ഭഗവാന് ശിവനും, ബുദ്ധനും, രാഖി സാവന്തും; സോഫിയ ഹയാത്തിന്റെ വിവാഹത്തിനെത്തുന്നവര്
മുംബൈ: വിവാദ മോഡല് സോഫിയ ഹയാത്ത് തന്റെ വിവാഹത്തിന് ക്ഷണിക്കുന്നവരുടെ പട്ടിക പുറത്തുവിട്ടു. എല്ലാ ദൈവങ്ങളെയും തന്റെ വിവാഹത്തിന് ക്ഷണിച്ചിട്ടുണ്ടെന്ന് സോഫിയ പറയുന്നു. ഭഗവാന് ശിവന്, ബുദ്ധന് ഉള്പ്പെടെയുള്ളവര് പട്ടികയിലുണ്ടെന്നാണ് കന്യാസ്ത്രീയായി മാറി വിവാദമായ മോഡല് സോഫിയ പറയുന്നത്.
മാര്ച്ച് അവസാനവാരം തന്റെ വിവാഹമുണ്ടാകുമെന്ന് കഴിഞ്ഞ ദിവസമാണ് സോഷ്യല് മീഡയയിലൂടെ സോഫിയ പ്രഖ്യാപിച്ചത്. നേരത്തെ വിവാഹം വേണ്ടെന്നും സെക്സ് ചെയ്യില്ലെന്നും കുട്ടികള് ഉണ്ടാകില്ലെന്നും പ്രഖ്യാപിച്ച സോഫിയ കന്യാസ്ത്രീയായതും ഏറെ വാര്ത്തയായിരുന്നു. ഇതിന് ശേഷമാണ് ആരാധകരെ ഞെട്ടിച്ച് വിവാഹ വാര്ത്ത പുറത്തുവിട്ടത്.
സ്വര്ഗത്തിലെ ദൈവത്തിന്റെ നിശ്ചയമാണ് തന്റെ വിവാഹമെന്ന് സോഫിയ പറയുന്നു. തന്റെ ഭാവി വരവും താനുമായി പ്രണയത്തിലാണ്. സുഹൃത്തുകളായ ഉദിത ഗോസ്വാമി, അഷ്മിത് പട്ടേല്, രോഹിത് വെര്മ, രാഖി സാവന്ത്, ബിഗ് ബോസിലെ സുഹൃത്തുക്കള് തുടങ്ങിയവരെല്ലാം വിവാഹത്തിനെത്തുമെന്നാണ് കരുതുന്നതെന്നും സോഫിയ പറഞ്ഞു.
മുന് കാമുകന് രോഹിത് ശര്മയ്ക്കും ഭാര്യയ്ക്കും പ്രത്യേക ക്ഷണമുണ്ടാകും. രോഹിത് ശര്മ വിവാഹത്തിനെത്തിയാല് ചുംബിച്ചുകൊണ്ടാകും സ്വീകരിക്കുകയെന്നും സോഫിയ പറയുന്നുണ്ട്. അതേസമയം, തന്റെ ചില ശത്രുക്കളെ വിവാഹത്ത സ്ഥലത്തേക്ക് അടുപ്പിക്കില്ലെന്നു സോഫിയ വ്യക്തമാക്കുന്നു.