ഷാരൂഖിന്റെ നായിക ഗായത്രി ജോഷി കാറപകടത്തിൽ നിന്ന് രക്ഷപ്പെട്ടത് തലനാരിഴയ്ക്ക്, വീഡിയോ വൈറൽ
2004 ൽ പുറത്തിറങ്ങിയ ഷാരൂഖ് ഖാൻ ചിത്രം സ്വദേശിലൂടെ ശ്രദ്ധേയയായ നടി ഗായത്രി ജോഷി സഞ്ചരിച്ച കാർ അപകടത്തിൽപ്പെട്ടു. ഭർത്താവ് വികാസ് ഒബ്റോയിക്കൊപ്പം ഇറ്റലിയിലെ സാർഡിനിയയിലെ യാത്രയ്ക്കിടെയാണ് അപകടമുണ്ടായത്. കാറപകടത്തിന്റെ ദൃശ്യങ്ങൾ സമൂഹ മാധ്യമങ്ങളിൽ വൈറലായി പ്രചരിച്ചു കൊണ്ടിരിക്കുകയാണ്.
ഭർത്താവിനൊപ്പം സാഡീനിയയിൽ അവധിക്കാലം ആഘോഷിക്കാനെത്തിയതായിരുന്നു നടി. സൂപ്പർ കാർ ടൂറിനിയിലാണ് സംഭവം. ഗായത്രിയും ഭർത്താവും സഞ്ചരിച്ചിരുന്നത് ഒരു ലംബോർഗിനി കാറിലായിരുന്നു. ഗായത്രി ജോഷിക്കും ഭർത്താവിനുമൊപ്പം മാനേജരും കാറിൽ യാത്ര ചെയ്തിരുന്നു. ഇവർ മൂന്നു പേരും സുരക്ഷിതരാണ്.
ഗായത്രി സഞ്ചരിച്ചിരുന്ന കാർ ഒരു ഫെരാരി കാറിൽ ഇടിക്കുകയായിരുന്നു. ഇടിയുടെ ആഘാതത്തിൽ ഫെരാരി കാർ ക്യാമ്പർ വാനിലിടിക്കുകയും ശേഷം മറ്റൊരു കാർ തലകീഴായി മറിയുകയുമായിരുന്നു.ഫെരാരി കാറിന് ഇടിയുടെ ആഘാതത്തിൽ തീപിടിയ്ക്കുകയായിരുന്നുവെന്നാണ് വിവരം. ഫെരാരി കാറിൽ യാത്ര ചെയ്തിരുന്ന വൃദ്ധ ദമ്പതികൾ മരണമടഞ്ഞു. സ്വിറ്റ്സർലാന്റ്കാരായ മെലിസ ക്രൗട്ട്ലി, മാർകസ് ക്രൗട്ട്ലി എന്നിവരാണ് മരിച്ചത്.
ചുവന്ന ഫെരാരിയും നീല ലംബോർഗിനിയും ഒരേ സമയം ക്യാമ്പർ വാനിനെ മറികടക്കാൻ ശ്രമിച്ചപ്പോഴാണ് കൂട്ടിയിടി ഉണ്ടായതെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. തന്റെ അപകടം സംബന്ധിച്ച വാർത്ത ഗായത്രി സ്ഥിരീകരിച്ചതായി ഫ്രീ പ്രസ് ജേണൽ റിപ്പോർട്ട് ചെയ്തിട്ടുണ്ട്. താനും ഭർത്താവും ദൈവാനുഗ്രഹത്താൽ സുഖമായി ഇരിക്കുന്നുവെന്ന് നടി പറഞ്ഞതായാണ് ഫ്രീ പ്രസ് ജേണൽ റിപ്പോർട്ട്.
ആരാണ് ഗായത്രി ജോഷി?
2000 ൽ ഫെമിന മിസ് ഇന്ത്യ ഇന്റർനാഷണൽ നേടിയാണ് ഗായത്രി ജോഷി ആദ്യം ലോക ശ്രദ്ധ പിടിച്ചു പറ്റുന്നത്. അശുതോഷ് ഗോവാരിക്കറുടെ സ്വദേശിലൂടെ അഭിനയ രംഗത്തേക്ക് കാലെടുത്തു വച്ചു. ഏറെ ജനശ്രദ്ധയും നിരൂപക പ്രശംസയും നേടിയ ചിത്രത്തിൽ ഷാരൂഖ് ഖാന്റെ നായികയായ ഗീത എന്ന കഥാപാത്രത്തെയാണ് ഗായത്രി അവതരിപ്പിച്ചത്. ചിത്രത്തിലെ പ്രകടനത്തിന് ഗായത്രിക്ക് ഏറെ സ്വീകാര്യത ലഭിച്ചുവെങ്കിലും പിന്നീട് ബോളിവുഡിൽ ഒരു സിനിമയിൽ പോലും അവർ അഭിനയിച്ചില്ല. ഗായത്രി ജോഷി 2005 ൽ വ്യവസായിയായ വികാസ് ഒബ്റോയിയെ വിവാഹം കഴിച്ചു. 2 കുട്ടികളാണ് ഇവർക്കുള്ളത്.
-
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം
Click it and Unblock the Notifications
Sign in with Google