മകനെ കാണാന്‍ മുഖ്യമന്ത്രി ബെല്‍ജിയത്തിലേയ്ക്ക് !!

By Pratheeksha

Updated: Thursday, July 28, 2016, 19:09 [IST]

ബെംഗളുരു: ആശുപത്രിയില്‍ പ്രവേശിപ്പിച്ച മകനെ കാണാന്‍ കര്‍ണ്ണാടക മുഖ്യമന്ത്രി സിദ്ധരാമയ്യ ബെല്‍ജിയത്തിലേക്കു തിരിച്ചു. കഴിഞ്ഞ ദിവസമാണ് സിദ്ധരാമയ്യയുടെ മകന്‍ രാകേഷിനെ ബെല്‍ജിയത്തിലെ ആശുപത്രിയില്‍ പ്രവേശിപ്പിച്ചത്. സിദ്ധരാമയ്യയുടെ ഭാര്യ രണ്ടു ഡോക്ടര്‍മാരോടൊപ്പം കഴിഞ്ഞ ദിവസം ബെല്‍ജിയത്തിലേക്കു പുറപ്പെട്ടിരുന്നു

വ്യാഴാഴ്ച്ച പുലര്‍ച്ചെ നാലിനുള്ള ഫ്‌ളൈറ്റിനാണ് മുഖ്യമന്ത്രി യാത്ര തിരിച്ചത്. യൂറോപ്യന്‍ ടൂറിനിടെയാണ് രാകേഷിനെ ബെല്‍ജിയത്തിലെ ആശുപത്രിയില്‍ പ്രവേശിപ്പിച്ചത്. മുഖ്യമന്ത്രിയുടെ സോഷ്യല്‍ മീഡിയ മാനേജരാണ് ഇക്കാര്യം മുഖ്യമന്ത്രിയുടെ ഒഫീഷ്യല്‍ ട്വിറ്റര്‍ അക്കൗണ്ടു വഴി അറിയിച്ചത്.

രാകേഷിന് റോഡപകടത്തില്‍ പരിക്കേറ്റതാണെന്നും പാന്‍ക്രിയാസ് അസുഖത്തെ തുടര്‍ന്നാണു ആശുപത്രിയില്‍ പ്രവേശിപ്പിച്ചതെന്നുമുളള റിപ്പോര്‍ട്ടുകളുമുണ്ടായിരുന്നു. മുഖ്യമന്ത്രി സിദ്ധരാമയ്യ വിഷയം വിദേശ കാര്യമന്ത്രി സുഷമാ സ്വരാജിന്റെ ശ്രദ്ധയില്‍പ്പെടുത്തിയിട്ടുണ്ട്.