ലഷ്കർ ഭീകരസംഘത്തിന് രഹസ്യ രേഖകൾ ചോർത്തി നൽകി;മുൻ ഐപിഎസ് ഉദ്യോഗസ്ഥനെ അറസ്റ്റ് ചെയ്ത് എൻഐഎ
ദില്ലി; നിരോധിത സംഘടനയായ ലഷ്കർ-ഇ-തൊയ്ബയ്ക്ക് രഹസ്യ രേഖകൾ ചോർത്തി നൽകിയ ഐപിഎസ് ഉദ്യോഗസ്ഥനെ അറസ്റ്റ് ചെയ്ത് എൻഐഎ. മുൻ പോലീസ് സൂപ്രണ്ടും ഐപിഎസ് ഓഫീസറുമായ അരവിന്ദ് ദിഗ്വിജയ് നേഗിയെ ആണ് വെള്ളിയാഴ്ച എൻഐഎ അറസ്റ്റ് ചെയ്തത്.
എൻഐഎയിൽ അന്വേഷണ ഉദ്യോഗസ്ഥനായിരിക്കെ നേഗി വിവരങ്ങൾ ചോർത്തിയെന്നാണ് കേസ്. കശ്മീർ പൊലിസിൽ സൂപ്രണ്ടായിരിക്കെ നേഗി ഡെപ്യൂട്ടേഷന്റെ ഭാഗമായിട്ടായിരുന്നു എൻഐഎയിൽ എത്തിയത്. നേഗിയുടെ വീടുകൾ പരിശോധിച്ചതായും അദ്ദേഹത്തിന്റെ പങ്ക് തിരിച്ചറിഞ്ഞതായും ഉദ്യോഗസ്ഥർ അറിയിച്ചു.
ഇന്ത്യയിൽ തീവ്രവാദ പ്രവർത്തനങ്ങൾ ആസൂത്രണം ചെയ്യുന്നതിനും നടപ്പിലാക്കുന്നതിനും നിരോധിത സംഘടനയായ ലഷ്കർ ഇ തൊയിബയ്ക്ക് സഹായങ്ങൾ ലഭ്യമാക്കിയതുമായി ബന്ധപ്പെട്ട് നേരത്തേ എൻഐഎ കേസെടുത്തിരുന്നു. കേസിൽ നേരത്തേ ആറ് പേരെ എൻ ഐ എ അറസ്റ്റ് ചെയ്തിരുന്നു.
Click it and Unblock the Notifications
Sign in with Google