ഭാരത് അമ്മാ കീ ജയ് എന്നു വിളിക്കാന്‍ പറ്റുമോയെന്ന് ഒവൈസിയോട് ശബാന ആസ്മി

തെലുങ്കാന: ഐഎംഐഎം നേതാവ് അസാദുദ്ദീന്‍ ഒവൈസിക്കെതിരെ ബോളിവുഡ് നടി ശബാന ആസ്മി. കഴുത്തില്‍ കത്തിവെച്ചാലും ഭാരത് മാതാ കീ ജയ് വിളിക്കില്ലെന്ന് പറഞ്ഞ ഒവൈസിയോട് ശബാനയ്ക്ക് ചിലത് ചോദിക്കാനുണ്ട്. മാതാ എന്നു വിളിക്കാനല്ലേ കുഴപ്പമുള്ളൂ, അമ്മ എന്ന് വിളിക്കാന്‍ ബുദ്ധിമുട്ടില്ലല്ലോയെന്നാണ് ശബാന ചോദിക്കുന്നത്.

ഭാരത് അമ്മാ കീ ജയ് എന്നു വിളിക്കാനാണ് ശബാന ആസ്മി ആവശ്യപ്പെടുന്നത്. ശബാനയുടെ ഭര്‍ത്താവ് ജാവേദ് അക്തറും ഒവൈസിയുടെ പ്രസ്താവനയ്‌ക്കെതിരെ പ്രതികരിച്ചു. ഒവൈസിയുടെ പ്രസ്താവന രാജ്യത്ത് പുതിയ പ്രശ്‌നങ്ങള്‍ ഉണ്ടാക്കിയെന്നാണ് ജാവേദ് അക്തര്‍ പറഞ്ഞത്.

കത്തി കഴുത്തില്‍വെച്ച് ഭീഷണി മുഴക്കിയാലും ഭാരത് മാതാ കീ ജയ് എന്ന മുദ്രാവാക്യം വിളിക്കില്ലെന്നാണ് അസാദുദ്ദീന്‍ ഒവൈസി കഴിഞ്ഞ ദിവസം പറഞ്ഞത്. ആര്‍എസ്എസ് ചീഫ് മോഹന്‍ ഭഗവത് യുവജനതയെ ഭാരത് മാതാ കീ ജയ് എന്ന മുദ്രാവാക്യം വിളിപ്പിക്കാന്‍ പഠിപ്പിക്കണമെന്ന് അഭിപ്രായപ്പെട്ടിരുന്നു. ഇതിന് മറുപടിയായാണ് അസാദുദ്ദീന്‍ ഒവൈസി പ്രതികരിച്ചത്.

നിങ്ങള്‍ ആവശ്യപ്പെട്ട ഭാരത് മാതാ കീ ജയ് മുദ്രാവാക്യം താന്‍ വിളിക്കില്ല ഭഗവത് സാഹേബ് എന്നാണ് ഒവൈസി പറഞ്ഞത്. ഇന്ത്യന്‍ ഭരണഘടനയില്‍ എവിടെയും ഭാരത് മാതാ കീ ജയ് വിളിക്കാന്‍ ആവശ്യപ്പെടുന്നില്ല. അതുകൊണ്ടുതന്നെ തന്നെ താന്‍ മോഹന്‍ ഭഗവത് പറയുന്നത് ചെയ്യുകയില്ലെന്നും അസാദുദ്ദീന്‍ ഒവൈസി വ്യക്തമാക്കുകയായിരുന്നു.

English summary

Actress Shabana azmi against owaisi sahab controversy