Click it and Unblock the Notifications
Just In
Don't Miss
-
കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം -
IPL 2024: സാറ സൂക്ഷിച്ചോ, ഗാലറിയിലെ സുന്ദരിയെ കണ്ട് കണ്ണുതള്ളി ഗില്! സ്പാനിഷ് നടിയോ, വീഡിയോ -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ് -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്! -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ജയിലില്‍ ശശികലയുടെ ആദ്യത്തെ രാത്രി ഞെട്ടിക്കും!! ജയിലില്‍ ലഭിച്ച ജോലി ഇതാണ്!!
ജയിലില്‍ മെഴുകുതിരി നിര്‍മാണമാണ് ശശികലയ്ക്കു ലഭിച്ച ജോലി
ചെന്നൈ: തമിഴ്‌നാടിന്റെ മുഖ്യമന്ത്രി കസേര മോഹിച്ച എഐഡിഎംകെ ജനറല്‍ സെക്രട്ടറി ശശികലയ്ക്ക് ഇനി ജയിലില്‍ നഷ്ടസ്വപ്‌നങ്ങളെയോര്‍ത്ത് കഴിഞ്ഞുകൂടാം. ബുധനാഴ്ച വൈകീട്ട് ബംഗളൂരുവിലെ പരപ്പന അഗ്രഹാര ജയിലില്‍ കീഴടങ്ങിയ ശശികല ചില ആവശ്യങ്ങള്‍ മുന്നോട്ട് വച്ചിരുന്നെങ്കിലും അവയൊന്നും അനുവദിക്കപ്പെട്ടില്ല.
ജയിലിലെ തന്റെ ആദ്യ രാത്രി ശശികല സെല്ലിലെ സിമന്റ് തറയില്‍ കിടന്നാണ് ഉറങ്ങിയത്. സഹോദരഭാര്യയും കൂട്ടു പ്രതിയുമായ ഇളവരശിക്കൊപ്പം കഴിയാന്‍ അനുവദിക്കണമെന്ന് ശശികല ആവശ്യപ്പെട്ടെങ്കിലും ഇത് നിരസിക്കപ്പെട്ടു. മറ്റു രണ്ടു വനിതാ പ്രതികളാണ് സെല്ലില്‍ ഒപ്പമുള്ളത്.
ജയിലില്‍ ആദ്യദിനം രാവിലെ ശശികലയുടെ ഭക്ഷണം പുളിയരിച്ചോറും ചട്‌നിയുമായിരുന്നു. ശശികലയുടെ ഇഷ്ടപ്പെട്ട ഭക്ഷണം കൂടിയാണിത്. ഭക്ഷണശേഷം ഇവര്‍ കുറച്ചു സമയം ധ്യാനിക്കുകയും ചെയ്തു.
ജയിലില്‍ പ്രത്യേക സെല്‍ വേണമെന്ന് ശശികല ആവശ്യപ്പെട്ടിരുന്നെങ്കിലും സാധാരണ സെല്‍ മാത്രമേ ശശികലയ്ക്ക് അനുവദിക്കപ്പെട്ടിട്ടുള്ളൂ. എസിയുള്‍പ്പെടെയുള്ള സൗകര്യങ്ങളും ശശികല ആവശ്യപ്പെട്ടെങ്കിലും ടേബിള്‍ ഫാന്‍ കൊണ്ടു തൃപ്തിപ്പെടേണ്ടിവന്നു. നല്ല നടപ്പിന് ശിക്ഷ ഇളവ് ലഭിച്ചില്ലെങ്കില്‍ നാലു വര്‍ഷവും ശശികലയ്ക്കു ജയിലില്‍ തുടരേണ്ടിവരും.
വൈകീട്ട് അഞ്ചു മണിക്കാണ് ശശികല ജയിലിനുള്ളിലേക്കു കയറിയത്. കോടതിക്കു പുറത്തുവച്ച് ഭര്‍ത്താവ് നടരാജനെ കണ്ടപ്പോള്‍ ശശികല കണ്ണീര്‍ വാര്‍ത്തു. ജയിലിലെ വനിതാ ബ്ലോക്കിലേക്ക് ശശികലയെയും ഇളവരശിയെയും ഒരുമിച്ചാണ് കൊണ്ടുവന്നത്. 9234ാം നമ്പറാണ് ജയിലില്‍ ശശികലയുടെ നല്‍കിയിരിക്കുന്നത്. ജയിലില്‍ പ്രവേശിക്കുന്നതിനു മുമ്പ് മൂന്നു വീതം സാരികളും ബ്ലൗസുകളും അധികൃതര്‍ നല്‍കിയിരുന്നു.
കൈവശമുണ്ടായിരുന്ന വാച്ചും സ്വര്‍ണ മാലയും ജയിലില്‍ പ്രവേശിക്കുന്നതിനു മുമ്പ് ശശികല അധികൃതര്‍ക്കു കൈമാറി. തുടര്‍ന്നു മെഡിക്കല്‍ പരിശോധനയ്ക്കു വിധേയയായി. ദീര്‍ഘദൂരം യാത്ര ചെയ്തതിനാല്‍ ശശികലയുടെ രക്തസമ്മര്‍ദ്ദം അല്‍പ്പം കൂടുതലായിരുന്നു.
രാത്രിയില്‍ ചോറും സാമ്പാറുമാണ് ശശികല കഴിച്ചത്. ജയിലിലേക്ക് വരുമ്പോള്‍ കൊണ്ടുവന്ന പഴവര്‍ഗങ്ങളും കഴിച്ചു. തുടര്‍ന്നു സ്ഥിരമായി കഴിക്കാറുള്ള ആയുര്‍വേദ മരുന്നുകളും കഴിച്ച ശേഷമാണ് ശശികല ഉറങ്ങാന്‍ കിടന്നത്.
മെഴുകുതിരി നിര്‍മാണമാണ് ശശികലയ്ക്കു ജയിലില്‍ ലഭിച്ചിരിക്കുന്ന ജോലി. ദിവസവും കൂലിയായി 50 രൂപ ലഭിക്കും. ഇതേ ജോലി ദിവസവും ചെയ്യുകയും ശിക്ഷാ കാലാവധി പൂര്‍ത്തിയാവുന്നതു വരെ ജയിലില്‍ തുടരുകയും ചെയ്താല്‍ മോചിതയാവുമ്പോള്‍ ശശികലയ്ക്കു 65,700 രൂപയാണ് ലഭിക്കുക.
പരപ്പന അഗ്രഹാര ജയിലില്‍ ഇത് ആദ്യമായല്ല ശശികലയ്ക്കു കഴിയേണ്ടിവരുന്നത്. 2014ല്‍ വിചാരണക്കോടതി കുറ്റക്കാരിയായി വിധിച്ചപ്പോള്‍ 20 ദിവസം ഇവര്‍ ഈ ജയിലില്‍ താമിസിച്ചിട്ടുണ്ട്. അന്ന് സഹോദരഭാര്യ ഇളവരശിയാണ് ഒപ്പം സെല്ലിലുണ്ടായിരുന്നത്.
