Click it and Unblock the Notifications
Just In
Don't Miss
-
'മിനി പത്തിരുപത് വർഷമായി സഹിക്കുകയാണ്... നമ്മളോടുള്ള ദേഷ്യവും കൂടി മിനിയുടെ നെഞ്ചത്തായിരിക്കും'; മമ്മൂട്ടി -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
IPL 2024: കോലി എറിഞ്ഞാല് പോലും ഇങ്ങനെ അടി വാങ്ങില്ല, ഇതിലും ഭേദം 11 ബാറ്റര്മാരെ ഇറക്കുന്നത്: ഇതിഹാസ താരം -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...? -
ചാണക്യനീതി: പാമ്പിനെ പാലൂട്ടുന്നതിന് സമം, ഇവരെ കൂടെക്കൂട്ടിയാല് പ്രശ്നം നിഴല് പോലെ കൂടെ -
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
ഹിന്ദുക്കളേ ഉണരൂ..വംശ വർധനവിനുള്ള പണി തുടങ്ങാം!! വെറും 10 കുട്ടികളെ ജനിപ്പിച്ചാല്‍ മാത്രം മതി!
ഹിന്ദുവംശ സംരക്ഷണത്തിന് ഗംഭീര വഴി ഉപദേശിച്ച് ഹിന്ദു സ്വാമിജി. ഹിന്ദുക്കള്‍ 10 കുട്ടികള്‍ക്ക് വീതം ജന്മം നല്‍കണമത്രേ. ബാക്കി കാര്യം ദൈവത്തിന്റെ കയ്യിലെന്നും സ്വാമിജി.
നാഗ്പൂര്‍: ഹിന്ദുവംശത്തെ നാശത്തില്‍ നന്നും സംരക്ഷിക്കാന്‍ ലക്ഷ്യമിട്ട് ഇറങ്ങിയിരിക്കുകയാണ് ഒരുകൂട്ടം ഹിന്ദു സന്ന്യാസികള്‍. അതിനവര്‍ ഒരു വഴിയും മുന്നോട്ട് വെയ്ക്കുന്നു. ഓരോ ഹിന്ദുവും പത്ത് കുട്ടികള്‍ക്ക് വീതം ജന്മം നല്‍കണമത്രേ.
ആര്‍എസ്എസ് പിന്തുണയോടെ നടന്ന സന്യാസിമാരുടെ സമ്മേളത്തിലാണ് ഈ വിചിത്രമായ ആഹ്വാനം. നാഗ്പൂരിലാണ് മൂന്ന് ദിവസത്തെ സമ്മേളനമായ ധര്‍മ്മ സംസ്‌കൃതി മഹാകുംഭ് നടന്നത്. ലൗകിക ജീവിതം ഉപേക്ഷിച്ച് ആത്മീയ ജീവിതം നയിക്കുന്നു എന്നവകാശപ്പെടുന്ന സന്യാസിമാര്‍ക്ക് കുടുംബത്തിനകത്തെന്ത് കാര്യം എന്നാരും ചോദിക്കരുത്.
ഹിന്ദുസന്യാസിയായ വസുദേവാനന്ദ് സരസ്വതിയാണ് ഹിന്ദുക്കള്‍ക്ക് വംശസംരക്ഷണത്തിനുള്ള വഴി ഉപദേശിച്ചിരിക്കുന്നത്. കൂടുതല്‍ ഹിന്ദുക്കള്‍ ഉണ്ടാകേണ്ടത് രാജ്യത്തിന് ആവശ്യമാണെന്നാണ് സ്വാമിജി പറയുന്നത്.
ഒരു കുടുംബത്തിന് രണ്ട് കുട്ടികള്‍ മാത്രമെന്ന രീതി ഉപേക്ഷിക്കേണ്ട സമയം കഴിഞ്ഞുവത്രേ. പകരം 10 കുട്ടികളെങ്കിലും വേണം. വെറുതെ ജനിപ്പിച്ച് വിട്ടാല്‍ മാത്രം മതി. അവരെ എങ്ങനെ വളര്‍ത്താം എന്നതിനെപ്പറ്റി ആലോചിക്കുകയേ വേണ്ട. അത് ദൈവം നോക്കിക്കൊള്ളുമത്രേ!
ഇതേ സമ്മേളനത്തില്‍ തന്നെയാണ് ഒരു ദേശീയ ജനസംഖ്യാ നയത്തിനുള്ള ആഹ്വാനവും ഉയര്‍ന്നു വന്നത് എന്നതാണ് തമാശ. ഗോവധം സംബന്ധിച്ച് ഒരു ദേശീയ നിയമം കൊണ്ടുവരാനും സമ്മേളനം കേന്ദ്ര സര്‍്ക്കാരിനോട് ആവശ്യപ്പെടുകയുണ്ടായി.
ആര്‍എസ്എസ് തലവന്‍ മോഹന്‍ ഭഗവത്, വിഎച്ച്പി നേതാവ് പ്രവീണ്‍ തൊഗാഡിയ, മഹാരാഷ്ട്ര മുഖ്യമന്ത്രി ദേവേന്ദ്ര ഫട്‌നാവിസ്, ആസ്സാം ഗവര്‍ണര്‍ ബന്‍വാര്‍ലി ലാല്‍ പുരോഹിത് എന്നിവരും സമ്മേളനത്തില്‍ സന്നിഹിതരായിരുന്നു. നാഗ്പൂരിലെ ആര്‍എസ്എസ് ആസ്ഥാനത്ത് നിന്നും രശ്മിബാഗിലേക്ക് നാലായിരത്തോളം പേര്‍ പങ്കെടുത്ത വന്‍ റാലിയുമുണ്ടായിരുന്നു.
