കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എപ്പോഴും ഇന്ദിരയ്‌ക്കൊപ്പമാണ് നിന്നത്.. കോണ്‍ഗ്രസുകാര്‍ വേദനിക്കേണ്ടതില്ലെന്ന് സഞ്ജയ് റാവത്ത്!!

Google Oneindia Malayalam News

മുംബൈ: മുന്‍ പ്രധാനമന്ത്രി ഇന്ദിരാ ഗാന്ധി മുംബൈ അധോലോക നേതാക്കളായ കരീം ലാലയെ കാണാന്‍ എത്താറുണ്ടായിരുന്നുവെന്ന പരാമര്‍ശത്തില്‍ നിലപാട് മയപ്പെടുത്തി സഞ്ജയ് റാവത്ത്. കോണ്‍ഗ്രസ് ഈ പ്രസ്താവനയില്‍ ശിവസേനയെ പ്രതിഷേധം അറിയിച്ചതിനെ തുടര്‍ന്നാണ് അദ്ദേഹം ഖേദം പ്രകടിപ്പിച്ചത്. അധോലോക നേതാക്കളായ ദാവൂദ് ഇബ്രാഹിം, ഛോട്ട ഷക്കീല്‍, ശരത് ഷെട്ടി എന്നിവരായിരുന്നു മുമ്പ് മുംബൈ ഭരിച്ചിരുന്നതെന്നും, ഇവരെ കാണാന്‍ നേതാക്കള്‍ എത്താറുണ്ടായിരുന്നുവെന്നും റാവത്ത് പറഞ്ഞിരുന്നു.

1

റാവത്തിന്റെ പ്രസ്താവന കോണ്‍ഗ്രസിനെ ശരിക്കും ചൊടിപ്പിച്ചിരുന്നു. ഇന്ദിരാ ഗാന്ധി യഥാര്‍ത്ഥ രാജ്യസ്‌നേഹിയായിരുന്നുവെന്നും, ഇന്ത്യയുടെ സുരക്ഷയില്‍ അവര്‍ ഒരിക്കലും വിട്ടുവീഴ്ച്ച ചെയ്തിരുന്നില്ലെന്നും മിലിന്ദ് ദേവ്‌റ പറഞ്ഞു. തെറ്റായ പ്രസ്താവന റാവത്ത് പിന്‍വലിക്കണമെന്നും ദേവ്‌റ ആവശ്യപ്പെട്ടു. മണ്‍മറഞ്ഞ് പോയ പ്രധാനമന്ത്രിമാരുടെ ചരിത്രത്തെ ഇത്തരത്തില്‍ നശിപ്പിക്കരുതെന്നും അദ്ദേഹം ആവശ്യപ്പെട്ടു.

അതേസമയം ഇന്ദിരാ ഗാന്ധിക്കൊപ്പം താന്‍ എപ്പോഴും നിന്നിട്ടുണ്ടെന്ന് റാവത്ത് പറഞ്ഞു. അവരെ ഏതൊരു വിഷയത്തിലും എതിരാളികള്‍ ആക്രമിക്കുമ്പോള്‍ ശിവസേന പിന്തുണച്ചിട്ടുണ്ട്. ഇന്ദിര, പണ്ഡിറ്റ് നെഹ്‌റു, രാജീവ് ഗാന്ധി, ഗാന്ധി കുടുംബത്തിലെ മറ്റംഗങ്ങള്‍ എന്നിവരോട് എപ്പോഴും ബഹുമാനം കാണിച്ചിട്ടുണ്ട് ഞാന്‍. അതിപ്പോള്‍ പ്രതിപക്ഷത്ത് ഇരിക്കുകയാണെങ്കിലും അങ്ങനെ തന്നെയായിരുന്നു.ആരും അങ്ങനെ ചെയ്തിട്ടില്ല. വിമര്‍ശനം പലരും ഉന്നയിക്കുമ്പോഴും അവര്‍ക്കൊപ്പം താന്‍ നിന്നിട്ടുണ്ടെന്നും റാവത്ത് പറഞ്ഞു.

അതേസമയം താന്‍ പറഞ്ഞ കാര്യങ്ങളില്‍ കോണ്‍ഗ്രസ് വേദനിക്കേണ്ട കാര്യമില്ല. ഇനി എന്റെ പ്രസ്താവന ആരെയും വേദനിപ്പിച്ചെങ്കില്‍ പിന്‍വലിക്കുന്നുവെന്നും റാവത്ത് പറഞ്ഞു. മുമ്പ് ഇന്ദിരയുടെ ഇമേജ് ഇല്ലാതാക്കാന്‍ പലരും ശ്രമിച്ചപ്പോള്‍ ഇന്ദിരയെ ഞാന്‍ ശക്തമായി പിന്തുണച്ചിരുന്നു. എന്നാല്‍ അന്ന് കോണ്‍ഗ്രസ് നേതാക്കള്‍ മിണ്ടാതിരുന്നെന്നും റാവത്ത് പറഞ്ഞു. എന്നാല്‍ റാവത്തിന്റെ പ്രസ്താവന മറുപടിയുമായി ബിജെപി രംഗത്തെത്തി. ഇതായിരുന്നു രാഷ്ട്രീയത്തിലെ ക്രിമിനല്‍വത്കരണത്തിന്റെ തുടക്കമെന്ന് ദേവേന്ദ്ര ഫട്‌നാവിസ് പറഞ്ഞു.

ഇന്ദിരാ ഗാന്ധി അധോലോക നായകന്‍ കരിം ലാലയെ സന്ദര്‍ശിച്ചിരുന്നു, വെളിപ്പെടുത്തി സഞ്ജയ് റാവുത്ത്!ഇന്ദിരാ ഗാന്ധി അധോലോക നായകന്‍ കരിം ലാലയെ സന്ദര്‍ശിച്ചിരുന്നു, വെളിപ്പെടുത്തി സഞ്ജയ് റാവുത്ത്!

English summary
sanjay raut retracts remarks on indira gandhi
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X