കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മോദിചായ കുടിക്കാന്‍ മണിശങ്കര്‍ അയ്യര്‍ ടീസ്റ്റാള്‍

Google Oneindia Malayalam News

ദില്ലി: നരേന്ദ്ര മോദി ദില്ലിയില്‍ പ്രധാനമന്ത്രിയായി സത്യപ്രതിജ്ഞ ചെയ്യുമ്പോള്‍ കോണ്‍ഗ്രസ് നേതാവ് മണിശങ്കര്‍ അയ്യര്‍ ചായക്കട തുടങ്ങിയോ? മണിശങ്കര്‍ അയ്യരുടെ പേരിലുള്ള ചായക്കടയിലെ മോദി ചായയാണ് സത്യപ്രതിജ്ഞ ദിനത്തില്‍ വഡോദരയിലെ ബി ജെ പി പ്രവര്‍ത്തകരുടെ സ്‌പെഷല്‍. മണിശങ്കര്‍ അയ്യര്‍ അയ്യര്‍ ടീ സ്റ്റാള്‍ എന്നാണ് ചായക്കടയുടെ പേര്.

വഡോദരയിലെ റെയില്‍വേ സ്‌റ്റേഷന് പിന്നിലുള്ള ഫരംജി റോഡിലാണ് മണിശങ്കര്‍ അയ്യര്‍ ടീ സ്്്റ്റാള്‍. നമോ ചായയ്‌ക്കൊപ്പം കടിക്കാനായി ഫലാഫെല്‍ ആണ് ഇവിടെ തയ്യാറാക്കിയിട്ടുള്ളത്. മോദി ഗുജറാത്തിന്റെ അഭിമാനമാണെന്നും വഡോദരയില്‍ അദ്ദേഹം മത്സരിച്ച് ജയിച്ചതിന്റെ സന്തോഷത്തിനാണ് നമോ ചായ വിതരണം ചെയ്യുന്നത് എന്നും ബി ജെ പി പ്രവര്‍ത്തകനായ നികിതിന്‍ കോണ്‍ട്രാക്ടര്‍ പറഞ്ഞു.

namo-tea

നരേന്ദ്ര മോദിയെ കോണ്‍ഗ്രസ് സമ്മേളനത്തില്‍ ചായ വില്‍ക്കാന്‍ ക്ഷണിച്ച മുന്‍ കേന്ദ്രമന്ത്രി മണിശങ്കര്‍ അയ്യര്‍ക്കുള്ള മറുപടിയായിട്ടാണ് ബി ജെ പി ഈ ടീ സ്റ്റാള്‍ തുടങ്ങിയത്. മണിശങ്കര്‍ അയ്യരെപ്പോലുള്ള രാഷ്ട്രീയക്കാര്‍ക്കുള്ള മറുപടിയാണ് ഇതെന്ന് വഡോദരയിലെ ബി ജെ പി പ്രവര്‍ത്തകര്‍ പറഞ്ഞു. ഇതുവഴി പോകുന്ന വഴിയാത്രക്കാര്‍ക്കെല്ലാം മണിശങ്കര്‍ അയ്യര്‍ ടീ സ്റ്റാളില്‍ നിന്നും ചായയും കടിയും ഫ്രീയാണ്.

നേരത്തെ കോണ്‍ഗ്രസ് നേതാവിന്റെ പ്രസ്താവനയില്‍ പ്രതിഷേധിച്ച് ബി ജെ പിക്കാര്‍ നരേന്ദ്ര മോദിയുടെ പേരിട്ട ടീഷോപ്പില്‍ മണിശങ്കര്‍ അയ്യരുടെ വേഷംകെട്ടിയ ആളെ ചായയടിക്കാന്‍ നിര്‍ത്തി പ്രതിഷേധിച്ചിരുന്നു. അയ്യരുടെ പരാമര്‍ശം തിരഞ്ഞെടുപ്പ് ക്യാംപെയ്ന്‍ സമയത്ത് മുഴുവനും സജീവമാക്കി നിര്‍ത്താനും നേട്ടം കൊയ്യാനും മോദി ക്യാംപിന് കഴിഞ്ഞു.

English summary
Sip NaMo tea at Mani Shankar Aiyar tea stall
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X