Click it and Unblock the Notifications
Just In
-
-
-
Don't Miss
-
IPL 2024: 14ന് 4, പിന്നെ അഷുതോഷ് ഷോ; മുംബൈ ജയിച്ചത് എങ്ങനെ? പിന്നില്‍ ബുംറയുടെ തന്ത്രം -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഷീന ബോറ കൊലക്കേസ്; പിതാവിനെതിരെ തെളിവുകളുമായി മകന്‍ രാഹുല്‍
മുംബൈ: ഷീന ബോറ കൊലക്കേസ് പ്രതികള്‍ക്കെതിരായ തെളിവുകള്‍ ഷീനയുടെ കാമുകന്‍ രാഹുല്‍ മുഖര്‍ജി സിബിഐയ്ക്ക് കൈമാറി. വ്യാഴാഴ്ച അറസ്റ്റിലായ പീറ്റര്‍ മുഖര്‍ജിയുടെ മകനാണ് രാഹുല്‍. ഷീനയുടെ അമ്മ ഇന്ദ്രാണി മുഖര്‍ജി, ഇന്ദ്രാണിയുടെ രണ്ടാം ഭര്‍ത്താവ് സഞ്ജീവ് ഖന്ന, മുന്‍ ഡ്രൈവര്‍ ശ്യാംവര്‍ റായ് എന്നിവരാണ് കേസിലെ മറ്റു പ്രതികള്‍.
ഷീന നേരത്തെ അമ്മയെ ഭീഷണിപ്പെടുത്താന്‍ ഉപയോഗിച്ച രേഖകളാണ് സിബിഐയ്ക്ക് കൈമാറിയിരിക്കുന്നതെന്ന് സിബിഐ വൃത്തങ്ങള്‍ പറഞ്ഞു. കേസിലെ പ്രധാന സാക്ഷികളിലൊരാളാണ് രാഹുല്‍. രാഹുലിന്റെ കൈയ്യില്‍ ഷീന പ്രധാനപ്പെട്ട രേഖകള്‍ കൈമാറിയിരുന്നു. ചില സ്വത്തുക്കളുടെ വിവരങ്ങള്‍ ഉള്‍പ്പെടെയുള്ള രേഖകളാണ് ഇവ.
തന്റെ കൈയ്യിലുള്ള സ്വത്തുക്കള്‍ വിട്ടുതരില്ലെന്ന് ഷീന അമ്മയെ അറിയിച്ചിരുന്നു. കൂടാതെ തനിക്കെതിരെ നീങ്ങിയാല്‍ താന്‍ ഇന്ദ്രാണിയുടെ മകളാണെന്ന് വെളിപ്പെടുത്തുമെന്ന് ഭീഷണിപ്പെടുത്തുകയും ചെയ്തിരുന്നു. ഷീന സഹോദരിയാണെന്നായിരുന്നു ഇന്ദ്രാണി മൂന്നാം ഭര്‍ത്താവ് പീറ്റര്‍ മുഖര്‍ജി ഉള്‍പ്പെടെയുള്ളവരെ അറിയിച്ചിരുന്നത്.
ഷീന ഇന്ദ്രാണിയുടെ മകളാണെന്ന് തെളിയിക്കുന്ന രേഖകള്‍ രാഹുല്‍ സിബിഐയ്ക്ക് കൈമാറിയവയില്‍ ഉള്‍പ്പെടുന്നുണ്ടെന്നാണ് വിവരം. രാഹുലിന്റെ പിതാവും സ്റ്റാര്‍ ഇന്ത്യയുടെ മുന്‍ മേധാവിയുമായ പീറ്റര്‍ മുഖര്‍ജിക്കെതിരായ തെളിവുകളും ഇതില്‍ ഉള്‍പ്പെടുന്നുണ്ട്. പീറ്ററിന്റെ സ്വത്തുക്കള്‍ രാഹുലിനും ഷീനയ്ക്കുമായി നല്‍കേണ്ടിവരുമോ എന്ന ഭയമാണ് കൊലപാതകത്തില്‍ കലാശിച്ചതെന്ന് സിബിഐ കണ്ടെത്തിയിരുന്നു.
