ഭാര്യയ്ക്ക് പിന്നാലെ എകെ ആന്റണിയ്ക്കും കൊവിഡ്: കുടുംബാംഗങ്ങൾ നിരീക്ഷണത്തിൽ!!

ദില്ലി: മുതിർന്ന കോൺഗ്രസ് നേതാവും മുൻ മുഖ്യമന്ത്രിയുമായിരുന്ന എകെ ആന്റണിയ്ക്ക് കൊവിഡ് സ്ഥിരീകരിച്ചു. ആന്റണിയുടെ ഭാര്യ എലിസബത്തിന് വൈറസ് ബാധ സ്ഥിരീകരിച്ചതോടെ ആന്റണി ഉൾപ്പെടെയുള്ള കുടുംബാംഗങ്ങൾ നിരീക്ഷണത്തിൽ കഴിഞ്ഞുവരുന്നതിടെയാണ് എകെ ആന്റണിക്കും രോഗം ബാധിക്കുന്നത്. ആന്റണിയുടെ കൊവിഡ് പരിശോധനാ ഫലം പോസിറ്റീവ് ആയ വിവരം.

ഫേസ്ബുക്കിലൂടെ ആന്റണിയുടെ മകൻ അനിൽ ആന്റണിയാണ് അറിയിച്ചത്. ആന്റണിയേയും ഭാര്യയേയും ഇന്ന് തന്നെ ആശുപത്രിയിലേക്ക് മാറ്റുമെന്നും എല്ലാവരുടേയും പ്രാർത്ഥനകളുണ്ടാകണമെന്നും ആവശ്യപ്പെട്ടാണ് അനിൽ ആന്റണിയുടെ പോസ്റ്റ്.

ആന്റണിയുടെ ഭാര്യ എലിസബത്ത് ആന്റണിയ്ക്ക് കൊവിഡ് സ്ഥിരീകരിച്ചതായി കഴിഞ്ഞ ദിവസം അനിൽ ആന്റണി ഫേസ്ബുക്ക് പോസ്റ്റിൽ തന്നെയാണ് ഇക്കാര്യവും വെളിപ്പെടുത്തിയത്. നിരീക്ഷണത്തിൽ കഴിയുകയായിരുന്ന മറ്റ് കുടുംബാംഗങ്ങളുടെ പരിശോധനാ ഫലത്തിനായി കാത്തിരിക്കുകയാണെന്നും ഫേസ്ബുക്ക് പോസ്റ്റിൽ കുറിച്ചിരുന്നു.

English summary

Senior congress leader AK Antony tests Coronavirus postive