തെറിപ്പാട്ട് വിവാദം:ചിമ്പുവിന്റെ കരിയര് തകര്ക്കാന് ശ്രമിക്കുന്നുവെന്ന് പിതാവ്,സത്യമായിരിക്കുമോ?
ചെന്നൈ : തെറിപ്പാട്ട് വിവാദവുമായി ബന്ധപ്പെട്ട കേസില് ഹാജരാകാന് ചിമ്പുവിന് ഒരുമാസം കൂടി സാവകാശം നല്കണമെന്ന് പിതാവ്. ഇതു സംബന്ധിച്ച ചിമ്പുവിന്റെ പിതാവും തമിഴ് പ്രമുഖ നടനും സംഗീത സംവിധായകനുമായ ടി രാജേന്ദ്രറാണ് കോയമ്പത്തൂര് പോലിസിന് കത്തെഴുതിയത്.
തെറിപ്പാട്ട് ചിമ്പുവിനെ വലിയ വിവാദത്തിലാഴ്ത്തിരിക്കുകയാണ്. ചിമ്പുവിനും പാട്ടിന് സംഗീതം നല്കിയ അനിരുദ്ധ് രവിചന്ദറിനുമെതിരെ സ്ത്രീ സമൂഹം കടുത്ത പ്രതിഷേധവുമായി മുന്നോട്ടു വന്നിരിക്കുകയാണ്.
പാട്ടുമായി ചിമ്പുവിന് ബന്ധമില്ല
തെറിപ്പാട്ടുമായി തന്റെ മകന് ചിമ്പുവിന് ഒരു ബന്ധവുമില്ലെന്ന് രാജേന്ദ്രര് പറയുന്നു.
ഹാജരാകാന് സാവകാശം
പാട്ടുമായി ബന്ധപ്പെട്ട കേസില് ഹാജരാകാന് ചിമ്പുവിന് ഒരുമാസം കൂടി സാവകാശം ചോദിച്ചാണ് പിതാവ് കോയമ്പത്തൂര് പോലിസിന് കത്തെഴുതിയത്.
ഹാജരാകേണ്ടത്
ചിമ്പുവിനോട് ഹാജരാകണമെന്നാവശ്യപ്പെട്ട് പോലീസ് ഈ മാസം പതിനാലിനാണ് കത്തയച്ചത്.
മകനെ അപമാനിക്കുന്നു
ചിമ്പുവിനെ അപമാനിക്കാനും കരിയര് തകര്ക്കാനും ആരോ മനപ്പൂര്വ്വം കെട്ടിച്ചമച്ച വിവാദമാണെന്ന് പിതാവ് പറഞ്ഞു.
യഥാര്ഥ കുറ്റവാളിയെ കണ്ടെത്തണം
ചിമ്പു പാട്ട് ചിത്രത്തില് ഉപയോഗിക്കുകയോ ആര്ക്കും നല്കുകയോ ചെയ്തിട്ടില്ല. പോലിസ് യഥാര്ഥ കുറ്റവാളിയെ കണ്ടെത്തണമെന്നാണ് തന്റെ അഭ്യര്ഥനയെന്ന് പിതാവ് പറയുന്നു.
വരിമാറ്റി അപലോഡ് ചെയ്തു
പാട്ട് ചിത്രത്തില് ഉപയോഗിക്കുകയോ ആര്ക്കും നല്കുകയോ ചെയ്തിട്ടില്ല. പാട്ട് വരിമാറ്റി യുടുബില് ആരോ അപ്ലോഡ് ചെയ്തതാണ്.