Click it and Unblock the Notifications
Just In
Don't Miss
-
'വര്ഷങ്ങള്ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ് -
IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം? -
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എക്‌സിറ്റ് പോള്‍ ഫലം; ജയലളിതയുടെ വസതിയില്‍ മൗനം
ചെന്നൈ: തിരക്കൊഴിഞ്ഞ നേരമില്ലാത്ത ജയലളിതയുടെ വസതിയില്‍ ചൊവ്വാഴ്ച മൂടിക്കെട്ടിയ മൗനം. ആരും പരസ്പരം സംസാരിക്കുകയോ ചിരിക്കുകയോ ചെയ്യുന്നില്ല. സന്ദര്‍ശകരുടെ എണ്ണത്തിലും ഗണ്യമായ കുറവ്. മുഖ്യമന്ത്രി ജയലളിതയോട് സംസാരിക്കാന്‍ പോലും ഭയന്നാണ് പോയസ് ഗാര്‍ഡന്‍ വസതിയിലെ അനുയായികള്‍ കഴിയുന്നത്.
ജയം ഉറപ്പിച്ച് പുതിയ ഭരണത്തുടര്‍ച്ചയിലെ മന്ത്രിമാരെവരെ തീരുമാനിക്കാനിരിക്കെയാണ് തെരഞ്ഞെടുപ്പിന് തൊട്ടുപിന്നാലെയുള്ള എക്‌സിറ്റ് പോളിന്റെ വരവ്. ഭൂരിപക്ഷം എക്‌സിറ്റ് പോളുകളും ജയലളിതയുടെ തോല്‍വിയാണ് പ്രവചിച്ചത് എന്നത് എഐഎഡിഎംകെ നേതാക്കളെ ഞെട്ടിച്ചിരിക്കുകയാണ്. ജയലളിതയ്ക്കുമുന്നില്‍ മുട്ടുവിറയ്ക്കുന്ന നേതാക്കള്‍ ഇത്തരമൊരു വാര്‍ത്തകൂടി കേട്ടതോടെ അവരോട് സംസാരിക്കാന്‍ പോലും ഭയന്നിരിക്കുകയാണെന്ന പോയസ് ഗാര്‍ഡനിടെ ചിലര്‍ പറയുന്നു.
ഏതാണ്ട് എല്ലാ എക്‌സിറ്റ് പോള്‍ ഫലങ്ങളും ജയലളിത ലൈവായി കണ്ടിരുന്നു. ഇതെക്കുറിച്ചുള്ള ചര്‍ച്ചയും വിശകലനങ്ങളും ടെലിവിഷനില്‍ കണ്ടശേഷമാണ് അവര്‍ ഉറങ്ങാന്‍ കിടന്നത്. എക്‌സിറ്റ് പോള്‍ ഫലത്തില്‍ മുഖ്യമന്ത്രി അതീവ ദു:ഖിതയാണെന്ന് അടുത്ത അനുയായികള്‍ വ്യക്തമാക്കി.
ഭരണം നഷ്ടപ്പെടുകയെന്നത് ചിന്തയില്‍പോലും ഉണ്ടായിരുന്നില്ലെന്നാണ് നേതാക്കളും പറയുന്നത്. എക്‌സിറ്റ് പോള്‍ ഫലങ്ങളെ തള്ളാന്‍ അവര്‍ തയ്യാറാകുന്നില്ല. അത് ഫലിച്ചേക്കുമെന്നാണ് ചിലര്‍ ചൂണ്ടിക്കാട്ടുന്നത്. എന്നാല്‍, വിഷയത്തില്‍ മാധ്യമങ്ങള്‍ക്കുമുന്നില്‍ സംസാരിക്കാന്‍ ആരും ധൈര്യപ്പെട്ടില്ല. സി വോട്ടര്‍ എക്‌സിറ്റ് പോള്‍ ഫലത്തില്‍ 139 സീറ്റുകള്‍ നേടി എഐഎഡിഎംകെ അധികാരത്തില്‍ തുടരുമെന്ന് പറയുന്നത് മാത്രമാണ് നേതാക്കള്‍ക്ക് ആശ്വാസമായിട്ടുള്ളത്.
