Click it and Unblock the Notifications
Just In
Don't Miss
-
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
ശിഹാബ് ചോറ്റൂര്‍ അതിര്‍ത്തിയില്‍ കുടുങ്ങി; പാകിസ്താന്‍ വിസ നല്‍കിയില്ല, ചൈന വഴി നീങ്ങിയേക്കും
ന്യൂഡല്‍ഹി: മലപ്പുറത്ത് നിന്ന് മക്കയിലേക്ക് നടന്നുപോയി ഹജ്ജ് നിര്‍വഹിക്കുക എന്ന ലക്ഷ്യത്തോടെ പുറപ്പെട്ട ശിഹാബ് ചോറ്റൂരിന്റെ യാത്രയില്‍ തടസം. ഇന്ത്യ-പാകിസ്താന്‍ അതിര്‍ത്തിയിലെത്തിയ അദ്ദേഹത്തിന് പാകിസ്താന്‍ വിസ അനുവദിക്കാത്തതാണ് കുരുക്കായത്. ഇനി ചൈന വഴി യാത്ര തുടരണമോ എന്ന ആലോചന നടക്കുന്നുവെന്നാണ് വിവരം. പാകിസ്താന്റെ വിസ ലഭിക്കാനുള്ള ശ്രമങ്ങളും നടത്തുന്നുണ്ട്.
പാകിസ്താന്‍ വിസ നേരത്തെ അനുവദിച്ചിരുന്നില്ലത്രെ. നേരത്തെ വിസ അനുവദിച്ചാല്‍ കാലാവധി തീര്‍ന്നേക്കുമെന്ന് ചൂണ്ടിക്കാട്ടിയാണ് ഡല്‍ഹിയിലെ പാക് എംബസി വിസ നല്‍കാതിരുന്നത്. അതിര്‍ത്തിയിലെത്തുന്ന വേളയില്‍ അപേക്ഷ നല്‍കിയാല്‍ മതി എന്നായിരുന്നുവത്രെ ലഭിച്ച നിര്‍ദേശം. ഇതുപ്രകാരം പഞ്ചാബ് അതിര്‍ത്തിയിലെത്തിയ വേളയില്‍ വിസയ്ക്ക് അപേക്ഷ നല്‍കിയപ്പോള്‍ നിഷേധിക്കുകയായിരുന്നു. കഴിഞ്ഞ രണ്ടാഴ്ചയോളമായി ശിഹാബ് വാഗ അതിര്‍ത്തിയോട് ചേര്‍ന്ന പ്രദേശമായ ഖാസയിലാണ്. ചൈന വഴി നീങ്ങുന്നതിന് കേന്ദ്ര സര്‍ക്കാരിന്റെ സഹായം തേടിയേക്കുമെന്നും സൂചനയുണ്ട്.
മലപ്പുറം ജില്ലയിലെ ആതവനാട് പഞ്ചായത്തിലാണ് ശിഹാബിന്റെ വീട്. കഴിഞ്ഞ ജൂണ്‍ രണ്ടിനാണ് മക്കയിലേക്ക് കാല്‍നടയായി അദ്ദേഹം പുറപ്പെട്ടത്. 8000 കിലോമീറ്റര്‍ നടന്നു പോയി ഹജ്ജ് നിര്‍വഹിക്കണമെന്ന ആഗ്രഹവുമായിട്ടാണ് പുറപ്പെട്ടത്. പാകിസ്താന്‍, ഇറാന്‍, ഇറാഖ്, കുവൈത്ത് വഴി സൗദിയിലെത്താനാണ് പദ്ധതിയിട്ടത്. ഇന്ത്യ കടക്കുമ്പോള്‍ തന്നെ പ്രതിസന്ധി വന്നിരിക്കുകയാണിപ്പോള്‍. ശിഹാബ് നടന്നുപോകുന്ന എല്ലായിടങ്ങളിലും വലിയ സ്വീകരണം ലഭിച്ചിരുന്നു. പലയിടത്തും ആളുകള്‍ കൂടെ നടന്നു പോകുകയും ആദരവോടെ ശിഹാബിന് സ്വീകരണം നല്‍കുന്നതുമായ വീഡിയോകള്‍ പ്രചരിച്ചിരുന്നു.
സൗദിയിലെത്തിയ ശേഷം അടുത്ത വര്‍ഷത്തെ ഹജ്ജ് നിര്‍വഹിക്കാനാണ് ശിഹാബിന്റെ തീരുമാനം. മക്കയും മദീനയും സന്ദര്‍ശിച്ച ശേഷം പലസ്തീനിലെത്തി ജറുസലേം സന്ദര്‍ശിക്കാനും പദ്ധതിയുണ്ട്. സൗദിയിലെത്തുന്ന വേളയില്‍ കുടുംബത്തെ മക്കയിലേക്ക് കൊണ്ടുവരാനും പദ്ധതിയുണ്ടെന്ന് നേരത്തെ ശിഹാബ് വണ്‍ഇന്ത്യയോട് പ്രതികരിച്ചിരുന്നു. ശിഹാബിന്റെ യാത്രാ തടസം നീക്കണമെന്ന് ആവശ്യപ്പെട്ട് ചില മുസ്ലിം നേതാക്കള്‍ രംഗത്തുവന്നിട്ടുണ്ട്.
