കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സച്ചിനല്ല ഷാരൂഖാണ് ഇന്ത്യന്‍ സെലിബ്രിറ്റി!

Google Oneindia Malayalam News

മുംബൈ: ഇന്ത്യയിലെ ഏറ്റവും വലിയ സെലിബ്രിറ്റി സച്ചിന്‍ തെണ്ടുല്‍ക്കറാണ് എന്നാരെങ്കിലും കരുതിയെങ്കില്‍ തെറ്റി. ഫോബ്‌സിന്റെ ഇന്ത്യന്‍ സെലിബ്രിറ്റി പട്ടികയില്‍ നാലാം സ്ഥാനത്തെത്താനേ മാസ്റ്റര്‍ ബ്ലാസ്റ്റര്‍ക്ക് കഴിഞ്ഞുള്ളൂ. സച്ചിനെയും പിന്നിലാക്കി പിന്നാരാണ് ഇന്ത്യന്‍ സെലിബ്രിറ്റിയായി ഫോബ്‌സ് തിരഞ്ഞെടുത്തിരിക്കുന്നത് എന്നല്ലേ, അത് ഷാരൂഖ് ഖാനാണ്. അതെ, ബോളിവുഡിന്റെ ഡോണായ സാക്ഷാല്‍ കിംഗ് ഖാന്‍.

ക്രിക്കറ്റും സിനിമയുമാണ് ഇന്ത്യയില്‍ സെലിബ്രിറ്റികളെ ഉണ്ടാക്കുന്നത് എന്ന ചൊല്ല് അന്വര്‍ഥമാക്കുന്നതാണ് ഇത്തവണത്തെ സെലിബ്രിറ്റി ലിസ്റ്റ്. ഷാരൂഖിന് തൊട്ടുപിന്നില്‍ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ മഹേന്ദ്ര സിംഗ് ധോണിയാണ്. പരസ്യവരുമാനത്തിലും കളിയിലും ഉണ്ടാക്കിയ നേട്ടമാണ് മഹിയെ പട്ടികയില്‍ മുമ്പിലെത്തിച്ചിരിക്കുന്നത് എന്ന കാര്യത്തില്‍ തര്‍ക്കം വേണ്ട.

shah-rukh-khan

ഷാരൂഖ് ഖാനും ധോണിക്കും പിന്നില്‍ സല്‍മാന്‍ ഖാന്‍ പട്ടികയില്‍ മൂന്നാമനായുണ്ട്. കഴിഞ്ഞ തവണ രണ്ടാം സ്ഥാനത്തായിരുന്നു സല്‍മാന്‍. ധോണി കഴിഞ്ഞ തവണ മൂന്നാമതായിരുന്നു. കഴിഞ്ഞ വര്‍ഷം ആറാം സ്ഥാനത്തായിരുന്ന സച്ചിന്‍ തെണ്ടുല്‍ക്കര്‍ കളി നിര്‍ത്തിയാലും സെലിബ്രിറ്റി പട്ടികയില്‍ നാലാമതായി ഇടിം പിടിച്ചിട്ടുണ്ട്. അഞ്ചാം സ്ഥാനത്ത് അമിതാഭ് ബച്ചന്‍ കൂടിയെത്തുന്നതോടെ ടോപ് ഫൈവ് പൂര്‍ത്തിയാകുന്നു.

25 കാരനായ ഇന്ത്യന്‍ വൈസ് ക്യാപ്റ്റന്‍ വിരാട് കോലിയാണ് ആദ്യ പത്തിലുള്ള ശിശു. ഏഴാം സ്ഥാനത്താണ് കോലി. ആദ്യ പത്തിലെ ഏക സ്ത്രീ സാന്നിധ്യം ഒമ്പതാം സ്ഥാനത്തുള്ള ഗ്ലാമര്‍ ബേബ് കത്രീന കൈഫാണ്. കഴിഞ്ഞ വര്‍ഷത്തെ പട്ടികയില്‍ നിന്നും കരീന കപൂറും വീരേന്ദര്‍ സേവാഗും പുറത്തായി. പകരം രണ്‍ബീര്‍ കപൂറും ഹൃത്വിക് റോഷനും അകത്തെത്തി. പണവും പ്രശസ്തിയുമാണ് ഫോബ്‌സ് സെലിബ്രിറ്റികളെ തിരഞ്ഞെടുക്കാനുള്ള മാനദണ്ഡം.

English summary
Bollywood actor Shah Rukh Khan retained his No. 1 spot in the 2nd edition of Forbes India's Celebrity 100 List.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X