• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബിജെപി അധികം അഹങ്കരിക്കേണ്ട!!! ബിജെപിയും ഉടന്‍ കോണ്‍ഗ്രസിനെ പോലെ തകര്‍ന്നടിയുമെന്ന് മുന്നറിയിപ്പ്...

മുംബൈ: സമീപകാലത്ത് നടന്ന തിരഞ്ഞെടുപ്പുകളിലെല്ലാം വന്‍ വിജയം നേടി തേരോട്ടം തുടരുന്ന ബിജെപിക്ക് ശിവസേനയുടെ മുന്നറിയിപ്പ്. ബിജെപിയും ഉടന്‍ തകര്‍ന്നടിയുമെന്നും, ഇന്ത്യന്‍ രാഷ്ട്രീയത്തില്‍ ബിജെപിക്ക് കോണ്‍ഗ്രസിന്റെ ഗതി വരുമെന്നുമാണ് ശിവസേന പറയുന്നത്. പാര്‍ട്ടി പത്രമായ സാമ്‌നയിലെ മുഖപ്രസംഗത്തിലാണ് ശിവസേന ബിജെപിക്ക് മുന്നറിയിപ്പ് നല്‍കിയിരിക്കുന്നത്.

ബിജെപിയുടെ പല നിലപാടുകളിലും എതിര്‍പ്പ് പ്രകടിപ്പിക്കുന്ന ശിവസേനയുടെ മുഖപ്രസംഗം മഹാരാഷ്ട്രയില്‍ പുതിയ വിവാദങ്ങള്‍ക്ക് തുടക്കു കുറിച്ചിട്ടുണ്ട്. രാജ്യത്തെ തിരഞ്ഞെടുപ്പുകളില്‍ തുടര്‍ച്ചയായി വിജയിക്കുന്ന ബിജെപി വരുംകാലത്ത് ഇന്നത്തെ കോണ്‍ഗ്രസിന്റെ അവസ്ഥയിലാകുമെന്നും സാമ്‌നയിലെ മുഖപ്രസംഗത്തിലുണ്ട്.

വരാനിരിക്കുന്നത് കോണ്‍ഗ്രസിന്റെ ഗതി...

വരാനിരിക്കുന്നത് കോണ്‍ഗ്രസിന്റെ ഗതി...

ബിജെപിയുടെ തുടര്‍ച്ചയായ തിരഞ്ഞെടുപ്പ് വിജയങ്ങള്‍ കോണ്‍ഗ്രസിന്റെ പ്രതാപകാലത്തെ ഓര്‍മ്മിപ്പിക്കുന്നതാണെന്നാണ് സാമ്‌നയിലെ മുഖപ്രസംഗത്തില്‍ വിലയിരുത്തുന്നത്. അതിനാല്‍ ഇന്ത്യന്‍ രാഷ്ട്രീയത്തില്‍ കോണ്‍ഗ്രസിന്റെ സ്ഥിതിയാണ് ബിജെപിക്കും വരാനിരിക്കുന്നതെന്നും സാമ്‌ന പറയുന്നു.

ശിവസേനയുടെ വിമര്‍ശനം...

ശിവസേനയുടെ വിമര്‍ശനം...

രാജ്യത്തെ തിരഞ്ഞെടുപ്പുകളില്‍ തുടര്‍ച്ചയായി വിജയിക്കുന്ന ബിജെപി, ഈ വിജയങ്ങളില്‍ മതിമറക്കുന്നതായും ശിവസേന മുഖപ്രസംഗത്തിലൂടെ വിമര്‍ശിക്കുന്നുണ്ട്.

മോദിയുടെയും ഫട്‌നാവിസിന്റെയും മായാജാലം...

മോദിയുടെയും ഫട്‌നാവിസിന്റെയും മായാജാലം...

കേന്ദ്രത്തില്‍ പ്രധാനമന്ത്രി നരേന്ദ്രമോദിയുടെയും, മഹാരാഷ്ട്രയില്‍ മുഖ്യമന്ത്രി ദേവേന്ദ്ര ഫട്‌നാവിസിന്റെയും മായാജാലങ്ങള്‍ ജനം ആസ്വദിക്കുന്നതിനാലാണ് ബിജെപി തിരഞ്ഞെടുപ്പുകളില്‍ തുടര്‍ച്ചയായി വിജയിക്കുന്നതിന് കാരണമെന്നാണ് ശിവസേനയുടെ അഭിപ്രായം.

ശിവസേനയ്ക്ക് വെല്ലുവിളിയാകുമോ?

ശിവസേനയ്ക്ക് വെല്ലുവിളിയാകുമോ?

മഹാരാഷ്ട്രയിലെ പഞ്ചായത്ത്, മുനിസിപ്പല്‍ തിരഞ്ഞെടുപ്പുകളില്‍ ബിജെപി വന്‍ വിജയം നേടി തിരിച്ചുവരുന്ന പശ്ചാത്തലത്തിലാണ് ശിവസേനയുടെ മുഖപ്രസംഗമെന്നതും ശ്രദ്ധേയമാണ്. സംസ്ഥാനത്ത് ബിജെപി തങ്ങള്‍ക്ക് വെല്ലുവിളിയാകുമോ എന്ന ഭയവും ശിവസേനയ്ക്കുണ്ടെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്.

English summary
Shivsena's advice to bjp through samna editorial.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X