ശങ്കരാചാര്യ എഞ്ചിനീയറിങ് ഗ്രൂപ്പ് ഡയറക്ടറെ തട്ടിക്കൊണ്ടുപോയി?
ദര്ഗ്: പ്രമുഖ വിദ്യാഭ്യാസ സ്ഥാപനമായ ശങ്കരാചാര്യ എഞ്ചിനീയറിങ് കോളേജ് ഡയറക്ടറെ കാണാതായതായി റിപ്പോര്ട്ട്. നവംബര് 9ന് രാവിലെ വീട്ടില് നിന്നും പുറപ്പെട്ട ഡയറക്ടര് അഭിഷേക് മിശ്ര വീട്ടില് തിരിച്ചെത്തിയിട്ടില്ലെന്ന് കാട്ടി ശങ്കരാചാര്യ എഞ്ചിനീയറിങ് ഗ്രൂപ്പ് സ്ഥാപനും അഭിഷികിന്റെ പിതാവുമാണ് പോലീസിനെ സമീപിച്ചത്.
ഛത്തീസ്ഗഡിലെ ദര്ഗ് ജില്ലാ സ്വദേശിയാണ് അഭിഷേക്. ഭിലായിയിലെ കോളേജിലേക്ക് തിങ്കാഴ്ച രാവിലെ വീട്ടില് നിന്നും പുറപ്പെട്ടതാണെന്ന് പിതാവ് പറയുന്നു. തിരിച്ചെത്തേണ്ട സമയം കഴിഞ്ഞിട്ടും അഭിഷേകിനെ കാണാത്തതിനാല് പോലീസിനെ സമീപിക്കുകയായിരുന്നു. പോലീസ് അന്വേഷണത്തില് ഇദ്ദേഹത്തിന്റെ കാര് വറായ്പുര് ജില്ലയിലെ വിഐപി റോഡില് ഉപേക്ഷിക്കപ്പെട്ടതായി കണ്ടെത്തി.
അഭിഷേകിനെ തട്ടിക്കൊണ്ടുപോയതായാണ് സംശയിക്കുന്നതെന്ന് ബന്ധുക്കള് പോലീസിനോട് പറഞ്ഞു. കാണാതായശേഷം അഭേഷികിന്റെ മൊബൈല് ഫോണ് സ്വച്ച് ഓഫ് ആയതിനാല് ട്രേസ് ചെയ്യുക പ്രയാസമാണെന്ന് പോലീസ് പറയുന്നു. വിവിധ ഗ്രൂപ്പുകളായി തിരിച്ച് പോലീസ് അന്വേഷണം പുരോഗമിക്കുകയാണെന്ന് പോലീസ് ഓഫീസര് അറിയിച്ചു.
അഭിഷേകിന് ഏതെങ്കിലും തരത്തിലുള്ള ഭീഷണിയുള്ളതായി പോലീസ് കണ്ടെത്തിയിട്ടില്ല. അതേസമയം, നക്സലുകള് തട്ടിക്കൊണ്ടുപോയതാണോയെന്നും സംശയിക്കുന്നുണ്ട്. കഴിഞ്ഞ ദിവസങ്ങളില് അഭിഷേകിന്റെ ഫോണിലെത്തിയ കോളുകളെ ചുറ്റിപ്പറ്റിയാണ് അന്വേഷണം പുരോഗമിക്കുന്നത്.