ചെരിപ്പു കൊണ്ടടിക്കുന്നതോ ശിവസേന സംസ്കാരം!! എയര് ഇന്ത്യ ജീവനക്കാരന് സംഭവിച്ചത്
ദില്ലി: ശിവസേന എംപി എയര് ഇന്ത്യ ജീവനക്കാരനെ ചെരിപ്പുകൊണ്ടടിച്ചു. സീറ്റ് തര്ക്കത്തെ തുടര്ന്ന് ശിവസേന എംപി രവീന്ദ്ര ഗെയ്ക്ക് വാദാണ് എയര് ഇന്ത്യ ജീവനക്കാരനെ ആക്രമിച്ചത്. വ്യാഴാഴ്ചയായിരുന്നു സംഭവം. സംഭവത്തില് അന്വേഷണം ആരംഭിച്ചതായി എയര് ഇന്ത്യ വക്താവ് പറഞ്ഞു.
എന്നാല് എയര്ഇന്ത്യ ജീവനക്കാരന് തന്നോട് അപമര്യാദയായി പെറുമാറിയെന്നും അതിനാല് അടിച്ചെന്നും ഗെയ്ക്ക് വാദ് സമ്മതിച്ചിട്ടുണ്ട്. മഹാരാഷ്ട്രയിലെ ഒസ്മാനാബാദില് നിന്നുള്ള എംപിയാണ് ഗെയ്ക്ക് വാദ്. ബിസിനസ് ടിക്കറ്റ് ബുക്ക് ചെയ്ത തനിക്ക് ഇക്കോണമി ക്ലാസിലാണ് സീറ്റ് തന്നതെന്നാണ് എംപിയുടെ വാദം. ദില്ലി- പൂനെ വിമാനത്തിലായിരുന്നു സംഭവം.
എയര് ഇന്ത്യ ജീവനക്കാരന്റെ പരാതിയില് പോലീസ് എഫ്ഐആര് രജിസ്റ്റര് ചെയ്തു. 20ലധികം തവണ തന്നെ ചെരിപ്പുകൊണ്ട് അടിച്ചുവെന്നും കണ്ണട തകര്ത്തുവെന്നും ആക്രമിക്കപ്പെട്ട 60കാരനായ എയര് ഇന്ത്യ ജീവനക്കാരന് വ്യക്തമാക്കി. ഇത്തരത്തില് അസ്വാഭാവിക പെരുമാറ്റമുള്ളവര്ക്ക് യാത്ര വിലക്കുന്ന കാര്യം ആലോചിക്കുന്നുവെന്നും എയര് ഇന്ത്യ ചൂണ്ടിക്കാണിക്കുന്നു. എന്നാല് ഗെയ്ക്ക് വാദിന്റെ നടപടിയെ പാര്ട്ടി പിന്തുണയ്ക്കില്ലെന്നും ഉടന് നടപടി സ്വീകരിക്കണമെന്നും ശിവസേന എംപി മനീഷ് കയാണ്ടെ വ്യക്തമാക്കി.
Haan maine usko maara tha,usne badtameezi ki thi:Shiv Sena MP Ravindra Gaikwad on hitting Air India staff member with his slipper (file pic) pic.twitter.com/26IV8V8eGq
— ANI (@ANI_news) March 23, 2017
WATCH: Shiv Sena MP Ravindra Gaikwad admits that he beat an Air India staff member with slippers,remains defiant pic.twitter.com/1ws5nYptkn
— ANI (@ANI_news) March 23, 2017
We have constituted a team to probe the whole incident: Air India on Shiv Sena MP beats AI staff member
— ANI (@ANI_news) March 23, 2017