ജനസേവനമായിരിക്കണം ലക്ഷ്യം, കേന്ദ്ര പദ്ധതികള് ജനങ്ങളിലെത്തിക്കണം; മോദി
ന്യൂദല്ഹി: ജനസേവനത്തിനായി സ്വയം സമര്പ്പിക്കാന് ബി ജെ പി പ്രവര്ത്തകരോട് ആഹ്വാനം ചെയ്ത് പ്രധാനമന്ത്രി നരേന്ദ്ര മോദി. ഏപ്രില് 7 മുതല് ബി ജെ പി അതിന്റെ 'സാമാജിക് ന്യായ് പഖ്വാഡ' അഥവാ സാമൂഹിക നീതി ക്യാംപെയ്ന് ആരംഭിക്കുമ്പോള് ജനസേവനത്തില് ഊന്നി പ്രവര്ത്തിക്കണമെന്ന് മോദി പറഞ്ഞു. പാര്ട്ടി എം പിമാരോടുള്ള അഭിസംബോധനയില് സംസാരിക്കുകയായിരുന്നു അദ്ദേഹം.
രണ്ടാഴ്ചത്തെ പ്രചാരണത്തിനിടെ പാര്ട്ടി പരിപാടികളില് പങ്കെടുക്കാന് ബി ജെ പി എം പിമാരോട് ആവശ്യപ്പെട്ട പ്രധാനമന്ത്രി, കേന്ദ്ര സര്ക്കാര് ആരംഭിച്ച ചില ക്ഷേമ പദ്ധതികള് പട്ടികപ്പെടുത്തുകയും അവയെക്കുറിച്ച് അവബോധം പ്രചരിപ്പിക്കാന് സമൂഹത്തിലെ എല്ലാ വിഭാഗങ്ങളിലേക്കും എത്തിക്കാന് അഭ്യര്ത്ഥിക്കുകയും ചെയ്തു. ബി ജെ പി 42-ാം സ്ഥാപക ദിനം ആഘോഷിക്കുന്നതിന് ഒരു ദിവസം മുമ്പ് ചൊവ്വാഴ്ച നടന്ന ബി ജെ പി പാര്ലമെന്ററി യോഗത്തില് സംസാരിക്കുകയായിരുന്നു പ്രധാനമന്ത്രി.
യോഗത്തില് വടക്ക് - കിഴക്കന് മേഖലയിലെ പാര്ട്ടിയുടെ വളര്ച്ചയെക്കുറിച്ചും രാജ്യസഭയില് അതിന്റെ വര്ദ്ധിച്ച പ്രാതിനിധ്യത്തെ കുറിച്ചും പ്രത്യേക പരാമര്ശമുണ്ടായിരുന്നു. ബി ജെ പിക്ക് ഇപ്പോള് ഉപരിസഭയില് 101 എം പിമാരുണ്ട്. പരിപാടിയില് ബി ജെ പി അധ്യക്ഷന് ജെ പി നദ്ദ മോദിയെ അഭിനന്ദിച്ചു. പാര്ട്ടി പരിപാടികളില് സജീവമായി പങ്കെടുക്കാന് എം പിമാരോട് പ്രധാനമന്ത്രി ആവശ്യപ്പെട്ടതായി പാര്ലമെന്ററി കാര്യ മന്ത്രി പ്രഹ്ലാദ് ജോഷി പറഞ്ഞു. 'അവര് സേവനത്തിനായി സ്വയം സമര്പ്പിക്കണം,' പ്രധാനമന്ത്രിയെ ഉദ്ധരിച്ച് പ്രഹ്ലാദ് ജോഷി പറഞ്ഞു.
