വാർത്താ സമ്മേളനത്തിനിടെ ബിജെപി വക്താവ് നരസിംഹ റാവുവിന് നേരെ ഷൂ ഏറ്; വീഡിയോ

ദില്ലി: വാർത്താ സമ്മേളനത്തിനിടെ ബിജെപി നേതാവിന് നേരെ ഷൂ ഏറ്. ബിജെപി വക്താവ് ജിവിഎൽ നരംസിംഹ റാവുവിന് നേരെയാണ് ബിജെപി ആസ്ഥാനത്ത് വാർത്താ സമ്മേളനം നടത്തുന്നതിനിടയിൽ ഷൂ എറിഞ്ഞത്. കാൺപൂർ സ്വദേശിയാണ് ഷൂ എറിഞ്ഞത്.

മാലെഗാവ് സ്ഫോടനകേസിലെ പ്രതി സ്വാതി പ്രഗ്യ ബിജെപി സ്ഥാനാർത്ഥിയാകുന്നതിനെ കുറിച്ച് സംസാരിക്കുന്നതിനിടെയാണ് സംഭവം.ബിജെപി സ്ഥാനാർത്ഥികൾ ആരായാലും കോൺഗ്രസിനും മറ്റ് പാർട്ടികൾക്കും എന്താണ് കുഴപ്പമെന്ന് നരസിംഹ റാവു ചോദിച്ചു. സാത്വി പ്രാഗ്യയെ ഭോപ്പാലില്‍ സ്ഥാനാർത്ഥിയാക്കാനാണ് ബിജെപിയുടെ നീക്കം.

ശക്തി ഭാർഗവ് എന്നയാളാണ് ബിജെപി നേതാവിന് നേരെ ഷൂ എറിഞ്ഞത്. ഇയാളെ സുരക്ഷ ഉദ്യോഗസ്ഥർ പിടികൂടി. കാൺപൂർ സ്വദേശിയായ ശക്തി ഭാർഗവ് ഡോക്ടറാണെന്നാണ് റിപ്പോർട്ടുകൾ. കോൺഗ്രസ് അനുയായിയാണ് ആക്രമണം നടത്തിയതെന്ന് നരസിംഹ റാവു ആരോപിച്ചു.

#WATCH Delhi: Shoe hurled at BJP MP GVL Narasimha Rao during a press conference at BJP HQs .More details awaited pic.twitter.com/7WKBWbGL3r

— ANI (@ANI) April 18, 2019

English summary

A man hurled a shoe at Bharatiya Janata Party (BJP) national spokesperson GVL Narasimha Rao during a press conference in New Delhi on Thursday. He was speaking about the candidacy of Sadhvi Pragya and was asking why Congress and other parties have a problem with the BJP candidate.