പ്രിന്സിപ്പാള് വിദ്യാര്ഥിയുടെ കൈഞരമ്പ് മുറിച്ചു
തങ്ങളെ പ്രിന്സിപ്പാള് പീഡിപ്പിക്കുന്നതായി ആറ് കുട്ടികള് രക്ഷിതാക്കളോട് പരാതി പറഞ്ഞിരുന്നു. ഇതാണ് പ്രിന്സിപ്പാള് കുട്ടിയുടെ കൈ ബ്ലേഡ് കൊണ്ട മുറിക്കാന് കാരണമായത് എന്നാണ് പരാതി. ഈ സംഭവത്തില് പോലീസില് പരാതിപ്പെട്ടിരുന്നതായി ആന്ധ്രപ്രദേശ് ബാലാല ഹാക്കുല സംഘം പ്രസിഡണ്ട് അച്യുത റാവു പറഞ്ഞു.
കുട്ടിയുടെ കൈ ബ്ലേഡ് കൊണ്ട് മുറിച്ച സംഭവത്തില് പ്രതിഷേധിച്ച് രക്ഷിതാക്കളും നാട്ടുകാരും സ്കൂളില് പ്രതിഷേധ പ്രകടനം നടത്തി. ഇക്കാര്യത്തില് ജുവനൈല് ജസ്റ്റീസ് ബോര്ഡിന് പരാതി നല്കിയിട്ടുണ്ട്. ബോര്ഡില് നിന്നും വേണ്ട നടപടികള് ഉണ്ടാകും എന്നാണ് പ്രതീക്ഷ.
എന്നാല് വിദ്യാര്ഥിയുടെ മാനസിക നില തകരാറിലാണ് എന്നും തനിക്കെതിരെ വെറുതെ ആരോപണം ഉന്നയിക്കുകയാണ് എന്നുമാണ് പ്രിന്സിപ്പാള് അമരേശ്വര് റാവു പറയുന്നത്. കുട്ടി ബ്ലേഡ് കൊണ്ട് സ്വന്തം കൈകള് കീറിമുറിക്കുകയായിരുന്നു. കുട്ടിയുടെ രക്ഷിതാക്കളെ സ്കൂളിലേക്ക് വിളിപ്പിക്കാനിരിക്കുകയാണ് മാനേജ്മെന്റ് - പ്രിന്സിപ്പാള് പറഞ്ഞു.
സ്കൂള് കുട്ടികളെ ശാരീരികമായും മാനസികമായും ഉപദ്രവിക്കുന്നതായി കാണിച്ച് നൂറ് കണക്കിന് പരാതികളാണ് സംസ്ഥാനത്തെ രക്ഷിതാക്കളുടെ സംഘടനയ്ക്ക് ലഭിക്കുന്നത്. വിദ്യാഭ്യാസ സ്ഥാപനങ്ങളില് നിന്നും കുട്ടികള് പീഡിപ്പിക്കപ്പെടുന്നത് കാണിച്ച് അറൂനൂറോളം പരാതികള് പോലീസ് സ്റ്റേഷനുകളിലുണ്ട് എന്നാണ് കണക്ക്.
Click it and Unblock the Notifications
Sign in with Google