പ്രവാസികള്ക്ക് കനത്ത തിരിച്ചടി; സെയില്സ്മാന്മാരുടെ പണിപോകും, സ്വദേശിവല്ക്കരണം ശക്തമാക്കി സൗദി
സൗദി അറേബ്യയില് നിന്ന് വിദേശികള്ക്ക് തിരിച്ചടിയാവുന്നു വാര്ത്തകളാണ് അടുത്തകാലത്തായി പുറത്തുവന്നുകൊണ്ടിരിക്കുന്നത്. സ്വദേശിവല്ക്കരണത്തിന്റെ ഭാഗമായി വിദേശികള്ക്ക് കൂട്ടത്തോടെ ജോലി നഷ്ടമാകുകയാണിവിടെ. മൂന്ന് മാസത്തിനിടെ മാത്രം രണ്ടര ലക്ഷത്തോളം വിദേശികള്ക്കാണ് ജോലി നഷ്ടമായിരിക്കുന്നത്.
ഈ വര്ഷം ജനുവരി മുതല് മാര്ച്ച് വരെയുള്ള കണക്കുകളാണ് സൗദി ഭരണകൂടം പുറത്തുവിട്ടിരിക്കുന്നത്. രണ്ടാംപാദത്തിലെ കണക്കുകള് കൂടി വന്നാല് അത്രത്തോളം പേര്ക്ക് വീണ്ടും ജോലി നഷ്ടമായിട്ടുണ്ടാകുമെന്നാണ് കണക്കാക്കുന്നത്. പ്രവാസികളുടെ ജോലി നഷ്ടത്തിന് ആഘാതം കൂട്ടുന്ന മറ്റൊരു തീരുമാനമാണ് സൗദിയുടെ ഭാഗത്തുനിന്ന് ഉണ്ടാവാന് പോവുന്നത്. വിശദമായ വിവരങ്ങള് ഇങ്ങനെ..
രാജ്യം വിട്ട വിദേശികള്
സ്വദേശിവല്ക്കരണത്തിന്റെ ഭാഗമായി സൗദിയില് ജോലി നഷ്ടപ്പെട്ടും മറ്റു പ്രതിസന്ധികള് മൂലവും രാജ്യം വിട്ട വിദേശികളുടെ കണക്ക് സൗദി ഭരണകൂടം കഴിഞ്ഞയാഴ്ച്ച് പുറത്തുവിട്ടത്. 2018ലെ ആദ്യപാദത്തിലെ കണക്കുകളാണ് പുറത്തുവന്നിരിക്കുന്നത്. ജനുവരി മുതല് മാര്ച്ച് വരെയുള്ള വിവരങ്ങള്. ഈ മൂന്ന് മാസത്തിനിടെ മാത്രം സൗദിയില് 234000 വിദേശികള്ക്ക് ജോലി നഷ്ടമായെന്ന് രേഖകള് വ്യക്തമാക്കുന്നു. കഴിഞ്ഞദിവസമാണ് സര്ക്കാര് കണക്കുകള് പുറത്തുവിട്ടത്.
കണക്കുകള്
പൊതു-സ്വകാര്യ മേഖലകളിലെ സംയുക്ത കണക്കാണിത്. പൊതുമേഖലകളില് നിന്ന് വിദേശികളെ ഒഴിവാക്കാന് സര്ക്കാര് നേരത്തെ തീരുമാനിച്ചിരുന്നു. എന്നാല് സ്വാകാര്യമേഖലയില് നിന്നും വ്യാപകമായി വിദേശികളെ ഒഴിവാക്കുകയാണെന്ന് കണക്കുകള് വ്യക്തമാക്കുന്നു. പല കമ്പനികളും പ്രതിസന്ധിയിലാണെന്ന റിപ്പോര്ട്ടുകളും വന്നിരുന്നു.
തീരുമാനം
ജനറല് അതോറിറ്റി ഓഫ് സ്റ്റാറ്റിറ്റിക്സ് പുറത്തുവിട്ട കണക്കിലാണ് ജോലി നഷ്ടമായ വിദേശികളുടെ വിവരങ്ങളുള്ളത്. ഇപ്പോള് സൗദിയില് ജോലി ചെയ്യുന്ന വിദേശികളുടെ എണ്ണം 10.18 ദശലക്ഷമാണ്. നേരത്തെ ഇത് 10.42 ദശലക്ഷമായിരുന്നു. ഇനിയും വിദേശികളുടെ എണ്ണം കുറയ്്ക്കാനാണ് തീരുമാനം.
