മുത്തച്ഛനെ കൊച്ചുമകന് വെട്ടിക്കൊന്നു, നാട്ടുകാരുടെ കണ്മുന്നിലിട്ട് 20 കഷ്ണങ്ങളായി, കാരണം അറിയണോ?
ഭോപ്പാല്: മദ്ധ്യപ്രദേശിലെ ഝാബുവ ജില്ലയില് 25കാരന് തന്റെ മുത്തച്ഛനെ 20 കഷ്ണങ്ങളായി വെട്ടി മുറിച്ച് കൊന്നു. കുടുംബ പ്രശ്നങ്ങളേയും സ്വത്ത് തര്ക്കത്തേയും തുടര്ന്നാണ് യുവാവ് മുത്തച്ഛനെ ക്രൂരമായി കൊന്നത്. ഒട്ടേറെ ആളുകള് നോക്കി നില്ക്കെയാണ് ക്രൂരമായ കൊലപാതകം നടന്നത്.
രൂപേഷ് ഹാട്ടില (25) എന്ന യുവാവാണ് മുത്തച്ഛനായ മോഹന് സിംഗ് (60) നെ കൊലപ്പെടുത്തിയത്. മഴുവുമായി ഏറെ ദൂരം വൃദ്ധനെ ഓടിച്ച ശേഷം ആള്ക്കൂട്ടത്തിന് മുന്നിലിട്ട് വെട്ടി കൊല്ലുകയായിരുന്നു. സഹായത്തിനായി വൃദ്ധന് കേണപേക്ഷിച്ചിരുന്നു.
പക്ഷേ ഒാടിക്കൂടി ആളുകളേയും രൂപേഷ് ഭീഷണിപ്പെടുത്തി. അതിനാല് വൃദ്ധനെ സഹായിക്കാന് ആരും മുന്നോട്ട് വന്നില്ല. 20 കഷ്ണങ്ങളായി മോഹന് സിംഗിനെ വെട്ടിമുറിയ്ക്കുകയായിരുന്നു. പൊലീസ് സ്ഥലത്തെത്തിയതും രൂപേഷ് ഓടിയൊളിയ്ക്കാന് ശ്രമിച്ചു. പക്ഷേ അല്പ്പനേരത്തിനുള്ളില് തന്നെ പിടിയിലാവുകയും ചെയ്തു. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.