Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സുനന്ദയുമായി പിരിയാന്‍ തരൂര്‍ ശ്രമിച്ചിരുന്നു?
ദില്ലി: സുനന്ദ പുഷ്‌കറുമായുള്ള വിവാഹബന്ധം വേര്‍പ്പെടുത്താന്‍ മുന്‍ കേന്ദ്രമന്ത്രി ശശി തരൂര്‍ ആഗ്രഹിച്ചിരുന്നു എന്ന് റിപ്പോര്‍ട്ട്. സുനന്ദ പുഷ്‌കറില്‍ നിന്നും വിവാഹമോചനം നേടിയ ശേഷം പാകിസ്താനി ജേര്‍ണലിസ്റ്റായ മെഹര്‍ തരാറിനെ വിവാഹം ചെയ്യാനായിരുന്നത്രെ തരൂരിന്റെ ആഗ്രഹം. ഒരു സ്വകാര്യ വാര്‍ത്താചാനലിനെ ഉദ്ധരിച്ച് ഭാസ്‌കര്‍ ഗ്രൂപ്പാണ് ഈ വാര്‍ത്ത പുറത്തുവിട്ടത്.
ശശി തരൂരിന് വിവാഹേതര ബന്ധങ്ങള്‍ ഉണ്ടായിരുന്നു എന്നും സുനന്ദ പുഷ്‌കറിന്റെ അടുത്ത സുഹൃത്തായ നളിനി സിംഗിനെ ഉദ്ധരിച്ച് റിപ്പോര്‍ട്ട് പറയുന്നു. സുനന്ദ ഇക്കാര്യം അറിഞ്ഞതിന് ശേഷമാണ് ബന്ധം പിരിയാന്‍ തരൂര്‍ തീരുമാനിച്ചതത്രെ. മരണത്തിന് തൊട്ടുമുമ്പത്തെ ദിവസങ്ങളില്‍ സുനന്ദ പുഷ്കര് കടുത്ത ദേഷ്യത്തിലും വിഷാദാവസ്ഥയിലും ആയിരുന്നു എന്നും സൂചനയുണ്ട്.
ശശി തരൂരും മെഹര്‍ തരാറുമായുള്ള മെസേജ് ഇടപാടുകള്‍ ട്വിറ്ററിലൂടെ വെളിപ്പെടുത്തി ഏതാനും ദിവസങ്ങള്‍ക്ക് ശേഷമാണ് സുനന്ദ പുഷ്കര് മരിക്കുന്നത്. സുനന്ദ പുഷ്കര് ട്വിറ്ററിലൂടെ പുറത്തുവിട്ട കാര്യങ്ങള്‍ വന്‍ വിവാദമായിരുന്നു. എന്നാല്‍ പിന്നീട് ദാമ്പത്യജീവിതത്തിലെ സാധാരണ പ്രശ്‌നങ്ങള്‍ മാത്രമാണ് ഇതെന്നും തങ്ങള്‍ സന്തോഷത്തോടെയാണ് കഴിയുന്നത് എന്നും ശശി തരൂരും സുനന്ദ പുഷ്‌കറും സംയുക്തമായി പറഞ്ഞിരുന്നു.
2014 ലോക്‌സഭ തിരഞ്ഞെടുപ്പിന് ശേഷം വിവാഹിതരാകാനായിരുന്നത്രെ ശശി തരൂരിന്റെയും മെഹര്‍ തരാറിന്റെയും പദ്ധതി. എന്നാല്‍ ഇതിനിടയിലാണ് ദുരൂഹ സാഹചര്യത്തില്‍ സുനന്ദ പുഷ്കര് ദില്ലിയില്‍ മരണപ്പെടുന്നത്. 2014 ജനുവരി 17 നാണ് സുനന്ദ പുഷ്‌കറിനെ ദില്ലിയിലെ ലീല ഹോട്ടലില്‍ മരിച്ച നിലയില്‍ കണ്ടെത്തിയത്. സുനന്ദയുടെ മരണത്തെ ചൊല്ലിയുള്ള വിവാദങ്ങള്‍ ഇനിയും അവസാനിച്ചിട്ടില്ല.
