കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഓഹരി വിപണി തകര്‍ന്നടിഞ്ഞു; രൂപ മൂല്യം കുറഞ്ഞു, സൗദി എണ്ണയില്‍ വഴുതി ഇന്ത്യ

Google Oneindia Malayalam News

മുംബൈ: ഇന്ത്യന്‍ ഓഹരി വിപണി തകര്‍ന്നടിഞ്ഞു. എണ്ണവിലയിലുണ്ടായ വര്‍ധനവും രൂപ മൂല്യം ഇടിഞ്ഞതുമാണ് നിക്ഷേപകരെ ആശങ്കയിലാക്കിയത്. 704 പോയന്റ് വരെ ഒരുവേള സെന്‍സെക്‌സ് ഇടിഞ്ഞു. 642 പോയന്റ് നഷ്ടത്തിലാണ് വ്യാപാരം അവസാനിപ്പിച്ചത്. നിഫ്റ്റി ഈ വര്‍ഷം ആദ്യമായി നെഗറ്റീവിലേക്ക് കൂപ്പുകുത്തി. സെന്‍സെക്‌സ് 36481 പോയന്റിലാണ് വ്യാപാരം അവസാനിപ്പിച്ചത്. നിഫ്റ്റി 186 പോയന്റ് താഴ്ന്ന് 10818 ലും വ്യാപാരം നിര്‍ത്തി.

07

സൗദി അറേബ്യയില്‍ എണ്ണ മേഖലയിലുണ്ടായ ആക്രമണമാണ് ആഗോള വിപണിയില്‍ എണ്ണവില കുത്തനെ ഉയരാന്‍ ഇടയാക്കിയത്. ഇത് ഇന്ത്യയുടെ വ്യാപാര കമ്മി വര്‍ധിപ്പിക്കുമെന്ന ആശങ്ക പരന്നതോടെ രൂപയുടെ മൂല്യം കൂപ്പുകുത്തി. ഇന്ത്യ ആവശ്യമുള്ളതിന്റെ 83 ശതമാനം എണ്ണയും ഇറക്കുമതി ചെയ്യുകയാണ്. സ്വാഭാവികമായും ഉയര്‍ന്ന വില കൊടുത്ത് എണ്ണ വാങ്ങുന്നത് ഇന്ത്യയ്ക്ക് കനത്ത തിരിച്ചടിയാകും.

മാരുതി വില വെട്ടിക്കുറച്ചു; ഒരു ലക്ഷം രൂപ കിഴിവ്, ബാങ്ക് വായ്പയും കുറയും, പ്രതിസന്ധി മറികടക്കുംമാരുതി വില വെട്ടിക്കുറച്ചു; ഒരു ലക്ഷം രൂപ കിഴിവ്, ബാങ്ക് വായ്പയും കുറയും, പ്രതിസന്ധി മറികടക്കും

ആശങ്കയിലായ നിക്ഷേപകര്‍ ഈ മാസം 2428 കോടി രൂപയുടെ ഓഹരികളാണ് വിറ്റഴിച്ചത്. എച്ച്ഡിഎഫ്‌സിയുടെ ഓഹരിയും ഇന്ന് നഷ്ടം നേരിട്ടു. സെന്‍സെക്‌സില്‍ വില്‍പ്പന സമ്മര്‍ദ്ദം രാവിലെ മുതല്‍ പ്രകടമായിരുന്നു. 30 ഓഹരികളില്‍ മൂന്നെണ്ണം മാത്രമാണ് മുന്നേറിയത്. ബാക്കിയെല്ലാം തകര്‍ന്നടിഞ്ഞു.

50 ഓഹരിയുള്ള നിഫ്റ്റിയില്‍ 44 ഓഹരികളും നഷ്ടത്തിലാണ് വ്യാപാരം അവസാനിപ്പിച്ചത്. നിഫ്റ്റി ആദ്യമായി ഈ വര്‍ഷം നെഗറ്റീവിലെത്തി എന്ന പ്രത്യേകതയുമുണ്ട്. വരും ദിവസങ്ങളിലും ഓഹരി വിപണിയില്‍ ഉണര്‍വ് പ്രതീക്ഷിക്കുന്നില്ല. പശ്ചിമേഷ്യയിലെ സാഹചര്യങ്ങള്‍ സങ്കീര്‍ണമായി തുടരുന്നതാണ് പ്രതിസന്ധി രൂക്ഷമാക്കുന്നത്.

English summary
Sensex Slumps 642 Points, Nifty Turns Negative
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X