Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോൺഗ്രസ് നേതാവ് ദിഗ്വിജയ് സിംഗ് തോറ്റു, വിചിത്ര ആവശ്യവുമായി സന്ന്യാസി, സമാധി അടയാൻ അനുവാദം വേണം!
ഭോപ്പാല്‍: മധ്യപ്രദേശ് മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ദിഗ്വിജയ് സിംഗ് തിരഞ്ഞെടുപ്പില്‍ തോറ്റതിന് പിന്നാലെ വിചിത്ര ആവശ്യവുമായി സന്ന്യാസി. തോറ്റ നേതാവിനോട് അനുഭാവം പ്രകടിപ്പിച്ച് തനിക്ക് സമാധി അടയണം എന്നാണ് സന്ന്യാസിയുടെ ആവശ്യം. ഇക്കഴിഞ്ഞ ലോക്‌സഭാ തിരഞ്ഞെടുപ്പില്‍ ഭോപ്പാലില്‍ മത്സരിച്ച ദിഗ്വിജയ് സിംഗ് ബിജെപിയുടെ പ്രഗ്യ സിംഗ് ടാക്കൂറിനോടാണ് തോറ്റത്.
ദിഗ്വിജയ് സിംഗിന്റെ തിരഞ്ഞെടുപ്പ് പരിപാടികളില്‍ സന്യാസിയായ ഭൈരാഗ്വാനന്ദ് ഗിരി പങ്കെടുത്തിരുന്നു. ദിഗ്വിജയ് സിംഗ് തിരഞ്ഞെടുപ്പില്‍ പരാജയപ്പെടുകയാണ് എങ്കില്‍ താന്‍ സമാധിയടയും എന്ന് അന്ന് സന്യാസി പ്രതിജ്ഞ എടുത്തിരുന്നു. എന്നാല്‍ തിരഞ്ഞെടുപ്പ് ഫലം വന്ന് ദിവസങ്ങള്‍ കഴിഞ്ഞിട്ടും സമാധി അടയാത്തതിനാല്‍ സോഷ്യല്‍ മീഡിയ ഇദ്ദേഹത്തെ ട്രോളിത്തുടങ്ങിയിരുന്നു.
അതിന് പിന്നാലെയാണ് മരിക്കാനുളള അനുവാദം തേടി സന്ന്യാസി ഭോപ്പാല്‍ ജില്ലാ മജിസ്‌ട്രേറ്റിന് അപേക്ഷ നല്‍കിയത്. മരിക്കുന്നതിന് അനുയോജ്യമായ സ്ഥലം കണ്ടെത്തി നല്‍കണം എന്നും അഭിഭാഷകന്‍ മുഖേനെ സന്യാസി നല്‍കിയ അപേക്ഷയില്‍ പറയുന്നു. എന്നാല്‍ ജില്ലാ മജിസ്‌ട്രേറ്റായ തരുണ്‍ ടിക്കോഡ സന്യാസിയുടെ സമാധിയാവശ്യം തളളി. മാത്രമല്ല അദ്ദേഹത്തിന്റെ ജീവന് സുരക്ഷ നല്‍കാന്‍ പോലീസ് മേധാവിക്ക് നിര്‍ദേശവും നല്‍കി.
നിരാഞ്ജാനിയ അഖാഡയിലെ മുന്‍ മഹാമണ്ഡലേശ്വര്‍ ആണ് ഭൈരാഗ്യാനന്ദ് ഗിരി. ജൂമ്# 16ാം തിയ്യതി ഉച്ചയ്ക്ക് 2.11ന് താന്‍ സമാധി അടയും എന്നാണ് സന്ന്യാസി പറയുന്നത്. ദിഗ്വിജയ് സിംഗ് 3.60 ലക്ഷം വോട്ടിന്റെ ഭൂരിപക്ഷത്തിലാണ് മലേഗാവ് സ്‌ഫോടനക്കേസ് പ്രതി കൂടിയായ ബിജെപിയുടെ പ്രഗ്യ സിംഗ് ടാക്കൂറിനോട് ഭോപ്പാലില്‍ പരാജയം അറിഞ്ഞത്.
