ഇന്ത്യയുമായി തീവ്രവാദ വിരുദ്ധ സഹകരണം വര്ദ്ധിപ്പിക്കാന് പദ്ധതിയുമായി സൗദി അറേബ്യ
ഇന്ത്യയുമായി തീവ്രവാദ വിരുദ്ധ സഹകരണം വര്ദ്ധിപ്പിക്കും: പദ്ധതിയുമായി സൗദി അറേബ്യ
ദില്ലി: തീവ്രവാദത്തിനെതിരെ പോരാടാന് ഇന്ത്യയുമായി സഹകരണം വര്ദ്ധിപ്പിക്കാന് സൗദി അറേബ്യ. ഡ്രോണ്, മിസൈല് ആക്രമണത്തിന് രണ്ടാഴ്ചയക്ക് ശേഷമാണ് ഇത്തരത്തിലൊരു തീരുമാനവുമായി സൗദി രംഗത്തെത്തിയിരിക്കുന്നത്. തീവ്രവാദ ശൃംഖലകളിലേക്കുള്ള പണം ഒഴുകുന്നത് തടയുകയും രഹസ്യാന്വേഷണ വിവരങ്ങള് കൈമാറുന്നതുള്പ്പെടെയുള്ള കാര്യങ്ങളാണ് സൗദി പദ്ധതിയിടുന്നത്. ഭീകരതയ്ക്കെതിരെ ഇന്ത്യയും സൗദി അറേബ്യയും പരസ്പരം സഹകരിക്കുന്നുണ്ടെന്ന് സൗദി അംബാസഡര് ഡോ. സൗദ് ബിന് മുഹമ്മദ് അല് സതി പറഞ്ഞു. മേഖലയെ ഭീകരവാദത്തില് നിന്ന് മോചിപ്പിക്കാനുള്ള പ്രചാരണത്തില് സൗദി അറേബ്യ ഇന്ത്യയുമായി സഹകരിക്കുമെന്നും വെല്ലുവിളികള് ഫലപ്രദമായി നേരിടാന് എല്ലാ സഹകരണവും ഉറപ്പുവരുത്തുമെന്നും പ്രതിജ്ഞയെടുത്തു.
കഴിഞ്ഞ രണ്ട് വര്ഷത്തിനിടയില്, ഇരുരാജ്യങ്ങളും സുരക്ഷാ രംഗത്ത് കൈമാറല് ഉടമ്പടി ഉള്പ്പെടെ നിരവധി കരാറുകളില് ഒപ്പുവച്ചു. ഭീകരത, തീവ്രവാദ ധനസഹായം, തീവ്രവാദം എന്നിവയ്ക്കെതിരായ ആഗോള പ്രചാരണത്തിന് സൗദി അറേബ്യ നേതൃത്വം നല്കുന്നു. ഐസിസിനെ പ്രതിരോധിക്കാനുള്ള 68 രാജ്യങ്ങളുടെ ശക്തമായ ആഗോള കൂട്ടുകെട്ടിന്റെ സ്ഥാപക അംഗവും ഇസ്ലാമിക് മിലിട്ടറി കൗണ്ടര് ടെററിസം കൂട്ടായ്മയുടെ സ്ഥാപക രാജ്യങ്ങളിലൊന്നായ സൗദി പ്രതിനിധി പറഞ്ഞു. സൗദി അറേബ്യ ഇന്ത്യയെ ഒരു ഉറ്റ ചങ്ങാതിയായും തന്ത്രപരമായ പങ്കാളിയായുമാണ് കാണുന്നതെന്നും പ്രതിരോധ-സുരക്ഷാ സഹകരണം കൂടുതല് ശക്തമാക്കുമെന്നും അദ്ദേഹം കൂട്ടിച്ചേര്ത്തു.
