വാര്ത്ത വിതരണ മന്ത്രി സ്ഥാനത്തുനിന്നും സ്മൃതി ഇറാനിയെ മാറ്റി, ഇനി പിയൂഷ് ഗോയൽ...
ദില്ലി: ദേശീയ ചലച്ചിത്ര അവാർഡിൽ ഉയർന്ന വിവാദത്തിന് പിന്നാലെ സ്മൃതി ഇറാനിയെ വാര്ത്ത വിതരണ മന്ത്രി സ്ഥാനത്തുനിന്നും മാറ്റി. രാജ്യവർദ്ധൻ സിങ് റാത്തോഡിനാണ് പുതിയ വാർത്ത വിതരമ മന്ത്രി. അരുണ് ജെയ്റ്റ്ലി കൈകാര്യം ചെയ്യുന്ന ധനകാര്യ മന്ത്രാലയം ചുമതല പിയൂഷ് ഗോയലിന് കൈമാറിയിട്ടുണ്ട്. നേരത്തെ വാർത്ത വിതരണ സഹമന്ത്രിയായിരുന്നു രാജ്യവർദ്ധന സിങ് റാത്തോഡ്. റെയിൽവേ മന്ത്രി പീയുഷ് ഗോയലിന് ധനകാര്യ വകുപ്പിന്റെ അധിക ചുമതല നൽകിയിട്ടുണ്ട്.
ടെക്സ്റ്റൈൽ മന്ത്രാലയം മാത്രമാണ് ഇനി സ്മൃതി ഇറാനിക്ക് കീഴിലുള്ളത്. നേരത്തെ വിവാദങ്ങളെ തുടർന്ന് മാനവ വിഭവ ശേഷി വകുപ്പിൽ നിന്നും സ്മൃതി ഇറാനിയെ മാറ്റിയിരുന്നു. കഴിഞ്ഞ ഏതാനും മാസങ്ങളായി ജെയ്റ്റ്ലി അസുഖബാധിതനായിരുന്നു. മാസങ്ങളായി അദ്ദേഹം ഡയാലിസിസിന് വിധേയനാകുകയായിരുന്നു. തിങ്കളാഴ്ച വൃക്ക മാറ്റിവെക്കൽ ശസ്ത്രക്രിയയ്ക്കും വിധേയനായി. ഇതിനെ തുടർന്നാണ് പിയൂഷ് ഗോയലിന് ധനകാര്യ മന്ത്രാലയ ചുമതല കൈമാറിയത്.
കൂടുതൽ നഷ്ടം സ്മൃതി ഇറാനിക്ക്
പുനസംഘടനയില് ഏറ്റവും കൂടുതല് നഷ്ടം ഉണ്ടായിരിക്കുന്നത് സ്മൃതി ഇറാനിക്കാണ്. ദേശീയ ചലച്ചിത്ര അവാര്ഡ് ദാന വിവാദത്തില് സ്മൃതിക്കെതിരെ വ്യാപക പ്രതിഷേധം ഉയര്ന്നിരുന്നു. വാര്ത്താ വിതരണമന്ത്രാലയം അനാവശ്യവിവാദമുണ്ടാക്കിയതില് പ്രധാനമന്ത്രിയുടെ ഓഫീസിനെ രാഷ്ട്രപതി ഭവന് അതൃപ്തി അറിയിക്കുകയും ചെയ്തിരുന്നു. ഇതാണ് സ്മൃതി ഇറാനിക്ക് വിനയായത്.
ഇനി ടൂറിസം വകുപ്പ് മാത്രം
അതേസമയം പുനസംഘടനയിൽ കേരളത്തിൽ നിന്നുള്ള അൽഫോൺസ് കണ്ണദാനത്തിനും 'പണി' കിട്ടി. അല്ഫോന് കണ്ണന്താനം കൈകാര്യം ചെയ്തിരുന്ന ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി വകുപ്പില്നിന്ന് അദ്ദേഹത്തെ മാറ്റി. ഇനി ടൂറിസം വകുപ്പ് മാത്രമാണ് കണ്ണന്താനം കൈകാര്യം ചെയ്യുക.
കാലാവധി അവസാനിക്കാൻ ഒരു വർഷം
എസ്.എസ്.അലുവാലിയയ്ക്കാണ് കണ്ണന്താനത്തിനു പകരമായി ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി വകുപ്പിന്റെ ചുമതല നൽകിയിരിക്കുന്നത്. കാലാവധി പൂര്ത്തിയാകാന് ഒരു വര്ഷം മാത്രം അവശേഷിക്കെയാണ് നരേന്ദ്രമോദി മന്ത്രിസഭയിൽ വീണ്ടും അഴിച്ചുപണി നടന്നിരിക്കുന്നത്.
അരുണ് ജെയ്റ്റ്ലിയുമായി കൂടിയാലോചിക്കും
അതേസമയം, ധനമന്ത്രിയുടെ ചുമതല താല്ക്കാലികമായി നല്കപ്പെട്ട പിയൂഷ് ഗോയല്, മന്ത്രി അരുണ് ജെയ്റ്റ്ലിയുമായി കൂടിയാലോചിച്ചായിരിക്കും മന്ത്രാലയത്തിന്റെ ചുമതല വഹിക്കുകയെന്ന് സര്ക്കാര് വ്യക്തമാക്കിയിട്ടുണ്ട്. മന്ത്രി അരുണ് ജെയ്റ്റ്ലി ദില്ലി എയിംസിലാണ് വൃക്കമാറ്റിവയ്ക്കല് ശസ്ത്രക്രിയക്ക് വിധേയനായത്. മന്ത്രി ജെയ്റ്റ്ലിയുടെ വൃക്കമാറ്റിവയ്ക്കല് ശസ്ത്രക്രിയ വിജയകരമായിരുന്നുവെന്നും അദ്ദേഹവും വൃക്കദാതാവും സുഖമായിരിക്കുന്നുവെന്നും എയിംസ് ആശുപത്രി അധികൃതര് പത്രക്കുറിപ്പില് അറിയിച്ചു.
-
തലമുറ തലമുറ കൈമാറി... അതികായരുടെ കോട്ടകൾ കൈവിട്ടു പോകാതിരിക്കാൻ മക്കൾ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
ബിജെപി വിജയം 3ൽ ഒതുങ്ങില്ല, പത്തിലധികമെന്ന് സർവ്വേ, ഞെട്ടിക്കുന്ന മുന്നേറ്റമുണ്ടാക്കും, സീ ഫോർ പ്രവചനം ഇങ്ങനെ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘പൊലീസിന് ഈ വീട്ടിൽ കാര്യമുണ്ട്’- സമൂഹ മാധ്യമങ്ങളിലെ തെരഞ്ഞെടുപ്പ് പോസ്റ്റുകളിൽ പൊലീസ് ഇടപെടൽ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google