സ്വവര്ഗാനുരാഗം മാറാനും ചികിത്സ
ദില്ലി : സ്വവര്ഗാനുരാഗം ചികിത്സിച്ചു മാറ്റുമത്രെ... ദില്ലിയിലാണ് ഈ പുതിയ കണ്ടു പിടുത്തം. ദില്ലിയില് സ്വവര്ഗാനുരാഗം ചികിത്സിച്ചു മാറ്റുമെന്ന ഡോക്ടര്മാര് വാഗ്ദാനം നല്കിയതായി റിപ്പോര്ട്ടുകള് . സ്വവര്ഗാനുരാഗം സ്കീസോഫ്രേനിയ പോലുള്ള ഒരു തരം മാനസികപ്രശ്നമാണെന്നാണ് ഡല്ഹിയിലെ ചില ഡോക്ടര്മാര് അവകാശവാദമുന്നയിക്കുന്നത്. നഗരത്തിലെ ചില പ്രമുഖ ഡോക്ടര്മാര് ഇത്തരത്തില് ചികിത്സ നടത്തുന്നതായി ചികിത്സയ്ക്ക് വിധേയമായ ആളുകള് വ്യക്തമാക്കിയിട്ടുണ്ട്.
മാസങ്ങള്ക്കുള്ളില് ഹെട്രോസെക്ഷ്വലിറ്റി പ്രദാനം ചെയ്യുന്ന കോണ്വര്സേഷന് തെറാപ്പിയാണ് ഇതിനായി ഉപയോഗിക്കുന്നതെന്ന് ഇവര് പറയുന്നു. സംശയകരമായ നടപടി ക്രമങ്ങളിലൂടെ നടത്തുന്ന ചികിത്സ ഇലക്ട്രിക് ഷോക്ക്, മയക്കു മരുന്നുകള്, ടെസ്റ്റോസ്റ്റിറോണ് എന്നിവയടങ്ങുന്നതാണ്.
ദിവസവും ദില്ലിയിലെ ക്ലിനിക്കുകളില് ചികിത്സ തേടിയെത്തുന്ന സ്വവര്ഗാനുരാഗികളുടെ എണ്ണം വര്ധിച്ചതായാണ് കണക്ക്. സ്വവര്ഗാനുരാഗം ഒരു മാനസിക രോഗമല്ലെന്നിരിക്കെ ഇത്തരം ചികിത്സകള് ആരോഗ്യത്തിന് ദോഷകരമായി ബാധിക്കുമെന്നും മാനസിക പ്രശ്നങ്ങള് ഉണ്ടാക്കുമെന്നുമാണ് വിദഗ്ദ്ധരുടെ വിലയിരുത്തല്.
സ്വവര്ഗാനുരാഗ ചികിത്സ പുറത്തായാല് നാണക്കേടാണെന്നു കരുതി വലിയ തുക മുടക്കിയാണ് ഇവിടെ പലരും ചികിത്സയ്ക്ക് എത്തുന്നത് . ഭര്ത്താവ് സ്വവര്ഗാനുരാഗി ആയതിന്റെ പേരില് ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലെ ഡോക്ടര് ഈയിടെ ആത്മഹത്യ ചെയ്തിരുന്നു.