Solar Eclipse 2023; സൂര്യഗ്രഹണം നാളെ, ഇക്കാര്യങ്ങൾ ചെയ്യല്ലേ, ദോഷം ചെയ്യും..അറിയാം

Updated: Wednesday, April 19, 2023, 13:12 [IST]

ദില്ലി: ഈ വർഷത്തെ ആദ്യ സൂര്യഗ്രഹണമാണ് നാളെ നടക്കുന്നത്. 'നിംഗലൂ സോളാർ എക്ലിപ്സ്' എന്നാണ് നാളത്തെ സൂര്യഗ്രഹണം അറിയപ്പെടുന്നത്. കാരണം ലോകത്തിന്റെ ചില ഭാഗങ്ങളിൽ പൂർണ സൂര്യഗ്രഹണമായും ചില സ്ഥലങ്ങളിൽ വലയ സൂര്യഗ്രഹണമായും ആണ് നാളത്തെ സൂര്യഗ്രഹണം ദൃശ്യമാകുക.

ഇന്ത്യയിൽ നാളത്ത സൂര്യഗ്രഹണം ദൃശ്യമാകില്ല. ഓസ്ട്രേലിയയുടെ പടിഞ്ഞാറൻ തീരത്തിന്റെ ചില ഭാഗങ്ങളിൽ ഉള്ളവർക്ക് മാത്രമേ പൂർണ സൂര്യഗ്രഹണം ദൃശ്യമാകു. ഇന്ത്യൻ സമയം രാവിലെ 3.34 മുതൽ 6.32 വരെയാകും ഭാഗിക സൂര്യഗ്രഹണം. പൂർണ ഗ്രഹണം രാവിലെ 4.29 മുതല്‍ 4.30 വരെ ഒരു മിനിറ്റില്‍ താഴെ മാത്രമാണ് നടക്കുക.

ഇന്ത്യയിൽ ഗ്രഹണം ദൃശ്യമാകില്ലെങ്കിലും ഗ്രഹണ സമയത്ത് ഇക്കാര്യങ്ങൾ ചെയ്യുന്നത് ദോഷം ചെയ്യുമെന്നാണ് പൊതുവെ വിശ്വസിക്കപ്പെടുന്നത്. അവ എന്തൊക്കെയാണെന്ന് നോക്കാം.

ഗ്രഹണ സമയത്ത് ഉറങ്ങരുതെന്നാണ് വിശ്വാസം. പ്രത്യേകിച്ച് പ്രായമായവരും അസുഖമുള്ളവരും. ഈ സമയം ഉറങ്ങുന്നത് ജ്യോതിശാസ്ത്ര പ്രകാരം ആളുകളുടെ ആരോഗ്യത്തെ ദോഷകരമായി ബാധിക്കുമത്രേ.

ഈ സമയത്ത് ഭക്ഷണം പാകം ചെയ്യുകയോ കഴിക്കുകയോ ചെയ്യുന്നതും ശരീരത്തിന് ദോഷം ചെയ്യുമെന്നാണ് കണക്കാക്കപ്പെടുന്നത്.

സൂര്യഗ്രഹണ സമയത്ത് ദൈവങ്ങളെ ആരാധിക്കുകയോ പൂജപോലുള്ള ചടങ്ങുകൾ നടത്തുകയോ ചെയ്യരുതത്ര. സൂര്യഗ്രഹണത്തിന് ശേഷം വിഗ്രഹങ്ങൾ കഴുകകയും പൂജ നടത്തുകയും ചെയ്യണം.

ഗർഭിണികൾ ഒരിക്കലും സൂര്യഗ്രഹണം കാണാൻ പാടില്ലെന്നാണ് പറയപ്പെടുന്നത്. സൂര്യ പ്രകാശം ഏൽക്കാതിരിക്കാൻ പ്രത്യേകം ശ്രദ്ധിക്കുകയും വേണം.

പുരാണ ഗ്രന്ഥങ്ങൾ അനുസരിച്ച് സൂര്യഗ്രഹണം കഴിഞ്ഞാൽ ആളുകൾ കുളിക്കുകയും പുതിയ വസ്ത്രങ്ങൾ ധരിക്കുകയും വീട് വൃത്തിയാക്കുകയും ചെയ്യണം.

വിശ്വാസമനുസരിച്ച്, സൂര്യഗ്രഹണം ആരംഭിക്കുന്നതിന് മുമ്പ് തുളസിയിലെ വെള്ളത്തിലും ഭക്ഷണത്തിലും ഇടണം.

ഹിന്ദു വിശ്വാസപ്രകാരം ഗർഭിണികൾ സൂര്യഗ്രഹണ സമയത്ത് വീടിന് പുറത്ത് ഇറങ്ങാൻ പാടില്ലത്രേ. പുറത്തിറങ്ങുന്നത് കുട്ടിയുടെ ആരോഗ്യത്തെ ദോഷകരമായി ബാധിക്കുമെന്നാണ് പറയപ്പെടുന്നത്.

സൂര്യഗ്രഹണം പൂർത്തിയായാൽ ഗംഗാ ജലം തളിക്കുന്നത് ദോഷങ്ങൾ അകറ്റാൻ സഹായിക്കുമെന്നാണ് കരുതപ്പെടുന്നത്.

സൂര്യഗ്രഹണം ഒരിക്കലും നഗ്ന നേത്രങ്ങൾ കൊണ്ട് നോക്കരുത്. ഇത് കാഴ്ച ശക്തി തന്നെ നഷ്ടമാകുന്നതിന് കാരണമായേക്കും.

സൂര്യഗ്രഹണ സമയത്ത് ഏതെങ്കിലും പുതിയ വസ്തുവകകൾ വാങ്ങുകയോ ഏതെങ്കിലും ശുഭകരമായ പ്രവൃത്തികൾ ചെയ്യുകയോ ചെയ്യരുത്.
സൂര്യഗ്രണ സമയത്ത് മൂർച്ചയുള്ള ആയുധങ്ങൾ ഉപയോഗിക്കാൻ പാടില്ല.