ഭാര്യയും കുടുംബവുമായി ആഗ്രയിലേക്ക് സ്കൂട്ടര് യാത്ര നടത്തി ബോളിവുഡ് സൂപ്പര്താരം
ആഗ്ര: കഠിനമായ ജീവിത സാഹചര്യത്തിലൂടെ കടന്നു പോയ ബോളിവുഡ് നടന് സഞ്ജയ്ദത്ത് ആളാകെ മാറിക്കഴിഞ്ഞു. സിനിമയിലെ തിരക്കിനിടയില് അല്പസമയം മാത്രം കുടുംബത്തിനൊപ്പം കഴിയുന്ന പഴയ സഞ്ജയ്ദത്ത് അല്ല അല്ല ഇപ്പോള്. കൂടുതല് സമയവും കുടുംബത്തിനൊപ്പം ആഘോഷിക്കുകയാണ് നടന്.
പുതിയ സിനിമയായ ഭൂമിയിലൂടെ സിനിമയിലേക്ക് തിരിച്ചുവരാന് ഒരുങ്ങുമ്പോള് ഭാര്യയ്ക്കൊപ്പം നടന് ആഗ്രയിലേക്ക് സ്കൂട്ടര് യാത്ര നടത്തിയത് മാധ്യമങ്ങളില് വാര്ത്തയായി. ഭാര്യ മാന്യത, കുട്ടികളായ ഷരാന്, ഇഖ്റ എന്നിവര്ക്കൊപ്പമായിരുന്നു യാത്ര. സ്കൂട്ടറിലുള്ള യാത്ര മറ്റൊന്നുമായും താരതമ്യം ചെയ്യാന് കഴിയില്ലെന്ന് ഭാര്യ പറയുന്നു.
സ്കൂട്ടറില് കുടുംബവുമൊത്തുള്ള യാത്ര മറ്റൊന്നിനും പകരമാകില്ല. ആഗ്രയുടെ സൗന്ദര്യം മുഴുവന് കാഴ്ചയിലുണ്ടായിരുന്നു. മനോഹരമായ ജീവിതം. ദൈവത്തിന് നന്ദി. മാന്യത ഇന്സ്റ്റഗ്രാമില് ചിത്രങ്ങളടക്കം കുറിച്ചിട്ടു. ഒരു സാധാരണ മധ്യവര്ഗ കുടുംബത്തിന്റെ രീതിയിലായിരുന്നു ദത്തിന്റെയും കുടുംബത്തിന്റെയും വസ്ത്രധാരണം.
അനധികൃതമായി തോക്ക് കൈവശംവെച്ച കേസില് യര്വാദ ജയിയില് ആയിരുന്ന സഞ്ജയ് ദത്തിന്റെ മടങ്ങിവരവ് ഭൂമി എന്ന ചിത്രത്തിലൂടെയാണ്. ആഗ്രയ്ക്കടുത്തുള്ള ഒരു ഗ്രാമത്തില്വെച്ചാണ് സിനിമയുടെ ഷൂട്ടിങ്. മാര്ച്ചില് ചിത്രം പൂര്ത്തിയാകുമെന്നാണ് കരുതുന്നത്. ഒമൗഗ് കുമാര് സംവിധാനം ചെയ്യുന്ന ചിത്രം ഭൂഷണ് കുമാറും സന്ദീപ് സിങ്ങും ചേര്ന്നാണ് നിര്മിക്കുന്നത്.