Click it and Unblock the Notifications
Just In
Don't Miss
-
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...? -
മുഖംമിനുക്കി വരാൻ പണക്കാരുടെ ഥാർ എസ്യുവി, മഹീന്ദ്രയുടെ അപ്പൻ തമ്പുരാൻ രണ്ടുംകൽപ്പിച്ച് തന്നെ -
'കടയിൽ പോയി അണ്ടർവെയർ വാങ്ങാൻ പറ്റാത്തയവസ്ഥ, ബാംഗ്ലൂരിൽ ലിവിങ് ടുഗെതറായിരുന്നു, കല്യാണത്തിന് അച്ഛൻ വന്നില്ല' -
T20 World Cup 2024: ഡിക്കെയുടെ 'ട്രാപ്പില്' വീഴരുത്! ലോകകപ്പിലെടുത്താല് പണിയുറപ്പ്, 2022 മറന്നോ? -
ചാണക്യനീതി: പാമ്പിനെ പാലൂട്ടുന്നതിന് സമം, ഇവരെ കൂടെക്കൂട്ടിയാല് പ്രശ്നം നിഴല് പോലെ കൂടെ -
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
സഞ്ജയ് ദത്ത് എന്ന ഫ്രീലാന്‍സ് ജയില്‍പ്പുള്ളി
പുനെ: ഇന്ത്യയിലെ ആദ്യത്തെ ഫ്രീലാന്‍സ് ജയില്‍പ്പുള്ളിയാണോ ബോളിവുഡ് താരം സഞ്ജയ് ദത്ത്? സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ ഇങ്ങനെയാരെങ്കിലും സംശയം ചോദിച്ചാല്‍ അത്ഭുതപ്പെടാനില്ല. വെറും മൂന്ന് മാസത്തിനിടെ ഇത് രണ്ടാമത്തെ തവണയാണ് ദത്ത് പരോളിലിറങ്ങുന്നത്. എ ഡി ജി പി മീരാന്‍ ബോര്‍വാങ്കറാണ് ദത്ത് പരോളിലിറങ്ങിയ വിവരം സ്ഥിരീകരിച്ചത്.
ഭാര്യ മാന്യതയ്്ക്ക് സുഖമില്ല എന്ന കാരണത്തില്‍ ഒരു മാസമാണ് ദത്തിന് പരോള്‍ അനുവദിച്ചിരിക്കുന്നത്. ഒക്ടോബര്‍ ഒന്നിന് ദത്തിന് അനുവദിച്ച പരോള്‍ 14 ദിവസങ്ങള്‍ക്ക് ശേഷം വീണ്ടും രണ്ടാഴ്ച കൂടി നീട്ടി നല്‍കിയിരുന്നു. ആരോഗ്യപ്രശ്‌നങ്ങളും ഭാര്യയുടെ അസുഖവും പറഞ്ഞാണ് ദത്തിന്റെ ജാമ്യാപേക്ഷകള്‍. താരരാജാവിന്റെ അപേക്ഷകളാകട്ടെ നിരാകരിക്കപ്പെടാറുമില്ല.
1993 ല്‍ നടന്ന ബോംബെ സീരിയല്‍ ബോംബ് സ്‌ഫോടനങ്ങളുമായി ബന്ധപ്പെട്ട് ആയുധങ്ങള്‍ കൈവശം വച്ചതിന്റെ പേരിലാണ് സഞ്ജയ് ദത്ത് ശിക്ഷ അനുഭവിക്കുന്നത്. ഏറെക്കാലം നീണ്ട നിയമയുദ്ധത്തിനൊടുവില്‍ സുപ്രീം കോടതി ആറുവര്‍ഷത്തെ ജയില്‍ ശിക്ഷ അഞ്ചുവര്‍ഷമായി കുറച്ചിരുന്നു. വിചാരണക്കാലയളവില്‍ 18 മാസം ജയില്‍ ശിക്ഷ അനുഭവിച്ചതിനാല്‍ മൂന്നരവര്‍ഷത്തോളമേ ദത്തിന് ശിക്ഷ ബാക്കിയുള്ളൂ.
ബോളിവുഡ് താരമായ സഞ്ജയ് ദത്തിന് അടിക്കടി പരോള്‍ അനുവദിക്കുന്നത് വിവാദമായിരുന്നു. മറ്റ് തടവുകാര്‍ക്കില്ലാത്ത സൗകര്യങ്ങള്‍ ദത്തിന് ജയിലില്‍ നല്‍കുന്നതിനെതിരെ ബി ജെ പി പരസ്യമായി രംഗത്തെത്തിയിരുന്നു. പോലീസുകാര്‍ ദത്തിനോട് വിധേയത്വത്തോടെ പെരുമാറുന്നു എന്നും ജയിലില്‍ മദ്യവും ബിയറും എത്തിച്ചുകൊടുക്കുന്നു എന്നും മഹാരാഷ്ട്ര പ്രതിപക്ഷനേതാവ് വിനോദ് താവ്‌ദെ ആരോപിച്ചിരുന്നു.