സ്വദേശിവല്ക്കരണം
ഈ തീരുമാനത്തിന്റെ സ്വദേശിവല്ക്കരണം വ്യാപിപ്പിക്കാന് സൗദി നീക്കം തുടങ്ങിയത്. ഷോപ്പിംഗ് മാളുകളിലെ സ്വദേശിവല്ക്കരണം സൗദിയില് ഉടനീളം വ്യാപിപ്പിക്കാനാണ് ഭരണകൂടം നീക്കം നടത്തുന്നത്. 2020 ഓടെ ചില്ലറ വില്പ്പന രംഗത്ത് തൊഴിലാളികള്ക്ക് മില്യണ് തൊഴിലവസരങ്ങള് സൃഷ്ടക്കുകയാണ് സര്ക്കാര് ലക്ഷ്യം.
100 ശതമാനം
2017 ലാണ് സൗദിയില് ഷോപ്പിങ്ങ് മാളുകളിലെ ജോലികള് സ്വദേശികള്ക്ക് മാത്രാമായി പരിമിതപ്പെടുത്തിയത്. അല് ഖസീം പ്രവശ്യയിലെ ഏട്ടുമാളുകളില് 100 ശതമാനം സൗദിവല്ക്കരണം നടത്തികൊണ്ടായിരുന്നു പദ്ധതിക്ക് തുടക്കം കുറിച്ചത്. പിന്നീട് മറ്റുചില പ്രവിശ്യകളിലേക്കും പദ്ധതി വ്യാപിപ്പിച്ചിരുന്നു.
മുഴുവന് പ്രവശ്യകളിലേക്കും
ഷോപ്പിങ്ങ് മാളുകളിലെ സ്വദേശിവല്ക്കരണം വന്വിജയകരമാണെന്ന് വിലയിരുത്തപ്പെട്ട പശ്ചാത്തലത്തില് രാജ്യത്തെ മുഴുവന് പ്രവശ്യകളിലേക്കും ഈ പദ്ധതി വ്യാപിക്കാനൊരുങ്ങുകയാണ് സൗദി.
മക്ക,റിയാദ്, തബൂക്ക്
മക്ക,റിയാദ്, തബൂക്ക്, കിഴക്കന് പ്രവിശ്യ തുടങ്ങിയ മേഖലകളില് ഷോപ്പിങ്ങ് കോംപ്ലക്സുകളിലെ സ്വദേശിവല്ക്കരണം സബൂര്ണ്ണമായി നടപ്പിലാക്കാന് ഭരണകൂടം നീക്കം ആരംഭിച്ചു. സൗദിവല്ക്കരണ വിഭാഗത്തില് നിന്ന് ഇതുസംബന്ധിച്ചുള്ള വിവരം ഔദ്യോഗികമായി തന്നെ സര്ക്കാര് പുറത്തുവിട്ടു.
ജോലി നഷ്ടപ്പെടും
പദ്ധതി വ്യാപകമായി നടപ്പിലാക്കിയാല് ഷോപ്പിങ്ങ് കോംപ്ലക്സ് മേഖലയില് ജോലിചെയ്യുന്ന വലിയൊരുവിഭാഗം വിദേശികളുടെ ജോലി നഷ്ടപ്പെടും. ഈ മേഖലയില് കൂടുതലായും ജോലി ചെയ്യുന്നത് മലയാളികളാണ് എന്നുള്ളതിനാല് അവര്ക്കാവും തീരുമാനം കൂടുതല് തിരിച്ചടിയാവുക. ഈ മേഖലയില് നിരവധി മലയാളികളാണ് സെയില്സ്മാന്മാരായി ജോലിചെയ്യുന്നത്. തീരുമാനം നടപ്പായാല് ഇവരുടെ ജോലി നഷ്ടപ്പെടും
പഠനവിധേയമാക്കും
ഓരോ പ്രവിശ്യയിലേയും സാഹചര്യങ്ങളും, തൊഴിലവസരങ്ങളും, ഉദ്യോഗാര്ത്ഥികളുടെ ലഭ്യതയും പഠനവിധേയമാക്കിയിട്ടാകും സ്വദേശിവല്ക്കരണം നടപ്പിലാക്കുകയെന്ന് സൗദി തൊഴില്-സാമൂഹിക വികസന മന്ത്രാലയ പ്രവശ്യ സൗദിവല്ക്കരണ വിഭാഗം മേധാവി സഅദ് അല് ഗാംദി അറിയിച്ചു.
-
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു
Click it and Unblock the Notifications
Sign in with Google