ബംഗാളില് കോണ്ഗ്രസുമായുള്ള സഖ്യം, ചര്ച്ച ചെയ്യുമെന്ന് സീതാറാം യെച്ചൂരി
കൊല്ക്കത്ത: പശ്ചിമ ബംഗാളില് കോണ്ഗ്രസുമായുള്ള സഖ്യത്തിന്റെ കാര്യം ചര്ച്ച ചെയ്യുമെന്ന് സിപിഎം ജനറല് സെക്രട്ടറി സീതാറാം യെച്ചൂരി. അത് സംബന്ധിച്ച അന്തിമ തീരുമാനം കേന്ദ്ര കമ്മിറ്റിക്കാണെന്നും ഒരു ഘടകത്തിനും സ്വതന്ത്രാധികാരമില്ലെന്നും യെച്ചൂരി വ്യക്തമാക്കി.
പ്ലീനം കഴിഞ്ഞ ശേഷം തിരഞ്ഞെടുപ്പ് സഖ്യത്തെക്കുറിച്ച് ആലോചിക്കും പാര്ട്ടിയെ ശക്തിപ്പെടുത്താന് പുതിയ രീതികള് പരീക്ഷിക്കുമെന്നും യെച്ചൂരി പറഞ്ഞു.
നിയമസഭാ തിരഞ്ഞെടുപ്പില് കോണ്ഗ്രസുമായി ധാരണയിലെത്തണമെന്നാണ് ബംഗാളിലെ നേതാക്കളുടെ ആവശ്യം. തൃണമൂല് കോണ്ഗ്രസിനേയും ബിജെപിയേയും ചെറുക്കുക എന്നതാണ് പാര്ട്ടിയുടെ ലക്ഷ്യമെന്നും ബംഗാള് ഘടകം വ്യക്തമാക്കുന്നു.
കൂടാതെ കോണ്ഗ്രസുമായി ബംഗാളില് സഖ്യമുണ്ടാക്കണമെന്ന അഭിപ്രായമാണ് സിപിഎം മുന് നേതാവ് സോമനാഥ് ചാറ്റര്ജിക്കും. ഒറ്റക്ക് മത്സരിക്കാനുള്ള ശേഷി ബംഗാളില് സിപിഎമ്മിന് ഇന്നില്ല. തനിച്ച് മത്സരിച്ചാല് സിപിഎം രണ്ടാം സ്ഥാനത്തേക്കോ മൂന്നാം സ്ഥാനത്തേക്കോ പോയേക്കാമെന്നും സോമനാഥ് ചാറ്റര്ജി പറഞ്ഞിരുന്നു.