രാജ്യത്തെ ദേശീയ പെട്രോളിയം കമ്പനിയായ സൗദി അരാംകോയുടെ എണ്ണ സംഭരണശാലക്കെതിരെ നിരവധി ഡ്രോണ്, മിസൈല് ആക്രമണങ്ങളാണ് സെപ്റ്റംബര് 14 ന് നടന്നത്. ഇതോടെ പ്രതിദിന എണ്ണ ഉല്പാദനത്തിന്റെ പകുതിയും തകര്ന്നു. ഇത് ആഗോള എണ്ണ വിപണിയെ സാരമായി ബാധിക്കുകയും സൗദി അറേബ്യയും ഇറാനും തമ്മില് പുതിയ പിരിമുറുക്കത്തിന് കാരണമാവുകയും ചെയ്തു. ആക്രമണത്തിന്റെ ഉത്തരവാദിത്തം യെമന്റെ ഹൂത്തി തീവ്രവാദ സംഘം ഏറ്റെടുത്തു. ആക്രമണത്തിന് സൗദി അറേബ്യയും സഖ്യകക്ഷിയായ യുഎസും ഇറാനെ കുറ്റപ്പെടുത്തിയിട്ടുണ്ടെങ്കിലും ടെഹ്റാന് ആരോപണം ശക്തമായി നിഷേധിച്ചു.
തീവ്രവാദ ധനസഹായത്തിനെതിരെ പ്രവര്ത്തിക്കുന്ന എലൈറ്റ് ഫിനാന്ഷ്യല് ആക്ഷന് ടാസ്ക് ഫോഴ്സില് അംഗത്വം നേടിയ ആദ്യത്തെ അറബ് രാജ്യമാണ് സൗദി. തീവ്രവാദത്തിനെതിരെ പോരാടുന്നതിനുള്ള ഒരു ശ്രമവും ഞങ്ങള് ഒഴിവാക്കിയിട്ടില്ല. സൗദി അതിര്ത്തിക്കുള്ളിലും അതിന് പുറത്തുമുള്ള തീവ്രവാദത്തെ സാമ്പത്തികമായി പിന്തുണയ്ക്കുന്നവരെ തടയാന് 2003 മുതല് തന്നെ നമ്മുടെ സര്ക്കാര് സാമ്പത്തിക നിയന്ത്രണങ്ങളും ബാങ്കിംഗ് നിയന്ത്രണങ്ങളും ഏര്പ്പെടുത്തിയിട്ടുണ്ടെന്നും ഡോ. അല് സതി പറഞ്ഞു.
ഫെബ്രുവരിയില് സൗദി കിരീടാവകാശി മുഹമ്മദ് ബിന് സല്മാന്റെ സന്ദര്ശന വേളയില് ഇരു രാജ്യങ്ങളും സമഗ്രമായ സുരക്ഷാ ചര്ച്ചകള് നടത്താനും തീവ്രവാദ വെല്ലുവിളികളെ ഫലപ്രദമായി നേരിടാന് തീവ്രവാദത്തിനെതിരെ സംയുക്ത പ്രവര്ത്തക സംഘം രൂപീകരിക്കാനും തീരുമാനിച്ചതായും 2016 ല് പ്രധാനമന്ത്രി നരേന്ദ്ര മോദി നടത്തിയ ചരിത്രപരമായ സൗദി അറേബ്യ സന്ദര്ശനത്തെ പരാമര്ശിച്ച് അദ്ദേഹം പറഞ്ഞു.
-
ഡൽഹിയും മുംബൈയും തകർക്കും; ഭീഷണി മുഴക്കി മുൻ പാകിസ്ഥാൻ ഹൈക്കമ്മീഷണർ. -
കിടിലൻ ഐഡിയ; ഇവി ചാർജിങ് സ്റ്റേഷൻ ബിസിനസ്സിലൂടെ ലക്ഷങ്ങൾ വരുമാനം -
ഉയർന്ന രക്തസമ്മർദ്ദം നിസാരക്കാരനല്ല; ശ്രദ്ധിച്ചില്ലെങ്കിൽ പണി കിട്ടും, ഈ ഭക്ഷണങ്ങൾ കഴിക്കാൻ ശ്രമിക്കൂ..! -
പാലക്കാട് ഐഐടിയില് ഒഴിവുകള്; ശമ്പളം 1.12 ലക്ഷം വരെ, നിങ്ങള് യോഗ്യരാണോ? -
റെയിൽടെൽ കോർപ്പറേഷനിൽ ഒഴിവുകൾ: ആർക്കൊക്കെ അപേക്ഷിക്കാം..അറിയാം -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം
Click it and Unblock the Notifications
Sign in with Google