കൊവിഡ് -19 നെതിരെ വാക്സിനേഷന് എടുക്കാന് വിദ്യാര്ത്ഥികളെ പ്രേരിപ്പിക്കാന് എം പിമാര് സ്കൂളുകള് സന്ദര്ശിക്കണമെന്നും മോദി ആവശ്യപ്പെട്ടു. അടുത്തിടെ ഗുജറാത്ത് സന്ദര്ശന വേളയില് പ്രധാനമന്ത്രി ധരിച്ചത് പോലെ പാര്ട്ടിയുടെ പേരോ ചിഹ്നമോ അടങ്ങിയ രണ്ട് ഓറഞ്ച് തൊപ്പികളാണ് ഓരോ എം പിക്കും നല്കിയത്. ചില എം പിമാര് മോദിയുടെ ഫോട്ടോ പതിച്ച തൊപ്പിയും ധരിച്ചിരുന്നു. സാമൂഹ്യനീതി പാര്ട്ടി പരിപാടികള്ക്ക് അന്തിമ മിനുക്കുപണികള് നല്കാന് നദ്ദ തിങ്കളാഴ്ച പാര്ട്ടി ജനറല് സെക്രട്ടറിമാരുടെ യോഗം ചേര്ന്നിരുന്നു.
ആദ്യ ദിവസം, പാര്ട്ടി എം പിമാരും പ്രവര്ത്തകരും ആരോഗ്യ ഇന്ഷുറന്സ് പദ്ധതിയായ 'ആയുഷ്മാന് ഭാരത്', 'ജന് ഔഷധി കേന്ദ്ര' എന്നിവയുടെ സ്വാധീനം ഉയര്ത്തിക്കാട്ടും. ഇതിന് കീഴില് മരുന്നുകള് സബ്സിഡി നിരക്കില് വില്ക്കും. പാവപ്പെട്ടവര്ക്ക് വീടുകള് നിര്മ്മിക്കാനുള്ള പദ്ധതികളും എല്ലാ വീട്ടിലും പൈപ്പ് - ജലവിതരണത്തിനുള്ള ശ്രമങ്ങളും യഥാക്രമം ഏപ്രില് 8, ഏപ്രില് 9 തീയതികളില് പ്രചാരണത്തിന്റെ കേന്ദ്രത്തിലായിരിക്കുമെന്ന് പ്രഹ്ലാദ് ജോഷി പറഞ്ഞു. ഏപ്രില് 12 ന് ബി ജെ പി നേതാക്കളും പ്രവര്ത്തകരും കൊവിഡ് -19 വാക്സിനേഷന് പരിപാടി ഉയര്ത്തിക്കാട്ടുമെന്നും അദ്ദേഹം പറഞ്ഞു.
നിലവിലുള്ള സൗജന്യ ഭക്ഷ്യധാന്യ പദ്ധതിയെ കുറിച്ച് ബോധവല്ക്കരണം നടത്താനും പട്ടികവര്ഗക്കാരെ സമീപിക്കാനും അസംഘടിത മേഖലയിലെ തൊഴിലാളികളെ ബന്ധപ്പെടാനും സാമ്പത്തിക ഉള്പ്പെടുത്തല് പദ്ധതികളും പോഷകാഹാര പരിപാടികളും ഉയര്ത്തിക്കാട്ടാനും ബി ജെ പി പ്രവര്ത്തകര് ഒരു ദിവസം വീതം സമര്പ്പിക്കും. നടന്നുകൊണ്ടിരിക്കുന്ന 'ആസാദി കാ അമൃത് മഹോത്സവ'ത്തിന്റെ ഭാഗമായി തങ്ങളുടെ പ്രദേശങ്ങളിലെ കുളങ്ങള് വൃത്തിയാക്കുന്നതിലും പുനരുജ്ജീവിപ്പിക്കുന്നതിലും എം പിമാര് പങ്കെടുക്കുമെന്ന് പ്രതീക്ഷിക്കുന്നതായും പ്രഹ്ലാദ് ജോഷി പറഞ്ഞു.
-
ബിജെപി വിജയം 3ൽ ഒതുങ്ങില്ല, പത്തിലധികമെന്ന് സർവ്വേ, ഞെട്ടിക്കുന്ന മുന്നേറ്റമുണ്ടാക്കും, സീ ഫോർ പ്രവചനം ഇങ്ങനെ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ
Click it and Unblock the Notifications
Sign in with Google