എലിവിഷം കഴിച്ച് ഗായികയുടെ ആത്മഹത്യാശ്രമം, സംഭവത്തിന് പിന്നില്‍ ഓണ്‍ലൈനില്‍ അപവാദ പ്രചരണം!!!

ദില്ലി: ഹരിയാനയിലെ നാടോടി ഗായിക ആത്മഹത്യയ്ക്ക് ശ്രമിച്ചു. സൗത്ത് വെസ്റ്റ് ദില്ലിയിലെ വീട്ടില്‍ വച്ച് ഹര്യാണ്‍വി ഗായികയായ സപ്‌നാ ചൗധരി എലിവിഷം കഴിക്കുകയായിരുന്നു. ഞായറാഴ്ച രാവിലെയായിരുന്നു സംഭവം. ഓണ്‍ലൈനില്‍ അപമാനിക്കപ്പെട്ടതാണ് സംഭവത്തിന് പിന്നിലെന്നാണ് ആരോപണം.

ഗുരുതരാവസ്ഥയിലായ സപ്‌ന ചൗധരി ദില്ലിയിലെ ആശുപത്രിയില്‍ ചികിത്സയില്‍ കഴിയുകയാണ്. ഒരു പ്രത്യേക സമുദായത്തെ നാടന്‍ പാട്ടിലൂടെ അധിക്ഷേപിച്ചതിനെ തുടര്‍ന്ന് ജൂലൈയില്‍ സപ്‌നക്കെതിരെ പൊലീസ് കേസെടുത്തിരുന്നു.

സോഷ്യല്‍ മീഡിയയില്‍ അപമാനിക്കപ്പെട്ടതാണ് ആത്മഹത്യയ്ക്ക് ശ്രമിച്ചതിന് പിന്നിലെന്ന് വ്യക്തമാക്കുന്ന ആത്മഹത്യാക്കുറിപ്പും സപ്‌നയുടേതായി കണ്ടെത്തിയിട്ടുണ്ട്. സംഭവത്തില്‍ അന്വേഷണം ആരംഭിച്ച പൊലീസ് ആത്മഹത്യാക്കുറിപ്പില്‍ യുവതി ഉന്നയിക്കുന്ന വാദങ്ങള്‍ ശരിയാണോ എന്നും പരിശോധിച്ച പൊലീസ് ഇക്കാര്യം സ്ഥിരീകരിച്ചിട്ടുണ്ട്.

സത്പാല്‍ തന്‍വാര്‍ എന്ന 21കാരന്‍ തനിക്കെതിരെ ഫേസ്ബുക്കിലും വാട്‌സ്ആപ്പിലും അപവാദങ്ങളും പ്രചരിപ്പിക്കുന്നുവെന്നാണ് യുവതിയുടെ ആരോപണം. സമുദായത്തെ അധിക്ഷേപിച്ചെന്ന് സത്പാല്‍ തന്‍വാറിന്റെ പരാതിയിലാണ് പൊലീസ് സപ്‌നയ്‌ക്കെതിരെ എസ് സി എസ്ടി നിയമപ്രകാരം കേസെടുത്തത്.

English summary

Singer's suicide attempt over online harrasment.Haryanvi singer Sapna Choudhary later booked under SC-ST act over using derogatory laguage against a particular community.