Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
തമിഴ്‌നാട്ടില്‍ സ്‌കൂള്‍ തുറക്കില്ല; തീരുമാനം മാറ്റി, എതിര്‍പ്പുമായി രക്ഷിതാക്കളും അധ്യാപകരും
ചെന്നൈ: സ്‌കൂളുകള്‍ തുറക്കാനുള്ള തീരുമാനത്തില്‍ നിന്ന് തമിഴ്‌നാട് സര്‍ക്കാര്‍ പിന്‍മാറി. നവംബര്‍ 16 മുതല്‍ സ്‌കൂളുകള്‍ തുറക്കുമെന്നാണ് നേരത്തെ അറിയിച്ചിരുന്നത്. രക്ഷിതാക്കളുടെയും വിദ്യാഭ്യാസ വിദഗ്ധരുടെയും അഭിപ്രായം സര്‍ക്കാര്‍ തേടിയിരുന്നു. തുടര്‍ന്നാണ് ഇപ്പോള്‍ തുറക്കേണ്ട എന്ന് തീരുമാനിച്ചത്. 9-12 ക്ലാസുകളാണ് പുനരാരംഭിക്കാന്‍ കഴിഞ്ഞാഴ്ച തീരുമാനിച്ചിരുന്നത്. കൊറോണ ഭീതി അകലും മുമ്പ് സര്‍ക്കാര്‍ തീരുമാനം എടുത്തത് വിവിധ കോണുകളില്‍ നിന്ന് വിമര്‍ശനത്തിന് ഇടയാക്കിയിരുന്നു.
കൊറോണയുടെ പശ്ചാത്തലത്തില്‍ മറ്റു സംസ്ഥാനങ്ങളിലെ പോലെ കഴിഞ്ഞ ഏഴ് മാസമായി തമിഴ്‌നാട്ടിലെ സ്‌കൂളുകള്‍ അടഞ്ഞു കിടക്കുകയാണ്. എന്നാണ് തുറക്കുക എന്ന് സര്‍ക്കാര്‍ പുതിയ ഉത്തരവില്‍ വ്യക്തമാക്കിയിട്ടില്ല. അതേസമയം, ഗവേഷണ പഠനങ്ങള്‍ക്ക് വേണ്ടി കോളജുകളും യൂണിവേഴ്‌സിറ്റികളും ഡിസംബര്‍ രണ്ട് മുതല്‍ പ്രവര്‍ത്തനം ആരംഭിക്കുമെന്ന് സര്‍ക്കാര്‍ അറിയിച്ചു. ശാസ്ത്രാ സാങ്കേതിക മേഖലയിലുള്ള പിജി കോഴ്‌സുകളും ഡിസംബര്‍ രണ്ടു മുതല്‍ തുടങ്ങും.
കോളജുകള്‍ നവംബര്‍ 16ന് ആരംഭിക്കുമെന്നാണ് നേരത്തെ സര്‍ക്കാര്‍ അറിയിച്ചിരുന്നത്. വിമര്‍ശനം ഉയര്‍ന്നതോടെയാണ് ഡിസംബര്‍ രണ്ടിലേക്ക് മാറ്റിയത്. രക്ഷിതാക്കളും അധ്യാപകരും എതിര്‍ത്ത പശ്ചാത്തലത്തിലാണ് സ്‌കൂളുകള്‍ തുറക്കുന്നത് മാറ്റിവയ്ക്കാന്‍ തീരുമാനിച്ചത്. ചില രക്ഷിതാക്കള്‍ സ്‌കൂള്‍ തുറക്കണമെന്ന് ആവശ്യപ്പെട്ടു. മറ്റു ചിലര്‍ വേണ്ടെന്നും. തുടര്‍ന്നാണ് തല്‍ക്കാലം അടഞ്ഞുകിടക്കട്ടെ എന്ന തീരുമാനത്തില്‍ സര്‍ക്കാരെത്തിയത്.
Recommended Video
തമിഴ്‌നാട്ടില്‍ ഇതുവരെ ഏഴര ലക്ഷം കൊറോണ കേസുകളാണ് റിപ്പോര്‍ട്ട് ചെയ്തിട്ടുള്ളത്. 11500 പേര്‍ മരിക്കുകയും ചെയ്തു. രാജ്യത്ത് കൊറോണ രോഗം ഏറ്റവും കൂടുതല്‍ ബാധിച്ച നാലാമത്തെ സംസ്ഥാനമാണ് തമിഴ്‌നാട്. ബുധനാഴ്ച മാത്രം 2000 പേര്‍ക്ക് രോഗം ബാധിച്ചു. 28 പേര്‍ മരിക്കുകയും ചെയ്തു. സ്‌കൂള്‍ തുറക്കുമെന്ന് കഴിഞ്ഞാഴ്ചയാണ് പളനിസ്വാമി സര്‍ക്കാര്‍ പ്രഖ്യാപിച്ചത്. പ്രതിപക്ഷ നേതാവ് എംകെ സ്റ്റാലിന്‍ ഇതിനെതിരെ ശക്തമായി രംഗത്തുവന്നിരുന്നു. സാഹചര്യങ്ങള്‍ വിലയിരുത്തിയ ശേഷം അടുത്ത ജനുവരിയില്‍ തുറന്നാല്‍ മതി എന്നാണ് സ്റ്റാലിന്റെ നിലപാട്.
