Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കശ്മീരില്‍ സുപ്രീംകോടതി ഇടപെടല്‍ ഉടനെയില്ല; കേന്ദ്രത്തിന് സമയം നല്‍കി കോടതി
ദില്ലി: കശ്മീരിലെ ആശയവിനിമയ സംവിധാനങ്ങള്‍ റദ്ദാക്കിയ സര്‍ക്കാര്‍ നടപടി തടയണമെന്ന ഹര്‍ജിയില്‍ സുപ്രീംകോടതി ഉടന്‍ ഇടപെടില്ല. കശ്മീരില്‍ സമാധാനം പുനസ്ഥാപിക്കാന്‍ കേന്ദ്രസര്‍ക്കാരിന് ആവശ്യത്തിന് സമയം നല്‍കേണ്ടതുണ്ടെന്ന് സുപ്രീംകോടതി നിരീക്ഷിച്ചു. ഇക്കാര്യത്തില്‍ സമര്‍പ്പിക്കപ്പെട്ട പൊതുതാല്‍പ്പര്യ ഹര്‍ജി കോടതി രണ്ടാഴ്ചത്തേക്ക് മാറ്റിവച്ചു. രണ്ടാഴ്ചയ്ക്ക് ശേഷം ഹര്‍ജി വീണ്ടും പരിഗണിക്കും.
ആക്ടിവിസ്റ്റ് തെഹ്‌സീന്‍ പൂനവാല സമര്‍പ്പിച്ച ഹര്‍ജിയാണ് കോടതി പരിഗണിച്ചത്. കശ്മീരില്‍ കേന്ദ്ര സര്‍ക്കാര്‍ അടിച്ചമര്‍ത്തല്‍ നയം സ്വീകരിക്കുന്നുവെന്നാണ് ഹര്‍ജിയിലെ ആരോപണം. എന്നാല്‍ കശ്മീരിലെ പ്രത്യേക സാഹചര്യം പരിഗണിച്ച് ആശയവിനിമയ സംവിധാനങ്ങള്‍ക്ക് നിയന്ത്രണമേര്‍പ്പെടുത്തിയ ഉടനെ ഇടപെടുന്നത് ശരിയല്ലെന്നും സര്‍ക്കാരിന് അല്‍പ്പം സയമം അനുവദിക്കേണ്ടതുണ്ടെന്നും കോടതി വിലയിരുത്തി.
കര്‍ഫ്യൂ പിന്‍വലിക്കണം, ഇന്റര്‍നെറ്റ്, ഫോണ്‍, വാര്‍ത്താ ചാനല്‍ ബന്ധങ്ങള്‍ പുനസ്ഥാപിക്കണം തുടങ്ങിയ കാര്യങ്ങളാണ് തെഹ്‌സീന്‍ പൂനവാല ഹര്‍ജിയില്‍ ആവശ്യപ്പെട്ടിരുന്നത്. കശ്മീരിലേത് ഗുരുതരമായ സാഹചര്യമാണ്. സര്‍ക്കാരിന്റെ ദിനേനയുള്ള ഭരണകാര്യങ്ങളില്‍ ഇടപെടാനാകില്ലെന്നും വാദപ്രതിവാദത്തിനിടെ സുപ്രീംകോടതി നിരീക്ഷിച്ചു. ചില ജില്ലകളില്‍ ജനജീവിതം സാധാരണ നിലയിലെത്തിയിട്ടുണ്ടെന്ന അറ്റോര്‍ണി ജനറലിന്റെ റിപ്പോര്‍ട്ടും കോടതി എടുത്തുപറഞ്ഞു.
അതേസമയം, കശ്മീരില്‍ മാധ്യമപ്രവര്‍ത്തകര്‍ക്ക് നിയന്ത്രണമേര്‍പ്പെടുത്തിയതിനെ ചോദ്യം ചെയ്ത് കശ്മീരി ടൈംസ് എക്‌സിക്യൂട്ടീവ് എഡിറ്റര്‍ അനുരാധ ഭാസിന്‍ സുപ്രീംകോടതിയെ സമീപിച്ചിരുന്നു. ഹര്‍ജി അടിയന്തരമായി പരിഗണിക്കണമെന്ന ആവശ്യം കോടതി അംഗീകരിച്ചിട്ടുണ്ട്.
