കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സൈനികന്‍ സഹോദരഭാര്യയേയും ബന്ധുക്കളേയും വെടിവച്ച് കൊന്നു, സൈനികനെ പൊലീസ് കൊന്നു

Google Oneindia Malayalam News

സംഗ്രൂര്‍: മദ്യപിച്ച് ലക്കുകെട്ട സൈനികന്‍ ബന്ധുക്കളെ വെടിവച്ച് കൊന്നു. പഞ്ചാബിലെ സംഗ്രൂര്‍ ജില്ലയിലെ ധൂരി ഗ്രാമത്തിലാണ് സംഭവം. വെടിവയ്പ്പില്‍ നാല് പേര്‍ കൊല്ലപ്പെട്ടു. കുട്ടികള്‍ ഉള്‍പ്പടെ ഒട്ടേറെപ്പേര്‍ക്ക് പരിക്കേറ്റു. അക്രമാസക്തനായ സൈനികനെ പൊലീസുകാര്‍ വെടിവച്ച് കൊന്നു.

ജഗ്ദീപ് സിംഗ് ജാഗി (28) എന്ന സൈനികനാണ് മദ്യപിച്ച് ലക്കുകെട്ട് കൊലപാതകം നടത്തിയത്. അടുത്തിടെ ജഗ്ദീപ് സഹോദരഭാര്യയെ മര്‍ദ്ദിച്ചിരുന്നു. ഈ സംഭവത്തോടെയാണ് കുടുംബങ്ങള്‍ തമ്മില്‍ വഴക്കാകുന്നത്. ലീവെടുത്ത് നാട്ടിലെത്തിയ ജഗ്ദീപ് പലപ്പോഴും ബന്ധുക്കളുമായി വഴക്കിട്ടിരുന്നു. കുടുംബത്തിലെ മുതിര്‍ന്നവര്‍ ഇടപെട്ടാണ് പ്രശ്‌നങ്ങള്‍ പരിഹരിച്ചിരുന്നത്.

മൂന്നോളം ബന്ധുവീടുകളില്‍ അതിക്രമിച്ച് കടന്ന ഇയാള്‍ വെടിയുതിര്‍ക്കുകയായിരുന്നു. 12-ബോര്‍ ഡബിള്‍ ബാരല്‍ ഗണ്‍ ഉപയോഗിച്ചാണ് ഇയാള്‍ വെടിയുതിര്‍ത്തത്. പൊലീസിനെ വിവരമറിയിച്ച ബന്ധുക്കളില്‍ പലരും ജഗ്ദീപിനെ ഭയന്ന് വീടുകള്‍ പൂട്ടി ഒളിച്ചിരിയ്ക്കുകയായിരുന്നു.

തന്റെ അമ്മായിയായ ലാഭ് കൗര്‍ ഇവരുടെ കൊച്ചുമകനായ ഹര്‍മദീപ് സിംഗ് (എട്ട്), സഹോദര ഭാര്യ ഗുര്‍പ്രീത് കൗര്‍ ഇവരുടെ അമ്മ കര്‍നൈല്‍ കൗര്‍ എന്നിവരെയാണ് ജഗ് ദീപ് കൊലപ്പെടുത്തിയത്. കീഴടങ്ങാന്‍ പൊലീസ് ആവശ്യപ്പെട്ടെങ്കിലും ഇയാള്‍ തയ്യാറായില്ല. തുടര്‍ന്ന് പൊലീസ് ഇയാളെ വെടിവയ്ക്കുകയായിരുന്നു.

ജീവനോടെ പിടികൂടാന്‍ ശ്രമിച്ചെങ്കിലും പ്രതി പൊലീസിനെ കബളിപ്പിയ്ക്കാന്‍ ശ്രമിച്ചു. താന്‍ വിഷം കഴിച്ചുവെന്നും ഇപ്പോള്‍ മരിയ്ക്കുമെന്നും ഇയാള്‍ പൊലീസുകാരോട് പറഞ്ഞു. മയങ്ങി വീഴുന്ന പോലെ അഭിനയിച്ച ഇയാള്‍ പൊലീസ് അടുത്തെത്തിയപ്പോള്‍ അവര്‍ക്ക് നേരയും വെടിയുതിര്‍ത്തു. തുടര്‍ന്നാണ് പൊലീസ് ഇയാളെ വെടിവച്ച് കൊന്നത്.

English summary
Army jawan guns down 4 relatives in Sangrur village; shot dead by police.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X