• search
  • Live TV
കാര്യങ്ങൾ അതിവേഗം അറിയാൻ
Subscribe Now  
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഈ വർഷത്തെ രണ്ടാമത്തെ ചന്ദ്രഗ്രഹണം, കേരളത്തിലും കാണാം, ഇന്ന് കണ്ടില്ലെങ്കിൽ ഇനി ഈ വർഷമില്ല

ദില്ലി: 2020ലെ രണ്ടാമത്തെ ചന്ദ്രഗ്രഹണത്തിന് ഇനി മണിക്കൂറുകള്‍ മാത്രം. രാത്രി 11.15 മുതല്‍ പുലര്‍ച്ചെ 2.34 വരെയാണ് ചന്ദ്രഗ്രഹണം കാണാന്‍ സാധിക്കുക. കേരളത്തിലും ചന്ദ്രഗ്രഹണം കാണാനാവും. അന്തരീക്ഷം മേഘാവൃതം അല്ലെങ്കില്‍ ഇന്നത്തെ പെനംബ്രല്‍ ഗ്രഹണം മലയാളികള്‍ക്കും കാണാം. ഭാഗികമായി ചന്ദ്രനെ നിഴല്‍ മൂടുന്നതാണ് പെനംബ്രല്‍ ഗ്രഹണം എന്ന് അറിയപ്പെടുന്നത്.

ഈ വര്‍ഷത്തെ ആദ്യത്തെ ചന്ദ്രഗ്രഹണം ജനുവരിയില്‍ ആയിരുന്നു. ഇന്നത്തെ ചന്ദ്രഗ്രഹണം പൂര്‍ണതയിലെത്തുക രാത്രി 12.45നായിരിക്കും. സ്‌ട്രോബറി മൂണ്‍ എക്ലിപ്‌സ് എന്നാണ് ഈ ചന്ദ്രഗ്രഹണം അറിയപ്പെടുന്നത്. ചന്ദ്രനെ ഗ്രഹണ സമയത്ത് ചുവന്ന നിറത്തിലോ പിങ്ക് നിറത്തിലോ ആകില്ല കാണുന്നത്. മറിച്ച് മങ്ങിയ നിറത്തിലാവും.

പെനംബ്രല്‍ ചന്ദ്രഗ്രഹണം ഉണ്ടാകുമ്പോള്‍ ചന്ദ്രനെ സാധാരണയുളള പൂര്‍ണചന്ദ്രനില്‍ നിന്നും വേര്‍തിരിച്ച് അറിയാന്‍ ബുദ്ധിമുട്ടാണ്. പെനംബ്രല്‍ കൂടാതെ ഭാഗികം, പൂര്‍ണം എന്നിങ്ങനെയാണ് മറ്റ് ചന്ദ്രഗ്രഹണങ്ങള്‍ ദൃശ്യമാകുന്നത്. ഏഷ്യ, ആഫ്രിക്ക, യൂറോപ്പ് ഓസ്‌ട്രേലിയ എന്നിവിടങ്ങളില്‍ ഇന്ന് രാത്രി പെനംബ്രല്‍ ചന്ദ്രഗ്രഹണം ആളുകള്‍ക്ക് കാണാന്‍ സാധിക്കും. ഈ വര്‍ഷം ഇനി ചന്ദ്രഗ്രഹണമുളളത് ജൂലൈയിലും നവംബറിലുമാണ്.

ജൂലൈ 5നും നവംബര്‍ 30നും ചന്ദ്രഗ്രഹണം ഉണ്ടാകും. എന്നാല്‍ അവ രണ്ടും കേരളത്തില്‍ നിന്ന് ദൃശ്യമാകില്ല. ഇന്നത്തേക്ക് ഈ വര്‍ഷത്തെ മറ്റ് ചന്ദ്രഗ്രഹണങ്ങളേക്കാള്‍ തിളക്കം കൂടിയത് ആയിരിക്കുമെന്ന് നാസ പറയുന്നു. കാരണം ആകാശത്തില്‍ സാധാരണയിലും താഴെ ആയിരിക്കും എന്ന് ചന്ദ്രന്‍. മൂന്ന് മണിക്കൂര്‍ 18 മിനുറ്റാണ് ചന്ദ്രഗ്രഹണത്തിന്റെ സമയം. ജൂണ്‍ അമേരിക്കയില്‍ സ്‌ട്രോബറി വിളവെടുപ്പിന്റെ കാലമാണ്. അതിനാലാണ് ഈ ചന്ദ്രഗ്രഹണം സ്‌ട്രോബറിയുടെ പേരില്‍ അറിയപ്പെടുന്നത്.

ഹണിമൂണ്‍ എന്ന പേരും ഈ ചന്ദ്രഗ്രഹണത്തിനുണ്ട്. കാരണം തേന്‍ വിളവെടുപ്പിന്റെ മാസവും ജൂണ്‍ ആണ്. സൂര്യനും ചന്ദ്രനും ഭൂമിയും നേര്‍രേഖയില്‍ വരികയും ഭൂമി ചന്ദ്രനും സൂര്യനും നടുവില്‍ വരികയും ചെയ്യുമ്പോഴാണ് ചന്ദ്രഗ്രഹണം സംഭവിക്കുന്നത്. സൂര്യനില്‍ നിന്നുളള പ്രകാശം നേരിട്ട് ചന്ദ്രനില്‍ പതിക്കുന്നത് ഭൂമി മറയ്ക്കുന്നു.

തയ്യാറെടുത്ത് കോൺഗ്രസ്, ആം ആദ്മി പാർട്ടിക്ക് സിദ്ദുവിനെ വിട്ടുകൊടുക്കില്ല! പ്രശാന്ത് കിഷോർ വരും!

English summary
Second Lunar Eclipse of 2020 visible today
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more