കേംബ്രിഡ്ജ് അനലറ്റിക്കയുടെ ഓഫീസില് 'കൈപത്തി': അത് തന്നെയല്ലേ കോണ്ഗ്രസുകാരുടെ കൈ എന്ന് സ്മൃതി ഇറാനി
ഫെയ്ബുക്കിലെ ഡാറ്റാ ലീക്ക് സംബന്ധിച്ചുള്ള വിവാദങ്ങള് ഒന്നും ഇതുവരേയും കെട്ടടങ്ങിയിട്ടില്ല. കാംബ്രിഡ്ജ് അനലിറ്റക്കയെ ഉപയോഗപ്പെടുത്തിയത് സംബന്ധിച്ച് കോണ്ഗ്രസും ബിജെപിയും ഇപ്പോഴും പരസ്പരം പഴി ചാരിക്കോണ്ടിരിക്കുകയാണ്. ഇതിനിടയില് ഇരു കൂട്ടുക്കര്ക്കും അനലിറ്റക്കയുമായി ബന്ധമുണ്ടെന്ന് തെളിയിക്കുന്ന നിരവധി വാര്ത്തകള് പുറത്തുവന്നിട്ടുണ്ട്. ഇതിന് പിന്നാലെ കോണ്ഗ്രസിന്റേയും ബിജെപിയുടേയും ഔദ്യോഗിക ആപ്പുകള് അടക്കം നീക്കം ചെയ്തിരുന്നു. കോണ്ഗ്രസ് ബന്ധം സ്ഥാപിക്കാന് നിരവധി ഉദാഹരണങ്ങള് ബിജെപി ഇതിനോടകം പുറത്തുവിട്ടിട്ടുണ്ട്. ഇപ്പോള് കോണ്ഗ്രസിന് അനലിറ്റക്കയുമായി ബന്ധമുണ്ടെന്ന് തെളിയിക്കുന്ന ചിത്രവുമായി രംഗത്തെത്തിയിരിക്കുകയാണ് കേന്ദ്രമന്ത്രി സ്മൃതി ഇറാനി.
കേംബ്രിഡ്ജ് അനലിറ്റക്കയുടെ ഓഫീസില് സ്ഥാപിച്ചിട്ടുള്ള ഒരു ഫോട്ടോയില് കോണ്ഗ്രസിന്റെ കൈപ്പത്തി ചിഹ്നം ചൂണ്ടിക്കാട്ടിയാണ് സ്മൃതി ഇറാനി കോണ്ഗ്രസിനെ പരിഹസിച്ചത്. ട്വിറ്ററിലൂടെയാണ് സ്മൃതി ചിത്രം പുറത്തുവിട്ടത്. 'എന്താണ് രാഹുല് ജി ഇത്.. കോണ്ഗ്രസിന്റെ കൈപ്പത്തി കാംബ്രിഡ്ജ് അനലിറ്റക്കയോടൊപ്പം' എന്ന പരിഹാസമാണ് സ്മൃതി ഉയര്ത്തിയത്.
Kya Baat hai @RahulGandhi Ji.. Congress ka Haath, Cambridge Analytica ke Saath!https://t.co/fUaPlMekMB pic.twitter.com/JieXqUgp3K
— Smriti Z Irani (@smritiirani) 28 March 2018
കേംബ്രിഡ്ജ് അനലിറ്റിക്ക പുറത്താക്കിയ സിഇഒ അലക്സാന്ഡര് നിക്സിന്റെ ഓഫീസില് നിന്നുള്ള ചിത്രമാണ് പുറത്തുവന്നിരിക്കുന്നത്. മാധ്യമ പ്രവര്ത്തകനായ ജാമി ബാര്ട്ലെറ്റ് തയ്യാറാക്കിയ ഡോക്യുമെന്ററിയില് ആണ് ഈ ചിത്രം ഉള്പ്പെട്ടിട്ടുള്ളത്.ഈ വീഡിയോ ക്ലിപ്പില് നിക്സ് നില്ക്കുന്നത് പിന്വശത്തായി കോണ്ഗ്രസിന്റെ ചിഹ്നമായ കൈപ്പത്തി വ്യക്തമായി കാണുന്നുണ്ട്. ഇതോടൊപ്പം പാര്ട്ടിയുടെ മുദ്രാവാക്യമായ എല്ലാവര്ക്കും വികസനം എന്നതും ഈ വീഡിയോയില് കാണുന്നുണ്ട്.