കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഗായകൻ യേശുദാസിന്റെ സഹോദരൻ ജസ്റ്റിൻ മരിച്ച നിലയിൽ, മൃതദേഹം കൊച്ചി കായലിൽ!

Google Oneindia Malayalam News

കൊച്ചി: ഗായകന്‍ കെജെ യേശുദാസിന്റെ സഹോദരന്‍ മരിച്ച നിലയില്‍. യേശുദാസിന്റെ സഹോദരനായ കെജെ ജസ്റ്റിനെ ആണ് കൊച്ചി കായലില്‍ മരിച്ച നിലയില്‍ കണ്ടെത്തിയിരിക്കുന്നത്. ജസ്റ്റിന്‍ യേശുദാസിന്റെ ഇളയ സഹോദരനാണ്. ബുധനാഴ്ച ഉച്ചയ്ക്ക് രണ്ട് മണിയോടെയാണ് കായലില്‍ മൃതദേഹം കണ്ടെത്തിയത്. വല്ലാര്‍പാടം ഡിപി വേള്‍ഡിന് സമീപത്തുളള കായല്‍ ഭാഗത്തായാണ് ജസ്റ്റിന്റെ മൃതദേഹം കിടന്നിരുന്നത്.

ബുധനാഴ്ച രാത്രി ഏറെ വൈകിയും കാക്കനാടുളള വീട്ടിലേക്ക് ജസ്റ്റിന്‍ എത്തിയിരുന്നില്ല. ഇതേത്തുടര്‍ന്ന് രാത്രി തന്നെ വീട്ടുകാര്‍ പോലീസില്‍ പരാതി നല്‍കി. തൃക്കാക്കര പോലീസ് സ്‌റ്റേഷനില്‍ എത്തിയാണ് കുടുംബം പരാതി നല്‍കിയത്.

death

ഇതിന് പിന്നാലെയാണ് ജസ്റ്റിന്റെ അതേ പ്രായത്തിലുളള ഒരാളുടെ മൃതദേഹം മുളവുകാട് സ്റ്റേഷന്‍ പരിധിയില്‍ വരുന്ന കായലില്‍ നിന്നും കണ്ടെത്തിയ വിവരം തൃക്കാക്കര പോലീസിന് ലഭിക്കുന്നത്. എറണാകുളം ജനറല്‍ ആശുപത്രിയില്‍ ആയിരുന്നു ആളെ തിരിച്ചറിയാത്ത മൃതദേഹം സൂക്ഷിച്ചിരുന്നത്. ഇക്കാര്യം പോലീസ് ജസ്റ്റിന്റെ വീട്ടില്‍ അറിയിച്ചു. തുടര്‍ന്ന് രാത്രി 11.30തോടുകൂടി ജസ്റ്റിന്റെ ബന്ധുക്കള്‍ എറണാകുളം ജനറല്‍ ആശുപത്രിയിലെത്തി.

ജസ്റ്റിന്റെ ഭാര്യ ജിജിയുടെ സഹോദരങ്ങളാണ് കാണാതായ ജസ്റ്റിന്റേതാണ് മൃതദേഹം എന്ന് തിരിച്ചറിഞ്ഞത്. ജസ്റ്റിന്റെ മരണകാരണം വ്യക്തമല്ല. എറണാകുളത്ത് കാക്കനാട് അത്താണിയിലാണ് ജസ്റ്റിനും കുടുംബവും താമസിക്കുന്നത്. ഇവിടെ സെന്റ് ആന്റണീസ് പളളിക്ക് സമീപം വാടകവീടെടുത്താണ് കഴിയുന്നത്. സംഗീതജ്ഞനും നാടക നടനുമായ അഗസ്റ്റിന്‍ ജോസഫിന്റെയും എലിസബത്തിന്റെയും മകനാണ് ജസ്റ്റിന്‍. യേശുദാസിനെ കൂടാതെ ആന്റപ്പന്‍, മണി, ജയമ്മ, ബാബു, പുഷ്പ എന്നിവരും സഹോദരങ്ങളാണ്.

English summary
Singer KJ Yesudas' brother found dead in Kochi
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X