Click it and Unblock the Notifications
Just In
Don't Miss
-
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ബിജെപിയുടെ സഖ്യകക്ഷിക്കെതിരെ ശിവസേന രംഗത്ത്
മുംബൈ: ജമ്മു കാശ്മീരില്‍ ബി ജെ പിയുടെ സഖ്യക്ഷിയായ പി ഡി പിക്കെതിരെ എന്‍ ഡി എയിലെ പ്രബലരായ ശിവസേന രംഗത്ത്. അഫ്‌സല്‍ ഗുരുവിന്റെ ഭൗതികാവശിഷ്ടങ്ങള്‍ സംസ്ഥാനത്തിന് തിരികെ കിട്ടണമെന്ന പി ഡി പി എം എല്‍ എമാരുടെ ആവശ്യത്തിനെതിരെയാണ് ശിവസേന തങ്ങളുടെ മുഖപത്രമായ സാമ്‌നയിലൂടെ രംഗത്ത് വന്നിരിക്കുന്നത്.
2003 ലെ പാര്‍ലമെന്റ് ആക്രമണത്തിലെ പ്രതിയായ അഫ്‌സല്‍ ഗുരുവിനെ യു പി എ സര്‍ക്കാരിന്റെ കാലത്താണ് വധശിക്ഷയ്ക്ക് വിധേയനാക്കിയത്. അഫ്‌സല്‍ ഗുരുവിന്റെ അവശിഷ്ടങ്ങള്‍ കാശ്മീരിന് വിട്ടുകിട്ടണമെന്ന സ്വതന്ത്ര എം എല്‍ എയുടെ ആവശ്യത്തെ എട്ട് പി ഡി പി എം എല്‍ എമാര്‍ പിന്തുണച്ചിരുന്നു. പി ഡി പിയുടെ ഈ ആവശ്യം വന്‍ ചതിയാണ് എാന്നാണ് സാമ്‌ന എഡിറ്റോറിയല്‍ കുറ്റപ്പെടുത്തുന്നത്.
പി ഡി പിയുമായി സഖ്യമുണ്ടാക്കിയ ബി ജെ പി ഇതിന് വന്‍ വില നല്‍കേണ്ടിവരും എന്നും സേന മുന്നറിയിപ്പ് നല്‍കുന്നു. ഒരു പാര്‍ട്ടിക്കും വ്യക്തമായ ഭൂരിപക്ഷമില്ലാത്ത സാഹചര്യത്തിലാണ് കാശ്മീരില്‍ പി ഡ പി - ബി ജെ പി സഖ്യം സര്‍ക്കാര്‍ രൂപീകരിച്ചത്. ജമ്മു കാശ്മീര്‍ മുഖ്യമന്ത്രി മുഫ്തി മുഹമ്മദ് സയീദിന്റെ വിവാദ പ്രസ്താവനകളെയും എഡിറ്റോറിയല്‍ വിമര്‍ശിക്കുന്നുണ്ട്.
മഹാരാഷ്ട്രയിലെ അസംബ്ലി തിരഞ്ഞെടുപ്പോടെയാണ് ശിവസേനയും ബി ജെ പിയും തമ്മില്‍ അഭിപ്രായ വ്യത്യാസങ്ങള്‍ ഉണ്ടായത്. സീറ്റ് വിഭജനതര്‍ക്കത്തെ തുടര്‍ന്ന് ഒറ്റയ്‌ക്കൊറ്റയ്ക്ക് മത്സരിച്ചെങ്കിലും സേന ബി ജെ പിക്ക് മുമ്പില്‍ കീഴടങ്ങേണ്ടി വന്നു. ഇതോടെ കേന്ദ്രത്തിലും സംസ്ഥാനത്തിലും ബി ജെ പിക്കെതിരെ വിമര്‍ശങ്ങള്‍ ഉയര്‍ത്തുന്നത് പതിവാക്കിയിരിക്കുകയാണ് ശിവസേന.
