കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സോമനാഥ് ഭാരതി ഒളിവില്‍, വീട്ടിലും ഓഫീസിലും പോലീസ് റെയ്ഡ്!

  • By Muralidharan
Google Oneindia Malayalam News

ല്ലി: ദില്ലി മുന്‍ നിയമന്ത്രിയും ആം ആദ്മി എംഎല്‍എയുമായ സോമനാഥ് ഭാരതിയുടെ വീട്ടില്‍ പോലീസ് റെയ്ഡ് നടത്തി. സാമനാഥ് ഭാരതി സമര്‍പ്പിച്ച മുന്‍കൂര്‍ ജാമ്യാപേക്ഷ തള്ളപ്പെട്ടതിനെ തുടര്‍ന്നാണ് റെയ്ഡ്. ഓഫീസിലും വീട്ടിലും റെയ്ഡ് നടത്തിയെങ്കിലും സോമനാഥ് ഭാരതിയെ കണ്ടെത്താന്‍ കഴിഞ്ഞില്ല എന്ന് ദില്ലി പോലീസ് അധികൃതര്‍ പറഞ്ഞു. അറസ്റ്റ് ഒഴിവാക്കാന്‍ വേണ്ടി സോമനാഥ് ഭാരതി ഇപ്പോള്‍ ഒളിവിലാണ്.

സോമനാഥ് ഭാരതി സമര്‍പ്പിച്ച മുന്‍കൂര്‍ ജാമ്യാപേക്ഷ ചൊവ്വാഴ്ച ദില്ലി ഹൈക്കോടതി തള്ളിയിരുന്നു. ദില്ലി കോടതി നേരത്തെ സോമനാഥ് ഭാരതിയുടെ മുന്‍കൂര്‍ ജാമ്യാപേക്ഷ തള്ളിയിരുന്നു. ഇതിനെ ചോദ്യം ചെയ്താണ് ഭാരതി ഹൈക്കോടതിയെ സമീപിച്ചത്. ഇതേത്തുടര്‍ന്നാണ് അറസ്റ്റ് ചെയ്യാനായി സോമനാഥ് ഭാരതിയുടെ മാളവ്യനഗറിലുള്ള വീടും ഓഫീസും പോലീസ് റെയ്ഡ് ചെയ്തത്.

somnath-bharti

ഭാര്യ ലിപിക മിശ്ര നല്‍കിയ ഗാര്‍ഹിക പീഡനക്കേസിലാണ് സോമനാഥ് ഭാരതിയെ പോലീസ് തിരയുന്നത്. പടിഞ്ഞാറന്‍ ദില്ലിയിലെ ദ്വാരക നഗര്‍ പോലീസ് സ്‌റ്റേഷനിലാണ് ഭാരതിക്കെതിരെ കേസ് രജിസ്റ്റര്‍ ചെയ്തിരിക്കുന്നത്. സോമനാഥില്‍ നിന്നും ഗാര്‍ഹികപീഡനവും മാനസികപീഡനവും നേരിടുകയാണെന്നാണ് ലിപിക മിശ്ര തന്റെ പരാതിയില്‍ പറയുന്നത്. പോലീസ് ഉദ്യോഗസ്ഥര്‍ വിളിപ്പിച്ചിട്ടും സോമനാഥ് ഭാരതി അന്വേഷണത്തോട് സഹകരിക്കുന്നില്ല എന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു.

English summary
The office and residence of Delhi's former law minister Somnath Bharti were raided on Tuesday after his anticipatory bail was dismissed but police said he could not be found.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X