുക എന്നത് പ്രധാനമാണ്. ഞാനിപ്പോള്‍ എന്താണോ എന്നെ അതാക്കിയത് പാകിസ്താന്‍ ക്രിക്കറ്റ് ടീമാണ്.
